LAMKALTU 9:13 - Lai (Hakha) Common Language Bible 2006

¹³ Ananias nih cun a leh i, “Bawipa, mi tampi nih hi pa kong hi an ka chimh; Jerusalem khua i na mi hna cungah thil ṭhalo a tuahmi vialte kha ka theih.

Laibaibal Thiang (BSI)

¹³ Ananias nih, “Bawipa, cu pa cu Jerusalem i na mithiang hna cungah fahnâk nganpi a tuahtu a si, tiah mi tampi sinin ka theih.

LAMKALTU 9:13 ပူးပေါင်းရင်းမြစ်များ

EZEKIEL 3:14

Thlarau nih a ka cawi i a ka zuanpi i lunglawmhnak he khat in ka kal i Bawipa kut cu ka cungah ṭhawng ngaiin a um.

MATTHAI 10:16

“Ngai hmanh u! Cenghngia hrang rual lak i thlahmi tuu bantukin kan thlah hna. Cucaah rul bantukin vaa fim u law ṭhuro bantukin nan nun va nem u.

LAMKALTU 22:4

Hi Lam a zulmi hna hi ka rak hrem hna i ka rak thah hna. Nu he pa he ka rak tlaih hna i thong ah ka rak thlak hna.

LAMKALTU 8:3

Sihmanhsehlaw Saul nih khan khrihfabu cu hrawh aa zuam; inn khat hnu inn khat in a kal i a zummi hna kha nu thlulo pa thlulo in a hnuh hna i thong ah a thlak hna.

LAMKALTU 9:1

Cu lio hrawngah cun Bawipa zultu pawl kha Saul nih thah awkin a tlerh cuahmah lengmang ko hna. Tlangbawi Ngan sinah a hung kal i

LAMKALTU 9:21

A bia a theimi paoh cu an khuaruah a har i, “Hi pa hi Jerusalem khua i Bawi Jesuh min a komi paoh a that i hika zongah hin cu bantuk ṭhiamṭhiam in annih kha tlaih i tlangbawi upa hna sinah kalpi awkah a ramipa kha a si lo maw?” an ti.

LAMKALTU 9:32

Peter cu khuazakip ah khan a kal i voi khat cu Lidda khua i a ummi Pathian mi hna kha a va tlawng hna.

LAMKALTU 9:41

Peter nih a kut a hei chanh i a thawh. Cun a zummi hna le nuhmei hna kha a auh hna i a nung in an sinah cun a pek hna.

ROM 1:7

Cucaah Pathian nih a dawt i amah mi si dingah an kawhmi hna, Rom khua i a ummi nan dihlak in ca kan kuat hna: Pathian kan Pa le Bawipa Jesuh Khrih nih vel le daihnak cu in pe ko hna seh.

ROM 15:31

Judea ram i a ummi, Khrih a zum lomi hna kut chungin ka him nakhnga le Jerusalem khua i ka rian ṭuan dingmi hi Pathian mi hna caah cohlan awk tlak a si nakhnga thla rak cam u.

ROM 16:15

Filologas le Julia, cun Nereus le a far le Olimpas le an sinah a ummi Pathian mi vialte kha nan kut kan tlaih hna.

ROM 16:2

Pathian mi cu pakhat le pakhat nan i cohlan awk a si bantukin nannih nih amah cu Bawipa min in rak cohlang u law bawmhnak a herhmi paoh ah khan rak bawm u; amah cu mi tampi caah hawikom ṭha a si, keimah ca zongah a si ve.

1 KORIN 1:2

Nannih cu Pathian mithiang si awkah kawh nan si i Khrih Jesuh he nan i pehtlaihnak thawngin Pathian ta nan si. Cun Jesuh Khrih cu kan Bawi zong a si i an Bawi zong a si ve bantukin kan Bawipa Jesuh Khrih min in thla a cammi paoh cu khuazeika i a ummi an si hmanh ah Pathian ta cu an si ve.

1 KORIN 14:33

zeicahtiah Pathian nih a kan auh cu ningcang lo piin um awkah si loin daite le rem tein um awk tu ah a si.

1 KORIN 16:1

Judea ram i a ummi Pathian mi hna bawmhnak ca i phaisa thawh awk timi kong ah khan, Galatia khrihfabu ka chimhmi hna kha rak tuah ve u.

1 KORIN 6:5

Nan caah ningzah awk a va si dah. Unau aa simi hna karlak i bia a thlek khotu mifim pakhat tal cu nan um ṭheo lai.

EFESA 1:1

Pathian duhnak in Khrih Jesuh lamkaltu a simi keimah Paul nih, Efesa khua i a ummi Pathian mi hna, Khrih Jesuh chung i nan nunnak ah zumh awk tlak in khua a sami hna, ca kan kuat hna.

FILIPI 1:1

Khrih Jesuh sal Paul le Timote nih, Filipi khua i a ummi Pathian mi nan dihlak, Khrih Jesuh a zummi hna cu, nan pastor hna le Khrihfa upa hna he, ca kan in kuat hna.

FILIPI 4:22

Siangpahrang inn cawngtu pawl le hika i a ummi Pathian mi vialte hna zong nih nan kut an in tlaih hna.

KOLOSE 1:2

Pathian duhnak in Khrih Jesuh lamkaltu a simi keimah Paul le kan nau Timote nih ca kan in kuat hna. Pathian kan Pa nih vel le daihnak in pe ko hna seh.

HEBRU 13:24

Nan hruaitu vialte hna le Pathian mi vialte hna kha rak ka biakchawnhpiak hna u. Kan unau pawl nih Itali ram in an in biakchawnh hna.

JUDAS 1:3

Ka dawtmi ka hawile hna, kan dihlak in kan i hrawmmi khamhnak kong kha ca in, in chim hna ning ti cu ka duh zungzalmi a si. Sihmanhsehlaw atu ah hin, Pathian nih voi khat ah za lak in a mi a pekmi hna zumhnak kha rak ṭanh u, tiah in chimh hna kha a herh hringhran in ka hngalh caah cu kong cu ca in kua loin kan um kho hna lo.

1 SAMUEL 16:2

Cun Samuel nih, “Zeitindah ka kal khawh lai? Saul nih a theih ahcun, a ka thah lai,” tiah a ti. Cun Bawipa nih, “Cawla pakhat in i lak law, ‘Bawipa sin i raithawi awkah ka ra,’ tiah va ti.