LAMKALTU 7:15 - Lai (Hakha) Common Language Bible 2006

¹⁵ Cun Jakob cu Izipt ram ah cun a vung kal i khika ah khan amah le kan pupa a kan hringsortu hna cu an thi.

Laibaibal Thiang (BSI)

¹⁵ Cuticun Jakob cu Izip ramah a pêm i cuka ah amah le kan pu le kha an thi.

LAMKALTU 7:15 ပူးပေါင်းရင်းမြစ်များ

GENESIS 46:1

Israel nih a ngeihmi thil vialte cu a timh dih i Beer-sheba ah a kal, khika ah a pa Isak Pathian sinah khan raithawinak a tuah.

GENESIS 47:30

Ka pu le ka pa an vui hnanak hmun ah khan vui ka duh ve. Cucaah Izipt ram in ka chuahpi law an thlan ah khan ka vui,” tiah a ti. Josef nih cun, “Na chim bangin ka tuah lai,” tiah a leh.

GENESIS 49:33

Jakob nih a fapale kha cu bantuk kha bantukin nan tuah lai tinak bia kha a chimh dih hna tikah a ke kha ihkhun ah khan a hun fim hna i a phunhawi mi hna sinah khan aa pum ve.

SALM 105:23

Cun Jakob cu Izipt ram ah khan a vung kal i cuka ah cun a vung um.

EXODUS 1:6

Josef le a unau pawl vialte cu an thi dih, cu chanmi cu an dihlak in an thi dih.

EXODUS 13:19

Josef nih Israel mi cu fek tein bia a kamter hna bantuk khan, Moses nih Josef ruh cu a kalpi. Josef nih khan zeitindah a rak ti tiah, “Pathian nih an bawmh hrimhrim hna lai; cu tikah ka ruh cu hika hmun hin nan sinah nan i kalpi lai,” a rak ti.

NAMBAR 20:15

kan pupa nih Izipt ram ah an vung kal i Izipt ram ah saupi kan um i Izipt mi hna nih fak piin kanmah le kan pupa hna kha an kan hrem;

DEUTERONOMI 10:22

Na pupa hna nih Izipt ram ah an vung kal tikah sawm sarih an si; atu ah cun Bawipa na Pathian nih van arfi zat in nan tam leiah an ser cang hna.

DEUTERONOMI 26:5

“Cun Bawipa nan Pathian hmaiah hi bangin nan chim lai, ‘Kan pa cu a vakvaimi Aram mi a rak si. Izipt ah a vung kal i a vung pem, tlawmte lawng an si. Cun khika ah miphun pakhat, a ngan le a ṭhawng le a tammi ah a cang.

JOSHUA 24:32

Israel mi nih Izipt ram in an hun i kaipimi Josef ruh kha, Shekhem khua i hmun pakhat Jakob nih Shekhem pa Hamor i a fapa hna sinin tangka za khat in a cawkmi ah khan an vui; cu hmun cu Josef tefa hna rothil ah a cang.

JOSHUA 24:4

Isak cu Jakob le Esau kha ka pek. Cun Esau cu Seir tlangram kha ngeih awkah ka pek, sihmanhsehlaw Jakob le a fale hna cu Izipt ah an vung kal.