LAMKALTU 5:14 - Lai (Hakha) Common Language Bible 2006

¹⁴ Cuhleiah mi kha an bu ah cun an i chap chin lengmang i Bawipa a zummi hna cu nu he pa he bu nganpi ah an i cang.

Laibaibal Thiang (BSI)

¹⁴ Zumtu hna an karh chin lengmang i Bawipa sinah nu le pa he mizapi cu an i chapchin lengmang.

LAMKALTU 5:14 ပူးပေါင်းရင်းမြစ်များ

2 SAMUEL 6:19

mi vialte kha, Israel mibu cu an ning piin, nu he pa he, changreu hlum khat, sa zam khat le mitsur thei car hlum khat a phawt cio hna. Cun mi vialte cu, an inn cio ah an ṭin.

EZRA 10:1

Ezra cu thla a cam i sual phuannak a tuah i a ṭah i Pathian inn hmaiah cun a rilh ko lioah khan, mibu nganpi, nu he ngakchia he Israel mi chungin amah sinah khan an i pum i mi cu lunghno ngaiin an ṭap.

NEHEMIAH 8:2

Cun tlangbawi Ezra nih khan phungbia cu, nu he pa he a thei i a hngal kho dingmi aa pummi an dihlak hmaiah khan, thla sarih thla a ni khat ni ah cun a chuahpi.

EXODUS 35:22

Nu he pa he an ra; rak put a duhmi paoh nih khan ṭamhnak ṭhim hna le hnatonh hna le kutdonghrolh hna le ṭhi hna le sui hlawn a phunphun kha an rak put hna. Bawipa sin pekmi thawhlawm caah tiin an pekchanhmi sui hlawn kha an rak put cio hna.

ISAIAH 45:24

“Nangmah thawng lawnglawng in teinak le ṭhawnnak kha hmuh khawh a si,” an ti lai. Sihmanhsehlaw a ka huami cu ningzahnak an ing lai.

LAMKALTU 11:24

Barnabas cu miṭha a si, Thiang Thlarau le zumhnak in a khatmi a si. Cun mi tampi nih Bawipa cu an zumh.

LAMKALTU 2:41

Mi tampi nih a bia cu an zumh i tipil kha an in; cu ni ah cun an bu ah mi thong thum tluk an i chap.

LAMKALTU 2:47

Pathian kha an thangṭhat i mi vialte nih an hmaizah hna. Cun khamh a si liomi hna cu Bawipa nih ni fate in an bu chungah khan a luhter lengmang hna.

LAMKALTU 22:4

Hi Lam a zulmi hna hi ka rak hrem hna i ka rak thah hna. Nu he pa he ka rak tlaih hna i thong ah ka rak thlak hna.

LAMKALTU 4:4

Sihmanhsehlaw an chimmi a theimi mi tampi nih khan an zumh i an dihlak ah thong nga hrawng an hung si.

LAMKALTU 6:7

Cuticun Pathian bia cu a karh chin lengmang. Jerusalem khua chungah khan a zummi cu an tam chin lengmang i tlangbawi tampi zong nih cu zumhnak cu an pom ve.

LAMKALTU 8:12

Sihmanhsehlaw Filip chimmi Thawngṭha, Pathian Pennak kong le Jesuh Khrih min kong kha an zumh tikah nu he pa he tipilnak kha an ing.

LAMKALTU 8:3

Sihmanhsehlaw Saul nih khan khrihfabu cu hrawh aa zuam; inn khat hnu inn khat in a kal i a zummi hna kha nu thlulo pa thlulo in a hnuh hna i thong ah a thlak hna.

LAMKALTU 9:2

Damaskas khua Judah pumhnak inn haotu pawl sin i theihhngalhnak ca kha a hung hal. A duhnak cu khi khua ah khan Bawipa Lam a zulmi ka hmuh hna ahcun nu thlulo pa thlulo in ka tlaih hna lai i Jerusalem ah ka kalpi hna lai, ti a si.

LAMKALTU 9:31

Cuticun Judea ram le Galilee ram le Samaria ram i a ummi khrihfabu vialte nih khan daihnak caan an hmu. Bawipa kha ṭihzah ngaiin an um i Thiang Thlarau bawmhnak thawngin an ṭhang i an karh.

LAMKALTU 9:35

Amah cu Lidda le Sharon i a ummi vialte nih khan an hmuh i Bawipa leiah an i mer.

LAMKALTU 9:42

Hi thawng nih cun Joppa khua kha a cul dih i mi tampi nih Bawipa kha an zumh.

2 KORIN 6:15

Zeitindah Khrih le Khuachia cu an lung aa khah khawh lai? Zumtu le zumlotu nih zeidah an ngeih ṭi khawhmi a um?

GALATI 3:28

Cucaah Judah mi le Jentail mi, sal le luatmi, nu le pa karah zeihmanh thleidannak a um ti lo, Khrih Jesuh he nan i pehtlaihnak thawngin pakhat nan si dih cang.