LAMKALTU 28:20 - Lai (Hakha) Common Language Bible 2006

²⁰ Cucaah cun nannih hmuh le biaruah kan duhnak hna cu a si; hi thir cikcin in an ka khihnak hi Israel mi nih an rak i ruahchan zungzalmi pa ruangah a si,” tiah a ti hna.

Laibaibal Thiang (BSI)

²⁰ Cu thil ah nanmah hmu ding le bia ruah dingah kan auh hna. Israel mi ruahchannâk kâ hrawm ruangah hi cikcin i hrên ka si,” tiah a ti.

LAMKALTU 28:20 ပူးပေါင်းရင်းမြစ်များ

JEREMIAH 40:1

Jeremiah kong ah Bawipa sinin a rami bia: Ralvengtu hna haotu Nebuzaradan nih khan Jerusalem khua le Judah ram in sal ah an kalpimi hna saltang hna he khan cikcin khih buin Ramah khua ah Jeremiah cu a kalpi;

LAMKALTU 10:29

Cucaah nan ka auh tikah zeihmanh alnak um lo tein ka ra ko. Cucaah zeicahdah nan ka auh ka chim tuah u,” tiah a ti hna.

LAMKALTU 10:33

Cucaah nangmah cu khulrang in kan kawh i na ra. Atu cu kan dihlak in hika ah hin Pathian hmaika ah kan um i Pathian nih chim awkah an fialmi paoh cu kan chim tuah,” tiah a ti.

LAMKALTU 21:33

Ralkap haotu nih cun Paul cu a tlaih i thir cikcin a thuah in nan khih lai tiah a ti. Cun aa thawh i, “Hi pa hi ahodah a si? Zeidah a tuahmi a si?” tiah a hal hna.

LAMKALTU 23:6

Paul nih cuka bu chungmi cu a cheu Sadusi mi an si i a cheu Farasi mi an si kha a hmuh hna tikah khawngsil chungah cun a au i, “Ka u le ka nau hna, kei cu Farasi mi, Farasi mi hna fa ka si. Hika i biaceih i ka um hi a thimi kha nunnak ah an tho ṭhan lai ti ruahchannak ka ngeih ruangah a si,” tiah a ti.

LAMKALTU 24:15

hi sual a ka phawtu hna zong nih an i ruahchan vemi, minung hi mi ṭha he mi ṭhalo he thihnak in kan tho ṭhan dih lai, ti hi kaa ruahchanmi a si ve.

LAMKALTU 26:29

Paul nih cun, “A fawi ah siseh, a har ah siseh, Pathian sinah ka thlacamnak cu nangmah le nihin i ka bia a theimi vialte hi keimah bantuk si ve u law ti hi a si — hi thir cincik bel chim lo hin,” tiah a ti.

LAMKALTU 28:17

Ni thum hnuah cuka i a ummi Judah mi hruaitu hna kha Paul nih cun pumh a sawm hna. An i pumh tikah a thawh hna i, “Ka u le ka nau hna, kan miphun cungah siseh, kan pupa hna sinin kan hmuhmi kan phunglam cungah siseh ṭhat lonak zeihmanh ka tuah lo nain Jerusalem ah thong ah an ka thlak i Rom mi hna kut chungah an ka chanh.

EFESA 3:1

Hi thil vialte hi ka lung chungah i chiah in, nanmah Jentail mi hna ruang i Khrih Jesuh ca thongtla a simi keimah Paul nih, Pathian sinah thla ka cam.

EFESA 4:1

Cucaah Bawipa rian ṭuan ruang i thong i a tlami keimah nih, Pathian nih an auhnak hna he aa tlakmi nunning khan nung u tiah kan forh hna.

EFESA 6:20

Cu thawngṭha lamkaltu cu — thir cikcin he ka si. Cu kong ka chim tikah ka ral a ṭhat nakhnga thla rak cam u.

FILIPI 1:13

Kha ti ka cung i thil a tlungmi ruangah khan siangpahrang inn a cawngtu vialte hna le a dang vialte hna zong nih Khrih sal ka si ruang i thong tlaknak ka in hi an hngalh.

KOLOSE 4:18

Paul nih nan kut kan tlaih hna timi bia hi keimah hrimhrim nih ka kut in ka ṭial. Ka thir cikcin hi rak philh hlah u. Pathian vel cu nan cungah um ko seh.

2TIMOTE 1:10

sihmanhsehlaw atu ceo ah hin kan Khamhtu Khrih Jesuh a ratnak thawngin cucu kan sinah phuan a si. Thihnak ṭhawnnak kha a donghter cang i thih thiam ti lo nunnak cu Thawngṭha in kan sinah a phuan cang.

2TIMOTE 2:9

Thawngṭha ka chim ruangah temhinnak ka huah i misual bantukin thir cikcin in an ka khih. Sihmanhsehlaw Pathian bia cu thir cikcin in hren khawh a si lo.

FILEMON 1:10

thonginn chungah ka fa i a cangmi Onesimas kong hi a si.

FILEMON 1:13

Thawngṭha ruang i thong chung i ka um lioah hin, nangmah can i a ka bawmtu dingah amah hi ka sinah um seh ti cu ka duh ko.