LAMKALTU 8:24 - Lai (Hakha) Common Language Bible 2006

²⁴ Simon nih Peter cu a thawh i, “Na chimmi vialte hi pakhat hmanh ka cungah a tlun nakhnga lo Bawipa sinah thla ka campiak tuah,” tiah a ti.

Laibaibal Thiang (BSI)

²⁴ Simon nih, “Nan chimmi hi ka cungah a tlun sual nâkhnga lo nanmah nih Bawipa sinah thla ka campiak u,” tiah a ti hna.

LAMKALTU 8:24 ပူးပေါင်းရင်းမြစ်များ

GENESIS 20:17

Abraham nupi Sarah cung i a tlungmi thil ruangah khan Bawipa nih Abimelek inn chung i a ummi nu vialte kha fa ngei kho loin a tuah dih hna. Cucaah Abraham nih Abimelek kha thla a campiak i Pathian nih a damter. A nupi le a salnu hna zong kha a damter hna i fa an ngei kho ṭhan.

GENESIS 20:7

Asinain atu cu minu kha a va sinah kirter ṭhan. A va cu profet a si i thla an campiak lai i na thi lai lo. Sihmanhsehlaw na kirter ṭhan lo ahcun, nangmah le na innchungkhar kha nan thi dih lai, tiah ralrinnak kan pek,” a ti.

1 SIANGPAHRANG 13:6

Cun siangpahrang nih Pathian mi cu a thawh i, “Bawipa na Pathian cu ka nawlpiak law, thla ka campiak tuah, ka kut hi a dam ṭhan nakhnga,” tiah a ti. Cun Pathian mi nih Bawipa cu a nawl i siangpahrang cu a kut kha a dam ṭhan i hmasa i bantuk kha a si ṭhan.

EZRA 8:23

Cucaah cun rawl kan ul i kan Pathian cu kan hal i kan nawlnak cu a kan ngaihpiak.

JOB 42:8

Cucaah cawtum pasarih le tuukawng pasarih in i lak hna u law ka sal Job sinah va kal u law nan caah khangh thawinak va pechan u; cun ka sal Job nih thla an campiak hna lai, zeicahtiah ka sal Job nih ka kong ah a dikmi bia a chim bantukin nannih nih nan chim lo ruangah nan hruhnak bantukin nan cungah ka tuah nakhnga lo amah thlacamnak cu ka cohlan lai,” tiah a ti.

EXODUS 10:17

Cucaah atu voi khatte hi cu, ka sualnak kha ka ngaithiam u law hi thihnak dantatnak hi Bawipa nan Pathian nih a ka ṭhialpiak nakhnga amah sinah cun thla ka campiak u,” a ti hna.

EXODUS 12:32

Nan ka hal bangin nan tuu le nan meheh le nan caw kha i kalpi hna u law, chuak u. Cun thluachuahnak ka hmuh nakhnga thla ka campiak u,” a ti hna.

EXODUS 8:8

Faro nih Moses le Aaron kha a auh hna i, “Bawipa sinah cun thlacam u law ka mi hna sin hin utlak hi la hna seh, cun nan mi hna cu Bawipa sinah raithawinak an pekchanh khawh nakhnga ka kalter hna lai,” a ti.

JEREMIAH 37:3

Siangpahrang Zedekiah nih cun Shelemiah fapa Jehukal le Ma-aseiah fapa tlangbawi Zefaniah kha profet Jeremiah sinah a hei thlah hna i, “Bawipa kan Pathian sinah thla rak kan campiak tuah,” tiah a ti.

JEREMIAH 42:2

profet Jeremiah cu an thawh i, “Zaangfah kan in halnak hi kan cohlanpiak ko: Kanmah aiawh in le hi a tangmi hna aiawh hin Bawipa na Pathian sinah thlacam tuah; zeicahtiah nangmah nih na kan hmuh bangin mi tampi chung khan a tangmi cu tlawmte lawng kan si.

NAMBAR 21:7

Cun annih nih Moses sinah an ra i, “Bawipa le nangmah kha kan in mawhchiat hna caah kan sual cang; kannih sinin rul kha a lak hna nakhnga, Bawipa sinah thlacam tuah,” tiah an ti. Cucaah Moses nih annih caah thla a cam.

JEIM 5:16

Cucaah cun nan sualnak kha pakhat le pakhat i chim u law pakhat le pakhat thla i campiak u, cu ti nan tuah ahcun damnak nan hmuh lai. Miṭha mi thlacamnak cu hmual a ngei.

1 SAMUEL 12:19

Cun mi vialte nih Samuel sinah cun, “Bawipa na Pathian sinah cun, kan thih nakhnga lo, na sal hna caah hin thla kan campiak tuah; zeicahtiah kan sualnak vialte cungah hi thil ṭhalo hi kan i chap cang, kan ca i siangpahrang kan hal hi,” tiah an ti.

1 SAMUEL 12:23

Cuhleiah nan ca i thlacam ka ngol thawngin Bawipa cung i sualnak ka tuah hnga cu ka duh ding naisai a si lo; lam ṭha le lam ding chung kal awk kha kan cawnpiak ko hna lai.