LAMKALTU 5:35 - Lai (Hakha) Common Language Bible 2006

³⁵ Cun khawngsil pawl cu a thawh hna i, “Israel mi hna, hi mi hna cung i nan tuah duhmi thil kong ah hin i ralring ngaingai u.

Laibaibal Thiang (BSI)

³⁵ Biaceihtu hna sinah, “Nannih Israel mi hna hi hna kong i tuah nan timhmi hi i ralring u.

LAMKALTU 5:35 ပူးပေါင်းရင်းမြစ်များ

JEREMIAH 26:19

Judah siangpahrang Hezekiah le Judah mi vialte nih amah cu an thah maw? Siangpahrang nih khan Bawipa cu a ṭih i zaangfahnak a hal lo maw? Cu tikah Bawipa nih cun a lung a thlen i an cungah ka tlunter lai tiin a hro hnanak rawhralnak kha a let ṭhan. Asinain, kannih cu kan cungah ṭhat lonak nganpi kan i tlunter hnik,” tiah an ti.

MATTHAI 27:19

Pilat cu biaceihnak khaan chung i a ṭhut lioah khan a nupi nih bia a hun cah i, “Kha mipa, sualnak zeihmanh a tuah lomi kha zei ti hmanh in rak ti hlah; zeicahtiah zahan ah ka mang in kha pa ruangah khan sifahnak tampi ka in,” tiah a ti.

LAMKALTU 19:36

Ahohmanh nih, hihi a si lo tiah an ti kho lai lo. Cucaah cun nannih cu nan daih awk a si; ruat setsai loin zeihmanh nan tuah awk a si lo.

LAMKALTU 22:26

Cu bawi nih cucu a theih tikah ralkapbu haotu sinah cun a va kal i, “Na tuahmi hi zeidah a si ti awk na hngal maw? Hi pa hi Rom mi fawh a si hi!” tiah a ti.

LAMKALTU 5:34

Sihmanhsehlaw an lak i mi pakhat, Farasi a simi a min Gamaliel, Phungbia cawnpiaktu saya, mi vialte nih an hmaizahmi kha khawngsil pawl aa pummi hna lakah cun a hung dir i, lamkaltu hna kha chuahpi hna u, tiah a ti hna.

LAMKALTU 5:36

Kan hnu lei caan tlawmpal ah khan Theudas an timi kha a hung chuak i pa pakhat ka si ve tiah a hun i ti i minung za li tluk nih an zulh. Sihmanhsehlaw amah cu an thah i a zultu hna cu an i ṭhek dih i a rianṭuanmi cu a thi ko.