LAMKALTU 5:5 - Lai (Hakha) Common Language Bible 2006

⁵ Cu bia cu Ananias nih a theih tikah aa teng bak ko i cu thawng a theimi paoh cu ṭihnak in an khat dih.

Laibaibal Thiang (BSI)

⁵ Ananias nih cu bia a theih tikah â teng i a thi. Cu thil a theitu vialte cungah ṭihnâk nganpi a phân.

LAMKALTU 5:5 ပူးပေါင်းရင်းမြစ်များ

2 SIANGPAHRANG 2:24

Cun aa mer i a hmuh hna tikah Bawipa min in chiat a serh hna. Cun ramlak in vom a pi pahnih an ra chuak i pa ngakchia cu sawm li le pahnih an seh hna.

1 CHANRELNAK 13:12

Cun David nih Pathian cu khi ni ah a ṭih i, “Zeitindah inn ah ka sinah Pathian kuang cu ka ratpi khawh lai?” tiah a ti.

1 CHANRELNAK 15:13

A voi hmasa bik ah khan nannih nih nan put lo caah Bawipa kan Pathian nih kan cungah a thinhunnak a langhter; zeicahtiah kannih nih hitin tuah awk a si lai ti i fehter ciami ning khan kan rak zohkhenh lo,” tiah a ti hna.

SALM 119:120

Nangmah kan ṭih caah a ther in ka ther, na biakhiahmi hmaiah cun khuaruahhar in ka dir.

SALM 64:9

An dihlak in an thin a phang lai; Pathian nih a tuahmi kha an chim lai i a tuahmi kong cu an ruat hna lai.

JEREMIAH 5:14

Cucaah Bawipa Ralkapbu Pathian nih a ka chimhmi bia cu hihi a si: “Hi bia hi an chim caah, ka bia cu na kaa chungah mei ah ka canter lai i Hi mi hna hi thing ah ka canter hna lai i, mei nih cun a kangh dih hna lai.”

EZEKIEL 11:13

Bia ka chim lengmang lioah cun Benaiah fapa Pelatiah cu a thi; cun ka bawk i fak piin ka ṭap i, “Maw Bawipa Pathian, a tangmi Israel mi vialte kha an donghnak na phakter dih ko hna lai maw?” tiah ka ti.

LEVITIKAS 10:3

Khi tikah Moses nih Aaron sinah, “Mah hihi Bawipa nih a chimmi cu a si, ‘Ka pawng i a ummi hna lakah thianghlim in kaa langhter lai i mi vialte hmaiah thangṭhat ka si lai,’ a ti,” tiah a ti. Cun Aaron cu dai tein a um ko.

LAMKALTU 13:11

Bawipa kut cu atu ah na cungah a tlung lai, na mit a caw lai i caan tlawmpal chung cu chun ceu na hmu lai lo,” tiah a ti. Chikkhatte ah khin Elimas mit cu minmei nak nih a zelh i a kut in a hruaitu dingmi kawl ah i dap lengmang in aa chawk.

LAMKALTU 2:43

Lamkaltu hna kha Pathian nih khuaruahharnak le hmelchunhnak tampi a tuahter hna i cu nih cun mizapi kha ṭihnak in a khahter hna.

LAMKALTU 5:13

Zumtu hna cu Solomon Innleng timi ah khan an i pum tawn, an bu a lengmi cu ahohmanh an i tel ngam lo nain mi zapi tu nih cun an thangṭhat ko hna.

1 KORIN 4:21

Zeidah nan i thim lai? Fungfek he maw ka rat lai dawtnak le nemnak lungthin he dah ka rat lai?

2 KORIN 13:10

Hi ruangah hin a langhlat in ca kan kuat hna hi a si. Ka duhnak cu nan sin ka phak tikah Bawipa nih a ka pekmi nawlngeihnak kha hraang ngaiin hman herh hlah ning ti hi a si — cu nawlngeihnak cu nanmah ṭhehnak nawlngeihnak si loin nanmah saknak nawlngeihnak tu a si deuh.

2 KORIN 13:2

Kan hnulei i sualnak a tuahmi hna le midang vialte zong, hihi chimh kan duh hna. Cu chimh kan duhmi hna cu, kan tlawn hna a voi hnihnak i kan chimhmi hna kha a si i atu cu nan sin i ka um lo caah a langin ka hun in chimh hna lai: ka rat nolh cu ahohmanh kaan dinhdorh hna lai lo.

2 KORIN 7:11

Nan ngaihchiatnak hi zeitindah Pathian nih a hman kha zohhmanh u: zeitluk in dah an biatakter hna, nan sual lonak kha zeitluk in dah a langhter. Nan thin an phawh hna, an lauter hna, nan ka ngaihnak kha a ṭhanter, dinnak tuah awkah an ṭanter hna i thil ṭhalo kha dantat zau an duhter hna. Hi thil hi a ning piin zoh tikah palhnak nan ngeih lo kha nan langhter.

DEUTERONOMI 13:11

Cun Israel mi vialte nih an theih lai i an ṭih lai i nan lakah cu bantuk ṭhat lonak cu an tuah ṭhan bal ti lai lo.

DEUTERONOMI 21:21

Khi tikah khuachung pa vialte nih lung in thi lakin an cheh lai; cuticun ṭhat lonak cu nan lakin nan thianh lai i Israel mi vialte nih an theih lai i an ṭih lai.

JOSHUA 22:20

Pekchanhmi thil kongah khan Zerah fapa Akhan cu zumhawktlak loin a um i Israel mibu dihlak cungah thinhunnak a tla a si lo mei? Cun a ṭhat lonak ruangah amah lawng kha a thi lo,’ an ti,” tiah an ti.

BIAPHUAN 11:13

Cu caan te ah cun lihnin fak ngaingai pakhat a um; khuapi cu cheu hra cheukhat a rawk i minung thong sarih lihnin nih cun a thah hna. A tangmi pawl cu an thin a phang i vancung Pathian a lianhngannak kha an thangṭhat.

BIAPHUAN 11:5

Harnak pek a zalmi hna paoh kha an kaa chungin a chuakmi mei in an thah hna; hi bantukin harnak pek a timtu hna paoh cu thah an si lai.