LAMKALTU 7:60 - Lai (Hakha) Common Language Bible 2006

⁶⁰ A khuk aa bil i fak piin a au i “Bawipa, hi sualnak hi an cungah khing hlah,” tiah a ti i a thi colh. Cun Steven an nawn kha Saul zong cu a hna a tla ve.

Laibaibal Thiang (BSI)

⁶⁰ Cuticun a khuk â bil i aw thang ngaiin, “Bawipa hi sualnâk mawh hi an cungah tlunter hlah,” tiah a ti. Cu bia a chim dihin â hngilh.

LAMKALTU 7:60 ပူးပေါင်းရင်းမြစ်များ

EZRA 9:5

Cun zanlei raithawinak caan ah khan ka puan le ka angki tlek he cun rawl ka ulhnak khan ka hung tho i ka khuk kaa bil i Bawipa ka Pathian sinah cun ka kut ka samh hna i:

DANIEL 12:2

Leidip chungah a itmi hna lakin tampi cu an hun i ṭhang lai, a cheu cu zungzal nunnak chungah an hun i hlau lai i a cheu cu zungzal huatnak le ningzahnak chungah an hun i hlau lai.

DANIEL 6:10

Daniel nih cu nawlbia cu chuah a si cang ti a theih tikah a inn ah a lawi. A inn khaan cung dot ah khan Jerusalem lei hoih in thlalangawng pathum an um. Khika ah khan a tuah tawn phung a si zungzal bantukin a khuk aa bil i ni khat ah voi thum lengmang thla a cam i a Pathian kha a thangṭhat.

MATTHAI 27:52

thlan kha an i hung; Pathian mi a rak thi ciami tampi kha an tho ṭhan.

MATTHAI 5:44

Sihmanhsehlaw kei nih cun, hitihin kan ti hna: nan ral kha va daw hna u law an hremtu hna kha thla va campiak hna u,

LUKA 22:41

Cun an sin khan lungchep tluk a va kal i a khuk aa bil i thla a cam.

LUKA 23:34

Jesuh nih aa thawh i, “Ka Pa, ngaithiam hna. An tuahmi hi zei a si ti awk an hngal lo,” tiah a ti. Camcawhfung zuh in a hnipuan kha an i phaw.

LUKA 6:28

chiat an serhtu hna kha thla va campiak hna u.

JOHAN 11:11

‘Kan hawi Lazaruh kha aa hngilh cang, sihmanhsehlaw ka va kal lai i ka va thawh lai,” a ti.

LAMKALTU 13:36

David nih khan amah a caan ah khan Pathian rian cu a rak ṭuan; cun a thi i a hringsortu hna sinah khan vui a si i thutnak kha a in.

LAMKALTU 20:36

Paul nih bia a chim dih in an dihlak in an khuk an i bil i thla a cam.

LAMKALTU 21:5

Sihmanhsehlaw anmah sin kan camnak caan cu a dongh tikah kan i thawh i kan kal ṭhan. An dihlak in, an nupile le an fale hna he khua leng tiang an kan thlah. Rilikam ah cun kan dihlak in kan khuk kan i bil i thla kan cam.

LAMKALTU 9:40

Peter nih an dihlak in a chuahter hna i a khuk aa bil i thla a cam; cun miruak leiah khan a hei i mer i, “Tabitha, tho tuah,” tiah a ti. A mit kha a hun au i Peter kha a hmuh tikah a hung ṭhu.

1 KORIN 11:30

Cucaah cun pei mi tampi nan zawt nan fah i a thih zong tlawmpal cu nan thihphah kha a si cu.

1 KORIN 15:18

Cuhleiah Khrih a zummi a thi cangmi zong kha an lotlau dih ti a si fawn hnga.

1 KORIN 15:20

Sihmanhsehlaw biatak cu hihi a si: Khrih cu thihnak in thawhter a si i cucu thihnak chung i aa hngilhmi hna zong kha thawhter an si ve lai tinak aamahkhan a si.

1 KORIN 15:51

Biathli pakhat kan chimh hna hmanh lai: kan dihlak hin kan thi dih lai lo, sihmanhsehlaw chikkhatte ah kan i thleng dih lai,

1 KORIN 15:6

cun a zultu za nga ringlo sinah khan voi khatte ah a lang i a cheu cu an thi cang nain a tam deuh cu an nung rih;

1THESALON 5:10

a rat tikah kan nun zong kan thih zongah amah sinah kan um khawhnak hnga kannih caah a thi cang.

2TIMOTE 4:16

Biaceihnak i ka chuah hmasa bik ah cun ahohmanh nih an ka dirpi lo; an dihlak in an ka zamtak. Pathian nih sual ah relpiak sawh hna hlah seh.

2 PETER 3:4

“ ‘Ka ra ṭhan lai,’ tiah bia aa kam a si lo mei? Atu khuazei ah dah a um kun? Kan pupa hna cu an thi diam cang, sihmanhsehlaw thil cu vawlei ser ri in a si bantukin pei a si peng ko hi,” an ti lai.