LAMKALTU 4:19 - Lai (Hakha) Common Language Bible 2006

¹⁹ Sihmanhsehlaw Peter le Johan nih khan an leh hna i, “Pathian mithmuh ah nanmah bia ngaih cu maw a ṭha deuh Pathian bia ngaih dah a ṭha deuh, ti cu nanmah nih ruat ko u.

Laibaibal Thiang (BSI)

¹⁹ Asinain Peter le Johan nih, “Pathian mit hmuh ah, nanmah nawl ngaih maw a ṭha deuh lai Pathian nawl ngaih dah, ruat tuah u.

LAMKALTU 4:19 ပူးပေါင်းရင်းမြစ်များ

1 SIANGPAHRANG 12:30

Cun mah thil hi sualnak ah a cang, zeitintiah mi nih Bethel i a ummi sinah khan le a dang Dan i a ummi tiang khan an kalhnawh hna.

1 SIANGPAHRANG 13:19

Cucaah amah sinah a kir i a inn chungah rawl a ei i ti a din.

1 SIANGPAHRANG 14:16

Cun Israel mi cu, Jeroboam amah sualnak ruang le Jeroboam nih Israel mi a sualter hnanak ruangah khan, a hlawt hna lai,” tiah a ti.

1 SIANGPAHRANG 21:11

Cun a khuami, upa hna le bawi hna a khua chung i a ummi hna nih cun, Jezebel nih bia a cah hna bang khan an tuah. Anih nih a kuatmi hna ca chungah aa ṭial bangin,

1 SIANGPAHRANG 22:14

Sihmanhsehlaw Mikaiah nih, “Bawipa a nun bangin, Bawipa nih ka sin i a chimmi cu, mah cucu ka chim ko lai,” tiah a ti.

2 SIANGPAHRANG 16:15

Cun Siangpahrang Ahaz nih tlangbawi Urijah cu nawl a pek i, “Biakṭheng ngan ah hin zinglei khangh thawinak le zanlei changvut thawinak le siangpahrang khangh thawinak le a changvut thawinak cu, hi rammi hna an khangh thawinak le an changvut thawinak le an thlet thawinak vialte he khan na khangh lai; cun a cungah khangh thawinak thisen vialte le raithawinak thisen vialte kha na bungh hna lai; sihmanhsehlaw dar biakṭheng cu keimah nih Pathian ka chawnhnak caah a si lai,” tiah a ti.

2 SIANGPAHRANG 16:16

Tlangbawi Urijah nih mah vialte hi Siangpahrang Ahaz nih nawl a pek bangin a tuah dih.

SALM 58:1

Nannih uktu bawi hna, bia nan ceih tikah ding tein nan ceih taktak maw? Mi vialte kha aa ruang tein nan ceih hna maw?

EXODUS 1:17

Sihmanhsehlaw nau hrintertu sayamah hna nih cun Pathian kha an ṭih caah siangpahrang nawl kha an zul lo i pa zong kha an nunh hna.

JEREMIAH 26:12

Cu tikah Jeremiah nih bawi vialte le mi vialte cu a thawh hna i, “Hi inn kong le hi khua kong i nan theihmi bia vialte hi chim awkah Bawipa nih a ka thlah.

DANIEL 3:18

a kan khamh lo hmanh ah na pathian cu kan bia hlei lai lo i na phunmi milem hmai zongah cun kan kun hlei lai lo, ti kha bawipa nangmah nih hngal ko,” tiah an ti.

DANIEL 6:10

Daniel nih cu nawlbia cu chuah a si cang ti a theih tikah a inn ah a lawi. A inn khaan cung dot ah khan Jerusalem lei hoih in thlalangawng pathum an um. Khika ah khan a tuah tawn phung a si zungzal bantukin a khuk aa bil i ni khat ah voi thum lengmang thla a cam i a Pathian kha a thangṭhat.

HOSEA 5:11

Israel cu harnak chungah a um cang. A bawm kho ṭung lomi kha bawmh hal awkah a fuh lengmang hna caah, Amah ta a si hrimhrim komi ram kha a sung cang.

AMOS 7:16

Cucaah cun atu cu Bawipa bia hi ngai tuah u: “Israel mi cu bia chim hna hlah, Isak tefa hna cu na hruh bia cu nawnnokpi lengmang hna hlah, nan ka ti.

MIKAH 6:16

Omri siangpahrang cawnpiaknak kha nan i ken, A fapa Ahab le a innchungkhar nih an tuahmi kha nannih zong nih nan tuah ve; An lam paoh kha nan zulh hna. Cucaah nannih cu rawk cikcek in kan ṭhio hna lai, Miphun dang hna nih nannih cu an in nihsawh hna lai i an in serhsat hnanak cu nan in lai,” a ti.

MATTHAI 22:21

Cun Jesuh nih cun, “A si ahcun, Siangpahrang cu siangpahrang ta a simi thil kha va pe u law Pathian cu Pathian ta a simi thil kha va pe ko u,” tiah a ti hna.

LUKA 22:8

Jesuh nih Peter le Johan cu a thawh hna i, “Va kal u law Lanhtak zanriah kan ei ding kha va tim tuah u,” tiah a ti hna.

JOHAN 7:24

Lenglei zoh lawngin biakhiak hlah ngat u, dingte tu in ta bia cu nan khiah,” tiah a ti hna.

LAMKALTU 4:13

Biaceihtu hna nih Peter le Johan cu an ralṭhatning kha an hmuh i fimthiamnak zeihmanh a ngei lomi, mi sawhsawh an si ko ti kha an hngalh tikah an khuaruah a har. Khi tikah annih cu Jesuh hawikom an rak si ti kha an hun hngalh.

LAMKALTU 5:28

A thawh hna i, “Hi pa min hin cawnpiak hna hlah u tiah fek tein nawl kan in pek hna, sihmanhsehlaw nan tuahmi hi zohhmanh u! Jerusalem khua hi nan cawnpiaknak in nan khahter i hi pa thihnak hi kanmah tuahmi siter nan duh,” tiah a ti.

LAMKALTU 5:29

Peter le lamkaltu dang hna nih cun an leh i, “Minung nakin Pathian nawl kan ngaih deuh awk a si.

1 KORIN 10:15

Ruahnak a ngeimi sin biachim bantukin nan sinah ka chim; ka chimmi cu nanmah nih ṭha tein ruat ko u.

2 KORIN 4:2

Ningzak a simi thil, a thli tein tuahmi thil vialte kha kan hlawt hna i ahohmanh hleng lo tein kan um, Pathian bia zong kha hlennak ah kan hmang bal lo. Biatak kha hlangfang tein kan chim i cuticun Pathian hmaika ah kan minung hawi cu nanmah nih nan chiaṭha thleidannak ningin kan chiat le kan ṭhat cu ruat ko u, kan ti hna.

EFESA 6:1

Ngakchia hna, nan nule nan pa bia ngai hna u, cucu khrihfa rian a si i ahmaanmi thil zong a si caah nan tuah awk a si.

1TIMOTE 2:3

Mi vialte nih khamhnak hmu hna seh ti le biatak kha hngal hna seh ti a duhmi Pathian kan Khamhtu nih, hi thil ṭha hi a duhmi a si.

HEBRU 11:23

Moses kha a chuah hnu thla thum tiang a nu le a pa nih an thuh i cu a thuhtertu hna cu zumhnak a si. Fa chuak thiam ngai a si kha an hmuh i siangpahrang nawlbia al kha an ṭih lo.

JEIM 2:4

nanmah lakah thleidannak nan tuah a si i ahmaan lomi lungthin in biakhiahnak nan tuah a si.