LAMKALTU 28:3 - Lai (Hakha) Common Language Bible 2006

³ Paul cu thinghreu kha a khawmh i mei ah khan a tih hna. Mei nih cun a hun linh caah thing chung cun rul a hung chuak i Paul cu a kut ah a cuk i aa thlai ko.

Laibaibal Thiang (BSI)

³ Paul nih thing tomkhat a va hlam i mei ah a tih. A linh tikah rul a rak cuak i a kut ah a cuk i â thlai ko.

LAMKALTU 28:3 ပူးပေါင်းရင်းမြစ်များ

JOB 20:16

A dolhmi cu rul sivai bantuk a si; Cu nih cun ping-er cuk bantukin a thah.

ISAIAH 30:6

Thlanglei thetse ram chung i a ummi saram hna kong ah Bawipa nih a chimmi bia cu hihi a si: “An lamkaltu hna cu, ṭih awk umnak ram, chiandeih le sivai ngeimi rul le zuan a thiammi rulpi an umnak ram tan khan an kal. Bawmhnak zeihmanh a pe kho ṭung hna lomi miphun phorh awkah khan an laa le an kalauk hna cu a man a fak ngaingaimi laksawng kha an phorhter hna.

ISAIAH 41:24

Sihmanhsehlaw nannih cu zeihmanh nan si lo, nan tuahmi vialte zong zeihmanh an si lo, nanmah an biatu hna zong fihnung an si.

ISAIAH 59:5

Ṭhat lonak khua nan khan mi cu a sivai a ṭhawngmi rul ti bantukin ṭihnung a si. Pum khat kha khuai hmanh ah a dang pakhat a hung chuak ṭhan ko. Sihmanhsehlaw cu bantuk nan khua khannak nih cun zeihmanh an ṭhat hnem hna lai lo, sawmpalak bu in tahmi puan santlailo bantuk men a si ko lai.

AMOS 5:19

Minung nih chiandeih a zamtak i vom he an i ton ni bantuk, Inn chungah a luh i vampang a vun dah i rul nih a rak cuk ni bantuk a si lai.

MATTHAI 12:34

Rul hna, zeitindah miṭhalo nan si ahcun nan kaa in bia ṭha cu a chuah khawh lai? Kaa nih cun lungchung i a khatmi kha pei a chim cu.

MATTHAI 23:33

Rul hna, rul fale hna. Zeitindah hell chung tla ding i biaceihnak cu kan luat kho lai tiah nan i ruah?

MATTHAI 3:7

Johan nih, Farasi mi hna le Sadusi mi hna kha, tipil in awkah a sin i an rat kha a hmuh tikah a thawh hna i, “Rul hna, Pathian thinhunnak a ra liomi chung cun nan luat kho lai, tiah aho nih dah aan chimh hna?

MARKA 16:18

rul kha an tlaih hna i sivai an din zongah zeiti hmanh in an um lai lo; mizaw cungah an kut an chuan lai i an dam lai,” tiah a ti.

LAMKALTU 28:2

Cuka rammi hna cu kan cungah an ṭha ngaingai. Ruahpi a sur i khua a sik, cucaah meiphu an kan tihpiak i hung to u tiah an kan ti.

LAMKALTU 28:4

Cuka rammi hna nih rul kha Paul kut i aa thlai ko cu an hmuh tikah pakhat le pakhat kha, “Hi pa hi lainawng a si ṭheo lai, rili in luat hmanh seh law khuazing nih nunter a duh lo i a si ko,” an ti.

2 KORIN 11:23

Khrih sal an si maw? Annih nakin sal ṭha deuh ka si — mihrut ka lo ai ne. Anmah nakin fak deuh piin rian ka ṭuan, thong voi tam deuh ka tla, tuknak voi tam deuh ka ing, thihnak ing dengmang in voi tam deuh ka um.

2 KORIN 6:9

hngalh bal lomi bantukin an kan ti, sihmanhsehlaw mi vialte hngalh kan si ṭung, a thi cia bantuk ah an kan rel, sihmanhsehlaw nan hngalh bantukin kan nung rih ṭung, hremnak cu kan ing nain a thih cu kan thi lo,