LAMKALTU 5:42 - Lai (Hakha) Common Language Bible 2006

⁴² Cun nifate in biakinn chung le mi inn kip ah Messiah a simi Jesuh kong Thawngṭha kha an cawnpiak hna i an chimh lengmang hna.

Laibaibal Thiang (BSI)

⁴² Cun nichiarte ṭempal le innah, Jesuh cu Krih a si zia cawnpiak le chim an ngol hlei lo.

LAMKALTU 5:42 ပူးပေါင်းရင်းမြစ်များ

2 SAMUEL 6:22

Hi nak i nihsawh awk tlak deuh hmanh ah kaa ser ko lai i keimah mit hmanh ah zahpi awk tlak ka si ko lai, sihmanhsehlaw na chimmi sinum ngaknu pawl hna thawng khan pei upat ka si lai tiah,” tiah a ti.

LUKA 21:37

Cu hrawng vialte cu Jesuh cu Biakinn ah khan mi kha a cawnpiak hna i zanlei paoh ah khan lengah a chuak i Oliv Tlang ah khan a va riak tawn.

LUKA 22:53

Nifate in pei nan sinah Biakinn ah ka um ko cu, tlaih nan ka zalh ṭung lo. Sihmanhsehlaw atu hi cu nanmah le muihnak ṭhawnnak nan caan a si,” tiah a ti hna.

LAMKALTU 11:20

Sihmanhsehlaw zumtu a cheu, Saipras rammi le Sairin mi hna cu Antiok khua ah khan an kal i Jentail mi zong kha thawng cu an thanh hna i Bawipa Jesuh kong Thawngṭha kha an chimh hna.

LAMKALTU 13:32

Cun atu hi, hi Thawngṭha hi nannih sin phakpi awkah hika i kan ratnak cu a si. Kan pupa hna sinah, ka tuah lai, tiah Pathian nih bia a rak kammi kha, kannih an tefa hna sinah hin atu cu a tuah cang, cucu Jesuh a nunter ṭhan hi a si. Cucu Salm fung hnihnak chung i ‘Nangmah cu ka Fapa na si, nihin ah na Pa ka si cang,’ tiah aa ṭial bantuk khan a si.

LAMKALTU 17:18

Epikurian cawnpiaktu saya a cheukhat le Stoik cawnpiaktu saya a cheukhat he zong an i al. A cheu nih an thawh i, “Hi mihrutpa, langh a duh ngai ṭungmi hi zeidah a chim len ko hnga?” an ti. A cheu nih, “Ramdangmi hna pathian kong chim dawh a si,” an ti. Hitihin zeicah dah an ti ti ahcun, Paul nih khan Jesuh kong le thawhṭhannak kong a chim caah khan a si.

LAMKALTU 17:3

Messiah cu thihnak a in awk le a thawh ṭhan awk a sinak kong kha Cathiang cun a langhter i a fianter. Paul nih cun a thawh hna i, “Hi kan chimhmi hna Jesuh hi Messiah cu a si,” tiah a ti hna.

LAMKALTU 2:46

Ni fate in a bute in biakinn chungah khan an i pum i an inn ah khan rawl an i hrawng cio hna i lunglawmhnak lungthin le toidornak lungthin he rawl cu an ei.

LAMKALTU 20:20

Nannih kha zapi lakah siseh, nan inn cio ah siseh, phung kan chimh hna i kan cawnpiak hna tikah nan ca i a ṭha dingmi kha zeihmanh ka nganhtakmi a um lo ti kha nan hngalh.

LAMKALTU 4:20

Zei ti si hmanh ah kannih nih cun kanmah hrimhrim nih kan hmuh komi le kan theih komi cu chim lo cun kan um kho bal lai lo,” an ti hna.

LAMKALTU 4:29

Cucaah atu cu Bawipa, an kan hronak hi kan hngalhpiak law kannih na sal rual nih hin na bia cu ralṭha chinchin in kan chim nakhnga a nawl kan pe ko.

LAMKALTU 8:35

Filip nih cun a vun i thawh i, hi Baibal cang hin i thawk in Jesuh kong Thawngṭha kha a chimh.

LAMKALTU 8:5

Filip cu Samaria ram khua ah khan a va kal i Messiah kong kha a va chimh hna.

LAMKALTU 9:20

Pumhnak inn ah khan i cungcang loin a va kal i, “Jesuh cu Pathian Fapa a si,” tiah a chimh hna.

1 KORIN 2:2

Zeicahtiah nan sin i ka um lioah khan Jesuh Khrih le vailam i an thahnak kong dah ti lo cu a dang zeihmanh ruah le khah kaa timhmi a um lo.

GALATI 1:16

a Fapa cu ka sin i a phuan tikah, ahohmanh ruahnak hal awkah ka fuh hna lo,

GALATI 6:14

Kei tu cu Bawipa Jesuh Khrih vailam lawng hi kaa porhlawtpi ko lai, zeicahtiah Khrih vailam thawng hin vawlei hi ka caah a thimi thil a si cang i kei zong hi vawlei caah cun a thimi ka si ve.

2TIMOTE 4:2

phung kha chim hna, a caan a rem zongah a rem lo zongah chim hna; al a herh ahcun al hna, chimhhrin a herh ahcun chimhring hna, a nawl in nawl a herh ahcun nawl hna law lungsau thinfual in cawnpiak hna.