LAMKALTU 3:20 - Lai (Hakha) Common Language Bible 2006

²⁰ Cun Bawipa nih thlarau thazang thar hmuhnak caan ṭha an pek hna lai i amah nih nan caah a thim cangmi Messiah, Jesuh kha nan sinah a run thlah lai.

Laibaibal Thiang (BSI)

²⁰ cun nan sin i an rak chim cangmi Krih Jesuh kha a rak thlah khawh lai:

LAMKALTU 3:20 ပူးပေါင်းရင်းမြစ်များ

MATTHAI 16:27

Mi Fapa hi ka Pa sunparnak in tuan ah ka vancungmi hna he ka ra lai i mi vialte kha an rian ṭuan ning cio in laksawng ka pek hna lai.

MATTHAI 24:3

Cun Jesuh cu Oliv Tlang i a ṭhut lioah khan a zultu hna kha anmah lawngte in an ra i, “Hihi zeitik ah dah a si lai? Cun na ratnak ding hmelchunhnak le atu chan donghnak ding hmelchunhnak ah zei thil dah a um hna lai?” tiah an hal.

MARKA 13:26

Mi Fapa cu a lang lai i khuadawm chung khin lianhngannak le sunparnak he a ra lai.

LUKA 19:11

Hi bia a chimmi a theimi hna sinah khan hi tahchunhnak bia hi a chim. Jerusalem khua kha a hei phanh dengmang cang caah Pathian Pennak kha a lang hnik lengmang cang tiah an ruah.

LUKA 21:27

Cun Mi Fapa cu sunparnak le lianhngannak he khuadawm cung i a rat kha an hmuh lai.

LAMKALTU 17:31

Zeicahtiah a thimmipa thawngin vawlei cung dihlak hi dinnak in biaceih awkah ni a khiah cang. Cucu a si ṭheo lai ti kha mi vialte sin i langhternak caah cu mipa cu thihnak in a thawhter,” tiah a ti.

LAMKALTU 3:19

Cucaah nan sualnak cu an hnawhpiak hna nakhnga, i ngaihchih u law Pathian leiah khan i mer tuah u.

LAMKALTU 3:21

Pathian nih a thiangmi a profet hna sinin hlan liopi ah a rak thanh cang bantukin, zei zong vialte a thar in ser caan a phak hlantiang vancung ah cun a um ko lai.

2 THESALON 2:2

fawi tuk in lungtuai in um hlah u law Bawipa Ni cu a phan cang, a titu hna zong nih cun fawi tuk in in tuaitam hna hlah seh. Mah hihi mi pakhat khat nih profet bia in ka chim a timi zong a si ko lai, phungchim in ka chim a timi zong a si ko lai. Asiloah anmah cakuat ah a um ti zongah kanmah zong an kan ti ko lai.

2 THESALON 2:8

Khi tikah Miṭhalo Pa kha a hung chuak lai i Bawipa Jesuh nih a kaa in a chuakmi thaw in a thah lai i Bawipa Jesuh a rat tikah a ceumi a sunparnak in amah cu a hrawh lai.

HEBRU 9:28

Cu bantuk ṭhiamṭhiam in mi tampi sualnak lakpiak awkah Khrih cu voi khat raithawinak ah pek a si. Cun a hung lang ṭhan lai i cu a hung langh ṭhan cu sualnak kongah si ti loin amah a hngakmi hna khamh awkah a si lai.

BIAPHUAN 1:7

Zohhmanh u, khuadawm sin khin a ra lio! Mi kip nih an hmuh lai, a rak chuntu hna zong nih khan an hmuh lai. Cun vawlei cung mi vialte cu a cung i an rak tuahmi kha i ngaichih in an ṭap lai. Cu ti hrimhrim cun a si lai! Amen.