LAMKALTU 6:15 - Lai (Hakha) Common Language Bible 2006

¹⁵ Khawngsil chung i a ṭhumi vialte hna nih khan Steven cu dengteo in an zoh i a hmai cu vancungmi hmai bantuk a si kha an hmuh.

Laibaibal Thiang (BSI)

¹⁵ Biaceihnâk i a ṭhumi vialte nih Steven cu cat loin an zoh peng i a hmai kha vanmi hmai bantukin an hmuh.

LAMKALTU 6:15 ပူးပေါင်းရင်းမြစ်များ

PHUNGCHIMTU 8:1

Mifim mi lawng nih thil hi zeidah an si taktak ti kha an hngalh; Fimnak nih cun mi hmaiah nih thlam a lenter i an hmaichiatnak kha a lohter.

MATTHAI 13:43

Cun Pathian mi hna cu an Pa Pennak chungah ni bangin an ceu lai. Cucaah hna nan ngeih ahcun, thei ko u,” tiah a ti.

MATTHAI 17:2

An hmaiah cun a mui kha aa thleng i a hmai cu ni bangin a ceu i a hnipuan cu ceu bantukin an rang.

MATTHAI 5:22

Asinain kei nih cun, ‘A u a nau cung i a thin a hungmi paoh cu biaceihtu hmaiah chuahpi nan si lai i a u siseh, a nau siseh, “Zei rua ram lo,” a timi paoh cu biaceihtu bu sinah chuahpi nan si lai; cun ahohmanh, a u siseh, a nau siseh, “Mihrut” a timi paoh cu hell mei chung i tlak awkah aa tlakmi nan si lai,’ kan ti hna.

MARKA 8:25

Cun Jesuh nih mipa mit cu a kut in a tongh ṭhan i mipa nih cun fak piin a hun zoh i khua a hun hmu kho i zeizong vialte kha fiang tein a hmuh hna.

LAMKALTU 7:1

Tlangbawi Ngan nih Steven cu a thawh i, “Hihi a si taktak maw?” tiah a hal.

2 KORIN 3:18

Kannih caah hmai khuhnak puan kha a um ti lo caah kan dihlak in Bawipa sunparnak cu thlalang chung i kan mui a langh bang khin kan langhter; cuticun sungpar chin lengmang in amah lo chin lengmang ah thlen kan si i cucu Thlarau a simi Bawipa rianṭuannak cu a si.