LAMKALTU 6:6 - Lai (Hakha) Common Language Bible 2006

⁶ Cu hna cu lamkaltu hna sinah khan an hei chuahpi hna i thla an campiak hna i an lu cungah an kut an chuan.

Laibaibal Thiang (BSI)

⁶ Cu hna cu lamkaltu hmaiah an dirter hna i annih nih an cungah kut chuangin thla an camh hna.

LAMKALTU 6:6 ပူးပေါင်းရင်းမြစ်များ

NAMBAR 27:18

Cun Bawipa nih Moses cu, “Nun fapa Joshua, ruahnak a ngei ngaingaimi kha, la law, a cungah na kut chuang tuah;

NAMBAR 8:10

Levi mi cu Bawipa hmaika ah na chuahpi hna tikah, Israel mi nih Levi mi hna cungah an kut an chuan lai,

MARKA 5:23

“Ka fanute cu a zaw i a zual ngaingai ko. Zaangfahnak tein ra law a cungah na kut ra chia ko sawh, cu ti na tuah ahcun a dam lai i a nung ko lai,” tiah a ti.

LAMKALTU 1:24

Cun thla an cam i, “Bawipa, nangmah nih minung lungthin vialte cu na hngalh dih.

LAMKALTU 13:3

Rawl an ulh i thla an cam dih in an cungah an kut an chuan i an thlah hna.

LAMKALTU 19:6

Paul nih an cungah a kut a chuan i Thiang Thlarau kha an cungah a tlung; holh theih loin an holh i Pathian bia zong kha an chim.

LAMKALTU 8:17

Cun Peter le Johan nih an cungah an kut an chuan i Thiang Thlarau kha an hmuh.

LAMKALTU 9:12

langhnak in mipa pakhat Ananias timi a rung luh i khua a hmuh ṭhan nakhnga a cung i a kut a chuan kha a hmuh,” tiah a ti.

LAMKALTU 9:17

Cucaah Ananias cu a va kal i inn ah khan a va lut i Saul cungah cun a kut a va chuan. “Ka nau Saul, hika lei i na rat lio i na sinah a langmi Bawipa — Jesuh hrimhrim — nih khan keimah cu a ka fial. A ka fialnak cu nangmah nih khua na hmuh ṭhan i Thiang Thlarau in na khah nakhnga caah a si,” tiah a ti.

DEUTERONOMI 34:9

Cun Nun fapa Joshua cu, Moses nih a cungah a kut a chuan caah, fimnak thlarau in a khat; cucaah Israel mi nih a bia an ngaih i Bawipa nih Moses nawl a pek bang khan an tuah.

1TIMOTE 4:14

Profet hna nih bia an chim i upa hna nih na cung i an kut an chuan tikah na hmuhmi thlarau laksawng kha hlothlau hlah.

1TIMOTE 5:22

Bawipa rianṭuantu ding caah ahohmanh khulrang tuk in kutchuannak va pe hna hlah. Midang tuahmi sualnak ah i tel loin thiang tein um i zuam ko.

2TIMOTE 1:6

Cucaah na cung i ka kut ka rak chuan tik i Pathian nih an pekmi laksawng kha na nunter peng nakhnga chimh ṭhan kan duh.

HEBRU 6:2

tipil innak kong tehna, kutchuannak kong tehna, mithi thawhṭhannak kong tehna le zungzal biaceihnak kong tehna hi, an hram ah i hel lengmang ti hlah u sih.