LAMKALTU 28:8 - Lai (Hakha) Common Language Bible 2006

⁸ Publius pa cu raifanh le thisen chungtlik in a zaw i a ril ko; Paul nih khan a khaan chungah khan a vung luhhnawh i thla a campiak i a cungah a kut a chuan i a damter.

Laibaibal Thiang (BSI)

⁸ Publius pa cu raifanh le senten in a rak zaw i a it ko. Paul cu a sinah a lut i a cungah kut chuangin thla a camh i a dam.

LAMKALTU 28:8 ပူးပေါင်းရင်းမြစ်များ

MATTHAI 10:1

Jesuh nih lamkal ah a thimmi hleihnih kha a auh hna i khuachia ṭhawl khawhnak le zawtnak fahnak vialte damter khawhnak nawl kha a pek hna.

MATTHAI 10:8

A zawmi kha va damter hna u, mithi kha va thawhter hna u, thinghmui kha va thianter hna u, khuachia kha va ṭhawl hna u. Nannih nih man pek loin nan hmuh i man pek loin va pe ve hna u.

MATTHAI 12:13

Cun mipa leiah khan a hei i mer i, “Na kut kha samh tuah,” tiah a ti. A samh i khattelei kut bantukte khan a dam ko.

MATTHAI 9:18

Cu bia cu Jesuh nih a chimh lio hna ah khan, Judah mi lak i bawi pakhat a simi kha a sinah a ra i a hmaiah a khuk aa bil i, “Tunaite ah khan ka fanu a thi, sihmanhsehlaw ra law a cungah na kut ra chia law a nung ko lai,” tiah a ti.

MARKA 16:18

rul kha an tlaih hna i sivai an din zongah zeiti hmanh in an um lai lo; mizaw cungah an kut an chuan lai i an dam lai,” tiah a ti.

MARKA 5:23

“Ka fanute cu a zaw i a zual ngaingai ko. Zaangfahnak tein ra law a cungah na kut ra chia ko sawh, cu ti na tuah ahcun a dam lai i a nung ko lai,” tiah a ti.

MARKA 6:5

Khika ah khan khuaruahhar zeihmanh a tuah kho lo, a zawmi tlawmte lawng an cungah a kut a chuan i a damter hna.

MARKA 7:32

A sinah mipa pakhat an ratpi i cu pa cu a hna a chet i a holh zong a holh kho set lo, Jesuh cu a cungah na kut chia ko, tiah an nawl.

LUKA 13:13

A cungah khan a kut a chuan i cu cangka cun ding tein a dir kho i Pathian kha a thangṭhat.

LUKA 4:40

Ni tlak hnuah, mizaw a ngeimi paoh nih khan, zawtnak a phunphun in a zawmi an mizaw hna kha Jesuh sinah cun an ratpi hna; an lu cungah khan a kut a chuan diahmah i an dihlak in a damter hna.

LAMKALTU 28:7

Cuka hmun in lamnai nawn ah khin cuka tikulh a uktu bawi Publius lo kha an um. Ṭha tein a kan tlunter i ni thum chung cu a khual kan si.

LAMKALTU 28:9

Hi thil thawng hin cuka tikulh i a ummi mizaw vialte kha an ra i damnak kha an hmuh.

LAMKALTU 9:40

Peter nih an dihlak in a chuahter hna i a khuk aa bil i thla a cam; cun miruak leiah khan a hei i mer i, “Tabitha, tho tuah,” tiah a ti. A mit kha a hun au i Peter kha a hmuh tikah a hung ṭhu.

1 KORIN 12:28

Cu bantukin khrihfabu chungah hin Pathian nih mi cu an um nakhnga ding cio ah khan a chiah hna: a hmasa bik ah lamkaltu pawl, a pahnihnak ah profet pawl, a pathumnak ah cawnpiaktu pawl, cun cu hna a hun zultu ah khuaruahhar a tuahtu pawl, cun cu hna a hun changtu ah damter khawhnak pek a simi pawl, asiloah mi bawmh khawhnak pek a simi pawl, asiloah mi hruai khawhnak pek a simi pawl, asiloah holhtheihlo in holh khawhnak pek a simi pawl,

1 KORIN 12:9

Cu Thlarau ṭhiamṭhiam nih cun pakhat cu zumhnak a pek i pakhat cu damter khawhnak ṭhawnnak a pek.