LAMKALTU 4:17 - Lai (Hakha) Common Language Bible 2006

¹⁷ Sihmanhsehlaw hi thil hi mizapi sinah a karh chin lengmang nakhnga lo, hi mi hna hi Jesuh min in aho sin hmanh ah bia chim ti hlah u, tiah kan thlauh hna lai,” tiah an ti.

Laibaibal Thiang (BSI)

¹⁷ Mizapi nih an theih chinchin nâkhnga lo, atu thawkin amah min in aho sin hmanh ah bia chim ti lo dingin fak piin kan hro hna lai,” tiah an ti.

LAMKALTU 4:17 ပူးပေါင်းရင်းမြစ်များ

JEREMIAH 38:4

Cun bawi hna nih cun siangpahrang sinah cun, “Hi mipa hi thah awk a si, zeicahtiah hi bantukin a chimnak thawng hin ralkap hna le hi khua chung i a tangmi hna hi an lung a derter hna. Hi pa hi mi ṭhatnak a kawlmi si loin an chiatnak a kawlmi tu a si deuh,” an ti.

AMOS 2:12

Sihmanhsehlaw nannih nih Nazir mi kha zu nan dinter hna i Profet hna cu bia chim hlah u, nan ti hna.

MATTHAI 27:64

Cucaah cun thlan kha ni thum tiang ṭha tein cawng hna seh; cu ti a si lo ahcun, a zultu hna nih khan an va kal riangmang lai i a ruak kha an va fir lai i, thihnak in thawhter a si cang, tiah mi kha an chimh ko hna lai i a donghnak i a kan hlennak hi a hmasa i a kan hlennak nakkhan a chia deuh sual lai,” an ti.

MATTHAI 9:30

annih cu khua an hmu kho ṭhan. Annih cu Jesuh nih fak piin, “Hihi ahohmanh va chim hna hlah u,” tiah a ti hna.

JOHAN 15:21

Sihmanhsehlaw hi vialte cu keimah mi nan si ruangah nan cungah an tuah lai; zeicahtiah a ka thlahtu kha an hngal lo.

LAMKALTU 4:21

Biaceihtu hna nih cun fak chinchin in an hro hna i an thlah hna. Mizapi nih thil a hung ummi kongah khan Pathian cu an thangṭhat lulhmalh caah dantat khawhnak lam kha an hmu kho lo.

LAMKALTU 5:24

Cu thawng cu biakinn cawngtu bawi le tlangbawi upa hna nih khan an theih tikah, lamkaltu hna cungah cun zei ko dah a tlung hnga, tiah an khuaruah a har.

LAMKALTU 5:28

A thawh hna i, “Hi pa min hin cawnpiak hna hlah u tiah fek tein nawl kan in pek hna, sihmanhsehlaw nan tuahmi hi zohhmanh u! Jerusalem khua hi nan cawnpiaknak in nan khahter i hi pa thihnak hi kanmah tuahmi siter nan duh,” tiah a ti.

EFESA 6:9

Nannih bawi pawl, cu bantuk ṭhiamṭhiam in nan salle cungah khan um ve u, tlerh le khawnh kha hmang ti hlah u. Nanmah he nan salle he vancung i a ummi Bawi pakhat ta nan si kha hngal zungzal u, cu Bawi nih cun ahohmanh duhdanh loin bia a ceih hna ti kha philh hlah u.

1THESALON 1:8

Zeicahtiah nanmah sinin a chuakmi thawngpang Bawipa kong kha Masidonia le Grik ram leng a phan i Pathian nan zumhnak thawng nih khan khuazakip a cul. Cucaah kan khualtlawnnak kong cu kanmah nih chim a herh ti lo,

1 PETER 2:23

Serhsatnak bia in an ti tikah serhsatnak bia in a let hna lo, temhnak a in tikah a tlerh hna lo, ding tein bia a ceihtu Pathian tu kha aa bochan.