LAMKALTU 6:14 - Lai (Hakha) Common Language Bible 2006

¹⁴ Cun hi Nazareth khuami Jesuh nih hin biakinn hi a ṭheh dih lai i Moses nih a kan pekmi kan phunglam vialte hi a thlen dih lai, a ti kha kan theih,” tiah an ti.

Laibaibal Thiang (BSI)

¹⁴ zeitintiah Nazaret Jesuh an timi nih hi in hi a hrawh lai i Moses nih nawlbia a kan pekmi zong a thlen dih lai tiah a chimmi kan theih,” tiah an ti.

LAMKALTU 6:14 ပူးပေါင်းရင်းမြစ်များ

ISAIAH 65:15

Ka thimmi ka mi hna nih cun nan min cu chiatserhnak ah an hman lai. Bawipa nih kan thah hna lai. Sihmanhsehlaw ka nawl a zulmi cu min thar ka pek hna lai.

JEREMIAH 26:12

Cu tikah Jeremiah nih bawi vialte le mi vialte cu a thawh hna i, “Hi inn kong le hi khua kong i nan theihmi bia vialte hi chim awkah Bawipa nih a ka thlah.

JEREMIAH 26:18

“Judah siangpahrang Hezekiah chan ah Moresheth khuami Mikah nih bia a chim i Judah ram mi vialte cu, hi hi Ralkapbu Bawipa bia a si: Zion cu thuanmi lei ah a cang lai i Jerusalem cu a rawkmi hnawmpon ah a cang lai, Biakinn tlang cu hlingbur hmun ah a cang lai, tiah a ti hna.

DANIEL 9:26

Zarh sawm ruk le zarh hnih a dongh tikah cun chiti thuhmi kha ahohmanh a hmun rolhtu um loin thah a si lai. A hun namtu bawi i a ralkapbu hna nih cun khuapi le Biakinn cu an hrawh hna lai. Donghnak cu tilian bantukin a ra lai i ahohmanh luat khawh lomi raldohnak rawhralnak a si lai.

HOSEA 3:4

Zeicaahtiah Israel mi cu caan sau nawn chung kha siangpahrang siseh, bawi siseh, raithawinak siseh, tung thiang siseh, siasal siseh, innchungkhar pathian si hna seh, ngei loin an um lai;

MIKAH 3:12

Cucaah nanmah ruangah Zion cu lei bantukin thuan a si lai i, Jerusalem cu a rawkmi thilpon ah a cang lai i, Biakinn tlang cu tupi ah a cang lai.

ZEKHARIAH 11:1

Maw Lebanon, na sidar thing kha mei nih a kangh hna nakhnga na kutka kha hung tuah hna.

ZEKHARIAH 14:2

Jerusalem doh awkah mi vialte kha ka pumh hna lai; khua cu an lak lai, inn cu an ramh hna lai i nu cu an tlaihhrem hna lai. Khuapi cheu hnih cheu khat cu saltannak chungah a kal lai, sihmanhsehlaw khua chung i a ummi, hi miphun chungin a tangmi hna cu, hloh an si lai lo.

MATTHAI 26:61

“Hi pa nih hin ‘Pathian Biakinn hi ka ṭheh lai i ni thum chungah ka sak ṭhan dih lai,’ a ti,” tiah an ti.

MARKA 14:58

“ ‘Minung sakmi Biakinn hi ka ṭheh lai i minung nih sakmi a si lomi biakinn ni thum chungah ka sak ṭhan lai,’ tiah a chim kan theih,” tiin lih an puh.

LUKA 21:24

Annih cu vainam in thah an si lai i ram kip ah sal ah an hruai hna lai, Jentail mi nih Jerusalem khua cu an naan lai i an caan a dih hlantiang an ke tangah an chiah lai.

LUKA 21:6

Jesuh nih aa thawh i, “Mah hi vialte hi nan hmuh, sihmanhsehlaw hika i lung vialte hi pakhat hmanh an umnak hmun cio i kaltak loin hlonh an si dih lai caan a tlung lai,” tiah a ti.

JOHAN 2:19

Jesuh nih cun, “Hi Pathian biakinn hi ṭhet u law ni thum chungah ka sak ṭhan ko lai,” tiah a leh hna.

JOHAN 4:21

Jesuh nih cun a thawh i, “Minu, ka chimmi hi zum; mi nih Pa cu hi tlang ah siseh, Jerusalem ah siseh an biak lo caan a phan lai.

LAMKALTU 15:1

Judea ram in mi cheukhat kha Antiok khua ah khan an ra i, “Moses Nawlbia nih a kan cawnpiak bangin, nan cuarpar nan i tan lo ahcun khamhnak nan hmu kho lai lo,” tiah unau pawl kha an cawnpiak hna.

LAMKALTU 21:21

Jentail mi ram chung i a ummi Judah mi vialte kha Moses Nawlbia kha hlaw u law nan fale kha an cuarpar tan hna hlah u law Judah phung kha zul hlah u, a ti hna, tiah nangmah kongah khan bia an theih.

LAMKALTU 25:8

Cun Paul nih khan aa thawh i, “Judah mi Phung kongah siseh, biaknak inn kongah siseh, Rom siangpahrang kongah siseh, zeihmanh sualnak ka tuah lo,” tiah a ti.

LAMKALTU 26:3

Cun hi bantukin kaa rel khunnak cu nangmah cu Judah phung le lam vialte le kan i almi kong ṭha tein a hngalmi na si caah a si. Cucaah lungsau thinfual in na ka ngaihpiak nakhnga kan nawl.

LAMKALTU 28:17

Ni thum hnuah cuka i a ummi Judah mi hruaitu hna kha Paul nih cun pumh a sawm hna. An i pumh tikah a thawh hna i, “Ka u le ka nau hna, kan miphun cungah siseh, kan pupa hna sinin kan hmuhmi kan phunglam cungah siseh ṭhat lonak zeihmanh ka tuah lo nain Jerusalem ah thong ah an ka thlak i Rom mi hna kut chungah an ka chanh.

GALATI 3:19

A si ahcun, Nawlbia cu zei sullam ah dah pek a si kun? Zei hi dah palhnak a si ti langhtertu caah khan pek a si i cucu Pathian nih bia aa kammi Abraham tefa a phak hlantiang caah khan a si. Nawlbia cu vancungmi nih khan pek chin a si i a karlak ah lamkaltu minung pakhat kha a rak um.

GALATI 3:23

Asinain zumhnak caan kha a phak hlan cu Nawlbia nih khan thongtla bantukin a kan hren, cucu zumhnak a langh hlantiang kha a si.