LAMKALTU 7:43 - Lai (Hakha) Common Language Bible 2006

⁴³ Nannih nih nan i phorhmi thlam cu Molok pathian thlam kha a si i Nan i kalpimi milem cu nan pathian Refan arfi siasal kha a si; Annih cu nanmah nih biak awk caah nan ser chommi siasal an si. Cucaah nannih cu Babilon pinah kan kalter hna lai,’ tiin aa ṭial.

Laibaibal Thiang (BSI)

⁴³ Molok biakthlâm nan ser i nan pathian Refan arfi lem biaknâk i nan sermi hna cu; Cucaah Babilon khua pinlei ah kan kalpi hna lai,” tiah an rak ṭial bang khan.

LAMKALTU 7:43 ပူးပေါင်းရင်းမြစ်များ

1 SIANGPAHRANG 11:7

Cun Solomon nih Jerusalem nichuahlei tlang ah khan Moab mi khuazing fihnung Khemosh le Ammon mi pathian fihnung Molek caah khan khuahrum bo a ser.

2 SIANGPAHRANG 17:6

Hoshea a bawi kum kuanak ah Assiria siangpahrang nih Samaria khua kha a lak i Israel mi kha Assiria ah a kalpi hna, Halah ram le Gozan ram Habor tiva le Media mi hna khua ah a chiah hna.

2 SIANGPAHRANG 18:11

Assiria siangpahrang nih Israel mi cu Assiria ram ah a kalpi hna i Halah le Gozan ram tiva Habor ah le Media mi hna khua hna ah khan a chiah hna,

2 SIANGPAHRANG 21:6

Cun thawinak caah a fapa kha mei in a khangh i camh le litin kha a hman hna i thitlawn thiam le hnam kha a fuhpanh hna. Bawipa mithmuh ah ṭhat lonak tampi a tuah i a thin a hunter.

JEREMIAH 32:35

Benhinnom Nelrawn ah Baal caah hmunthiang an ser hna i khika ah Molek sinah an fanu hna le an fapa hna kha an pek hna. Hi thil fihnung tuah awk hi le sualnak chungah Judah luhpi hi keimah sinin a chuakmi nawlbia a si lo i ka lunglai ah a chuak balmi zong a si lo.

LEVITIKAS 18:21

Molek sin i mei in chanh awkah na fale chungin ahohmanh na pe lai lo; cu bantuk tuahnak in na Pathian min thurter hlah; keimah hi Bawipa cu ka si.

AMOS 5:25

Nannih Israel mi hna, kum sawm li chung ramcar chung i nan um lioah khan, Raithawinak le laksawng nan ka pe bal hme maw?