LAMKALTU 8:2 - Lai (Hakha) Common Language Bible 2006

² Steven kha biaknak lei i aa biatakmi a cheu nih an vui i fak piin an ṭah.

Laibaibal Thiang (BSI)

² Pathian mi hna nih Steven kha an vui i fak piin an ṭah.

LAMKALTU 8:2 ပူးပေါင်းရင်းမြစ်များ

GENESIS 23:2

Kanaan ram chung Kiriath-arba khua ah a thi (Kiriath-arba cu Hebron ti zongah ti a si). Abraham nih khan a ruak tuamhlawmnak ding cu a tuah i a ṭah.

GENESIS 50:9

Rangleng le rangcung ralkap zong kha an kal ve; bu ngan ngaingai an si.

2 SAMUEL 3:31

Cun David nih Joab le a sin i a ummi vialte kha a thawh hna i, “Nan puan kha thlek hna u law, buri kha i aih u law, Abner kha ngai tuah u,” tiah a ti hna. Cun Siangpahrang David nih ruakkuang kha a zulh.

2 CHANRELNAK 32:33

Cun Hezekiah cu a pupa hna sinah a it i David fapa hna thlan kainak ah khan an vui; Judah ram mi vialte le Jerusalem mi hna nih khan a thih ah cun upatnak an pek. Cun a fapa Manasseh cu amah hmun ah khan a hung bawi.

2 CHANRELNAK 35:25

Jeremiah zong nih ṭah hla a lawh i hlasak thiammi pa vialte le nu vialte nih nihin tiang hin Josiah cu an hla ah an cuanter. Mah hihi Israel mi lakah phunglam ah an ser hna; zohhmanh, Ṭah Hla chungah an i ṭial.

JEREMIAH 22:10

Nannih Judah mi hna, Siangpahrang Josiah kha ṭah hlah u, A thih zun zong ngai hlah u; Sihmanhsehlaw a fapa Shallum tu kha lunghno ngaiin ṭah u, Zeicahtiah kir ti lo dingin an kalpi lai, A chuahnak ram kha zeitik hmanh ah a hmu ṭhan ti lai lo.

JEREMIAH 22:18

Cucaah Judah siangpahrang Josiah fapa Jehoiakim kong ah Bawipa bia cu hi bangin a si: ‘Aize, ka nau, ka dawtmi ka nau,’ tiin siseh, ‘Aize, ka bawipa le ka siangpahrang,’ tiin siseh, a ṭahtu ahohmanh an um lai lo.

NAMBAR 20:29

Mibu nih an dihlak in Aaron kha a thi cang ti an hngalh tikah, Israel innchungkhar vialte nih Aaron cu ni sawm thum a zuun an ngaih.

MARKA 6:29

Johan thihnak kong cu a zultu hna nih khan an theih tikah an ra i a ruak kha an lak i thlan ah an vui.

LUKA 2:25

Jerusalem khua ah khan mipa pakhat, a min Simeon a simi a rak um. Amah cu miṭha le Pathian a ṭihmi kha a si i Israel khamhnak ding a rak hngakmi kha a si. Thiang Thlarau nih khan a umpi i

LAMKALTU 10:2

Amah cu biaknak leiah aa zuam ngaingaimipa a si i amah le a innchungkhar nih khan an dihlak in Pathian kha an biak. Amah nih khan Judah mi hna lak i misifak hna kha siang ngaiin a bawmh hna i Pathian sinah thla zong a cam zungzal.

LAMKALTU 2:5

Cun Jerusalem khua chungah vawleicung khuazakip in a rami Judah mi an um liote kha a si; cu hna cu biaknak lei i aa zuam ngaingaimi pawl kha an si.

LAMKALTU 8:1

Cu ni hrimhrim cun Jerusalem khua khrihfabu nih hremnak in hram aa thawk. Lamkaltu pawl kha dah ti lo cu, a zummi vialte kha Judea ram le Samaria ram ah an i ṭhek dih.

LAMKALTU 8:3

Sihmanhsehlaw Saul nih khan khrihfabu cu hrawh aa zuam; inn khat hnu inn khat in a kal i a zummi hna kha nu thlulo pa thlulo in a hnuh hna i thong ah a thlak hna.

DEUTERONOMI 34:8

Cun Israel mi nih Moses cu Moab nelrawn ah ni sawm thum an ṭah; cun Moses an ṭahnak ni hna cu a dong.

1 SAMUEL 28:3

Samuel kha atu cu a thi cang i Israel mi vialte nih an ṭah i amah khua Ramah ah khan an vui. Cun Saul nih thitlawnthiam le hnamngei kha ram chungin a dawi dih hna.