LAMKALTU 6:3 - Lai (Hakha) Common Language Bible 2006

³ Cucaah u le nau hna, nan lakah Thiang Thlarau le fimnak in a khat tiah nan hngalhmi pasarih in thim hna u law, cu hna cu hi thil a tawlreltu ah kan thiah hna lai.

Laibaibal Thiang (BSI)

³ Cucaah ule nau hna, nan lakah mi pasarih, mi thangṭhatmi, Thiang thlarau le fimnâk i a khatmi thim hna ulaw, cu hna cu hi thil tawlreltu ah kan ruah hna lai.

LAMKALTU 6:3 ပူးပေါင်းရင်းမြစ်များ

EXODUS 18:21

Sihmanhsehlaw thil ti khomi kha na thim hna lai i mi zapi hruaitu ah na chiah hna lai: a thong bu hruaitu le a za bu hruaitu le sawm nga bu hruaitu le pahra bu hruaitu tiin na chiah hna lai. Annih cu Pathian a ṭihmi, bochan awk tlak a simi an si lai, nawhthuh pek khawh lomi an si lai.

ISAIAH 28:26

Pathian nih a cawnpiak caah a rian kha a ṭuanning a thiam.

ISAIAH 28:6

Biaceihtu hna kha dinnak lungthin a pek hna lai i khua kulhnak kutka ah ral a rak khirhtu hna kha ralṭhatnak a pek hna lai.

MATTHAI 23:8

Sihmanhsehlaw nannih cu “saya” ti kha va duh hlah u, zeicahtiah Saya cu pakhat lawng nan ngei i nan dihlak in u le nau nan si.

JOHAN 21:23

Cu bia cu Jesuh zultu pawl sinah khan a thang i kha zultu kha a thi lai lo a ti duhnak a si, tiin a sullam an i lak. Sihmanhsehlaw Jesuh nih khan, a thi lai lo, tiah a chim lo; a chimmi cu, “Ka rat tiang a nun ka duh a si ah, cucu nang caah zeidah a poinak a um,” ti tu hi a si.

LAMKALTU 1:15

Cu hnu ni tlawmpal ah khan Jesuh a zummi hna kha an i pum i an dihlak ah za khat le kul tluk an si; cu pumhnak ah cun Peter cu a tho i,

LAMKALTU 1:21

Cucaah Bawipa Jesuh a thawh-ṭhannak a hngaltu tehte si ve awk caah pakhatkhat nih cun a kan chap a hau.

LAMKALTU 10:22

Annih nih cun an leh i, “Kepṭen Kornelias nih a kan thlahmi kan si. Amah cu miṭha le Pathian a biami a si i Judah mi vialte nih an hmaizah ngaingaimi a si. Amah nih cun na bia kha a theih ve nakhnga Pathian vancungmi pakhat nih nangmah cu a inn rat va sawm awkah amah cu a chimh,” tiah an ti.

LAMKALTU 15:23

A tanglei ca hi an kut cun an kuat hna: “Kannih, lamkaltu hna le upa hna, nan unau hna nih, Antiok, Siria le Silisia i a ummi unau vialte, chuahkehnak lei in Jentail mi a simi nan kut kan in tlaih hna.

LAMKALTU 16:2

Listra le Ikonium i a ummi unau pawl vialte nih Timote cu an thangṭhatmi a si.

LAMKALTU 2:4

Annih cu Thiang Thlarau in an khat i Thlarau nih chim khawhnak a pek hna bantuk cio khan, holh dang in an holh.

LAMKALTU 22:12

“Cuka ah cun mipa pakhat a min Ananias a simi kha a rak um, amah cu biaknak lei i lungthin a ngeimi le kan Phunglam a zulmi le Damaskas khua i a ummi Judah mi vialte nih an hmaizahmi a si.

LAMKALTU 28:14

Cuka ah cun zumtu tlawmte an rak um i zarh khat chung cu kan umpi ko u, tiah an kan nawl. Cun cuka cun Rom khua kha kan phan.

LAMKALTU 6:2

Cucaah lamkaltu pahleihnih hna nih khan zultu dihlak kha an ningpi in an kawh hna i, “Kannih nih Pathian bia chim kha thlahdorh riangmang i tangka i phawtnak kong lawng kha kan tuah ahcun ahmaan hnga lo.

LAMKALTU 6:5

Lamkaltu hna nih an chimmi cu an dihlak in an lung a si i cucaah zumhnak le Thiang Thlarau in a khatmi Steven, Filip, Prokhoras, Nikanor, Timon, Parmenas le Antiok khuami Jentail mi Nikolas, Judah phung a zulmi kha an thim hna.

LAMKALTU 6:6

Cu hna cu lamkaltu hna sinah khan an hei chuahpi hna i thla an campiak hna i an lu cungah an kut an chuan.

LAMKALTU 9:30

Hi kong kha zultu unau rual hna nih khan an theih tikah Saul kha Sisaria khua ah an kalpi i Tarsas khua ah khan an kalter.

1 KORIN 12:8

Thlarau nih cun pakhat cu fimnak bia chim thiamnak a pek i pakhat cu hngalhnak biathuk fiang lak in chim thiamnak a pek.

1 KORIN 16:3

ka rat tikah nanmah hnatlami kha Jerusalem khua i nan laksawng cu hei phorh awkah ca he ka thlah hna lai.

EFESA 5:18

Zu ri hlah u, zu cu nanmah hrawktu lawnglawng a si ko, Thlarau tu khan khat deuh u.

DEUTERONOMI 1:13

Mifim le hngalh thiamnak a ngeimi le ningcang hngalmi kha nan phun ning cio in thim hna u law, nan lu ah ka ser hna lai,’ tiah ka rak in ti hna.

1TIMOTE 5:10

rian ṭha ṭuannak leiah min ṭhami a si lai: amah cu a fale ṭha tein a cawmkengmi, khualtlung a dawmi, Pathian mi an ke a ṭawlpiakmi, harnak a tongmi hna a bawm tawnmi le thil ṭha tuahnak ah aa hmangmi a si lai.

JEIM 1:17

Laksawng ṭha le laksawng tlamtling paohpaoh hi vancung in a rami an si; vancung i a ceumi thil a Sertu Pathian sinin a rami an si. Amah cu aa thleng lo, vancung thil ceu hna le cu thil ceu hna thladem cu an i thleng lengmang nain anih cu aa thleng bal lo.

3 JOHAN 1:12

A mi kip nih Demetrius cu an thangṭhat i biatak hrimhrim zong nih a thangṭhat. Cun kannih zong nih kan thangṭhat ve i kan chimmi cu biatak a si ti kha na hngalh.