LAMKALTU 5:12 - Lai (Hakha) Common Language Bible 2006

¹² Khuaruahharnak tampi le hmelchunhnak tampi kha lamkaltu hna nih cun mizapi lakah khan an tuah.

Laibaibal Thiang (BSI)

¹² Mizapi sinah lamkaltu hna kut hmangin Pathian nih hmelchunhnâk le khuaruahharnâk tampi a tuah. Annih cu ruahnâk pakhat ngei in Solomon innlêng timi ah an i pum tawn.

LAMKALTU 5:12 ပူးပေါင်းရင်းမြစ်များ

JEREMIAH 26:9

“Zeicahdah Bawipa min in bia na chim i, hi inn cu Shiloh bantuk a si lai i hi khua cu a chung ummi pakhat hmanh um lo tiangin a ṭiao lai, na ti,” an ti. Cun mi vialte nih cun Jeremiah cu Bawipa inn ah khan an kulh.

MARKA 16:20

A zultu kha khuazakip ah an kal i thawngṭhabia kha an chim; Pathian nih an sinin rian a ṭuan i an phungchimmi kha ahmaan, tiah ṭhawnnak hmelchunhnak a pekmi hna thawngin a langhter.] [9 Nu hna kha Peter le a hawile sinah khan an va kal i vancungmi nih a rak chimhmi hna kha a tawinak in an chimh hna. 10 Cu hnuah cun Jesuh hrimhrim nih, nichuahlei in nitlaklei tiang, zungzal a hmunmi khamhnak kong bia nung le bia thiang cu a zultu hna thawng khan a thanh.]

JOHAN 10:23

Jesuh cu biakinn i Solomon Innleng timi ah khan aa chawk i cu lioah cun

JOHAN 4:48

Jesuh nih cun a thawh i, “Thil lianngan le khuaruahhar thil a simi nan hmuh lo paoh ahcun nannih nih cun nan zum bal lai lo,” tiah a ti.

LAMKALTU 1:14

Thlacam awkah atu le atu a bu tein an i pum i an sinah cun nu hna le Jesuh nu Mary le Jesuh naule kha an um ve.

LAMKALTU 14:3

Khika ah lamkaltu hna kha saupi an cam. Bawipa kong kha ralṭha ngaingai in an chim i a velngeihnak kong an chimmi kha ahmaan ti hmuhsaknak caah khuaruahharnak tuah khawhnak kha a pek hna.

LAMKALTU 16:18

Cuticun ni tampi a au lengmang hnuah Paul cu a ing a puanh i a hnulei ah aa mer i khuavang cu, “Jesuh Khrih min in amah chung khan chuak kan ti,” tiah a ti. Cu cangka cun khuachia cu a chung khan a chuak.

LAMKALTU 19:11

Pathian nih voi dang i a um tawn lomi khuaruahharnak kha Paul kut in a tuah.

LAMKALTU 2:46

Ni fate in a bute in biakinn chungah khan an i pum i an inn ah khan rawl an i hrawng cio hna i lunglawmhnak lungthin le toidornak lungthin he rawl cu an ei.

LAMKALTU 28:9

Hi thil thawng hin cuka tikulh i a ummi mizaw vialte kha an ra i damnak kha an hmuh.

LAMKALTU 3:11

Mipa cu Peter le Johan sin lawngah khan aa hel caah mizapi cu an khuaruah a har i Solomon Innleng timi ah khan an sinah cun an va le i,

LAMKALTU 4:30

Mi nih damnak an hmuh nakhnga na kut cu samh law a thiangmi na Sal Jesuh min in khuaruahharnak le hmelchunhnak cu umter ko hna,” tiah an ti.

LAMKALTU 9:33

Khika ah mipa pakhat Ainias an timi kha a va hmuh i cu pa cu mizeng a si i a ihkhun in kum riat chung a tho ti lo.

LAMKALTU 9:40

Peter nih an dihlak in a chuahter hna i a khuk aa bil i thla a cam; cun miruak leiah khan a hei i mer i, “Tabitha, tho tuah,” tiah a ti. A mit kha a hun au i Peter kha a hmuh tikah a hung ṭhu.

ROM 15:19

Thiang Thlarau ṭhawnnak in siseh, Khrih nih keimah hi hmang in a tuahmi lawng cu ka chim ko lai. Cucaah Jerusalem in Illirikum tiang khual ka rak tlawn tawn ah khan Khrih kong Thawngṭha kha tlamtling tein ka chim.

2 KORIN 12:12

Nanmah sin i lungsau thinfual in rian ka ṭuannak ah khan lamkaltu ngaingai ka sinak cu a lang ko, cucu hmelchunhnak hna le khuaruahharmi thil le thil lianngan tuahmi hna nih khan an fianter ko.

HEBRU 2:4

Cu pinah annih nih tehte an khaanmi kha ahmaan tinak ah Pathian nih hmelchunhnak le khuaruahharnak le a ṭhawnnak in tuahmi thil phunphun kha a tuah i Thiang Thlarau laksawng kha a duhning in a phawt hna.