LAMKALTU 8:21 - Lai (Hakha) Common Language Bible 2006

²¹ Pathian mithmuh ah na lung kha ahmaan lo caah kan rian ṭuannak ah hin zeihmanh naa tel venak a um lo.

Laibaibal Thiang (BSI)

²¹ Hi thil ah hin nâ tel ve lo i covo zong na ngei lo, na lungput hi Pathian hmai ah a ṭha lo,

LAMKALTU 8:21 ပူးပေါင်းရင်းမြစ်များ

2 CHANRELNAK 25:2

Bawipa mithmuh ah a dikmi kha a tuah, asinain, soisel awk um lo lung he a si lo.

NEHEMIAH 2:20

Khi tikah kei nih ka leh hna i, “Vancung Pathian nih khua awng a kan pemhter lai i kannih a sal hna nih hin kan tho lai i kan sak lai; sihmanhsehlaw nannih cu Jerusalem ah hin covo siseh, tinvo siseh, hngalh camcinnak siseh, nan ngei lai lo,” tiah ka ti.

SALM 36:1

Sualnak nih miṭhalo cu a lungchung thukpi ah bia a chimh i Pathian kha a hlawt i a ṭih lo.

LEVITIKAS 13:8

cun tlangbawi nih a zoh lai i a cuar ah a pharnak kha a karh ahcun tlangbawi nih cun amah cu a thianglo tiah a thanh lai; mah cucu thinghmui zawtnak a si.

HABAKKUK 2:4

Cun a bia cu hihi a si: “A ṭha lomi cu a nung lai lo. Sihmanhsehlaw a dingmi cu a nung lai. Pathian sinah zumhtlak a sinak thawngin a nung lai,” a ti.

LUKA 1:6

An pahnih in Pathian hmaiah nuncan ṭha in a nung i Bawipa nawlbia vialte le phunglam vialte tlamtling tein a zulmi an si.

JOHAN 21:17

Cun Jesuh nih cun, “Johan fapa Simon, na ka daw maw?” tiah a ti ṭhan hoi. Jesuh nih, voi thum tiang, na ka daw maw, tiah a hal caah khan Peter cu a ngaih a chia i, “Bawipa, nangmah nih zeizong vialte na hngalh dih, kan dawt cu na hngalh ko hen cu,” a ti. Jesuh nih cun, “Ka tuu kha zohkhenh hna.

LAMKALTU 8:37

Filip nih aa thawh i, “Na lung dihlak in na zumh ahcun tipilnak cu na in ko lai,” tiah a ti. “Ka zumh, Jesuh Khrih cu Pathian Fapa a si ti kha ka zumh ko,” tiah a ti.)

EFESA 5:5

Hihi fiang tein i theih u: nu le pa sualnak a tuahmi le dawhcah loin khua a sami le a hak a kaumi cu Khrih Pennak chung le Pathian Pennak chungah covo zeihmanh an ngei lai lo (hakkauh hi siasal biak phun khat a si).

DEUTERONOMI 10:9

Cucaah Levi cu a unau hna lakah covo siseh ro siseh a ngei lo; Bawipa nan Pathian nih amah sinah a chim bang khan, Bawipa cu a ro a si.)

DEUTERONOMI 12:12

Cun Bawipa nan Pathian hmaiah nan i lawm lai, nanmah le nan fapa hna le nan fanu hna, nan salpa hna le nan salnu hna le nannih lak i a ummi Levi mi he tiah, zeicahtiah anih cu nannih sinah covo siseh ro siseh a ngei lo.

HEBRU 4:13

Pathian sinin thuh khawhmi thil zeihmanh a um lo. Sermi thil vialte hi an dihlak in a hmaika ah an lang dih hirhiar i amah sinah cun kan kong cu kan i chim cio lai.

JOSHUA 22:25

Zeitintiah nannih Reuben mi hna le Gad mi hna, nannih le kannih karah Bawipa nih Jordan cu ramri ah a ser ko; Bawipa chungah nannih cu covo nan ngei lo,’ an ti hna lai ti kan phan caah kan tuah cu a si. Cuticun nan fale nih kan fale cu Bawipa biak kha an ngolter sual hna hnga.

BIAPHUAN 2:23

Cun a zultu hna zong kha ka thah hna lai i Khrihfabu vialte nih khan keimah cu minung lungthin le duhnak a hngal dihtu ka si kha an hngalh lai. Nannih cu nan tuahmi ning cio ah kan cham hna lai.

BIAPHUAN 20:6

Hi mithi thawhter an si a pakhatnak i aa telmi hi cu lunglawmmi le thluachuak hringhranmi an si ko. Thih voi hnihnak nih an cungah nawl zeihmanh a ngei lo; annih cu Pathian le Khrih tlangbawi an si lai i Khrih he cun kum thong khat chung uktu bawi an si lai.

BIAPHUAN 22:19

Cun hi cauk chung i aa ṭialmi profet bia kha azeihmanh a hlawmi cu, hi cauk chungah aa ṭialmi nunnak thingkung theitlai a co hnga ding le Khua Thiang chung i um venak a co hnga ding cu Pathian nih a lakpiak lai.