LAMKALTU 3:6 - Lai (Hakha) Common Language Bible 2006

⁶ Cun Peter nih a thawh i, “Sui le ngun zeihmanh ka ngei lo, sihmanhsehlaw ka ngeihmi cu kan pek lai: Nazareth khuami Jesuh Khrih min in, tho law kal, kan ti,” tiah a ti.

Laibaibal Thiang (BSI)

⁶ Peter nih, “Phaisa le sui ka ngei lo; asinain ka ngeihchun kan pêk lai: Nazaret Jesuh Krih minin, dir law, ke in kal,” tiah a ti.

LAMKALTU 3:6 ပူးပေါင်းရင်းမြစ်များ

MATTHAI 10:9

Nan zal ah sui tangka siseh, ngun tangka siseh, dar tangka siseh, i sanh hlah u.

MATTHAI 7:22

Cu Ni cu a phak tikah, mi tampi nih keimah cu, ‘Bawipa, Bawipa! Na min in Pathian bia kha kan chim i na min in khuachia kha tampi kan ṭhawl hna i khuaruahharnak tampi kan tuah hna,’ an ti lai.

MARKA 14:8

A tuah khawh tawk pei a tuah cu: ka pum zihmui in a ka toih cu vui awk ca i a hlankan in a rak ka timh chung pei a si cu.

MARKA 16:17

A zummi pawl cu hi ṭhawnnak hmelchuhnak hi pek an si lai: ka min in khuachia an ṭhawl khawh hna lai, holh theih loin an holh lai,

JOHAN 19:19

Pilat nih ca pakhat a ṭial i vailam tahnak cungah cun a tar. A ṭialmi cu “Nazareth khuami Jesuh Judah Siangpahrang” ti a si.

LAMKALTU 10:38

Cu thil lianngan cu, zeitindah Pathian nih Nazareth khuami Jesuh kha Thiang Thlarau le ṭhawnnak a toih i Pathian nih a umpi caah zeitindah khuazakip ah aa chawh i khuachia ṭhawnnak tangah a ummi vialte a damter hna kha a si.

LAMKALTU 16:18

Cuticun ni tampi a au lengmang hnuah Paul cu a ing a puanh i a hnulei ah aa mer i khuavang cu, “Jesuh Khrih min in amah chung khan chuak kan ti,” tiah a ti. Cu cangka cun khuachia cu a chung khan a chuak.

LAMKALTU 2:22

“Israel mi hna, hi ka bia hi ngai tuah u. Nazareth khuami Jesuh cu Pathian nih rian a fialmi a si ti kha, Pathian nih amah thawngin a tuahmi khuaruahharnak tehna, hmelchunhnak tehna le thil lianngan hna nih khan an langhter ko; hi ka chimmi hi nanmah hrimhrim nih nan hngalhmi an si, zeicahtiah nanmah lak hrimhrim ah a rak tuahmi thil an si.

LAMKALTU 2:36

“Israel mi vialte hna, nannih nih vailam tahnak thing cungah nan khenh chihmi Jesuh hrimhrim hi Pathian nih Bawipa ah le Messiah ah a ser cang, ti kha fiang tein hngal u,” tiah a ti.

LAMKALTU 3:16

Hi kebeipa thazang a petu hi amah min ṭhawnnak cu a si i atu i nan hmuhmi le nan hngalhmi hi amah min zumhnak thawngin tuahmi a si; hi bantukin nan hmaika ah a damtertu hi Jesuh min zumh hi a si.

LAMKALTU 3:5

Cucaah zeimaw an ka pek rua lai ti kha a hun i ruahchan i ṭhep loin a hun zoh hna.

LAMKALTU 3:7

Cun a orhlei kut khan a vun thawh i a dirter. Chikkhatte ah khin mipa cu a ke le a fengbeo hna cu an hung ṭhawng i

LAMKALTU 4:10

nannih nan dihlak le Israel mi vialte dihlak nih nan hngalh awk cu, hi pa dam hirhiar tein nan hmaiah a dir khawhnak cu Nazareth khuami Jesuh Khrih, nannih nih nan thah i Pathian nih thihnak in a thawhter ṭhanmi a min ṭhawnnak thawngin a si.

LAMKALTU 4:7

Lamkaltu hna kha an hmaiah an dirter hna i, “Mah hihi zeitindah nan tuah? Zei ṭhawnnak dah nan ngeih? Aho min dah nan hman?” tiah an hal hna.

LAMKALTU 9:34

Peter nih cun a thawh i, “Ainias, Jesuh Khrih nih an damter cang. Tho law na ihphah kha zual,” tiah a ti. Chikkhatte ah khin Ainias cu a tho.

1 KORIN 4:11

Nihin tiang hrimhrim hin rawlṭam le tihal in kan vak; hni le puan tlek fiamfuam in kan um; an kan tuk an kan velh; khua khat hnu khua khat kan vak lengmang;

2 KORIN 6:10

kan ngaihchiatnak cu an tuah nain kan lung aa lawm zungzal, sifak ngai kan lo sihmanhsehlaw mi tampi kan rumter hna, zeihmanh a ngei lomi ko kan lo, asinain a taktak ti ahcun kan ngeih lomi a um lo.

2 KORIN 8:12

Pek duhnak lungthin nan ngeih ahcun nan ngeih lomi thil zoh in si loin nan ngeihmi thil zoh in Pathian nih nan laksawng cu an cohlanpiak hna lai.

2 KORIN 8:9

Nannih nih kan Bawipa Jesuh Khrih vel kha nan hngalh ko: a rum nain nanmah ruangah sifak ah a cang, cuti a can cu a sifahnak khan nannih kha rumter an duh hna caah a si.

JEIM 2:5

Ka dawtmi ka u le ka nau hna, ngai hmanh u. Pathian nih hi vawlei cung i misifak hna hi, zumhnak i a rummi si awk le amah a dawtu a kamhmi hna Pennak kha a comi si awkah a thim hna.

1 PETER 4:10

Pathian laksawng kengtu ṭha bantukin Pathian sinin nan hmuhmi laksawng kha midang ca ṭhatnak ah hmang cio u.