LAMKALTU 27:6 - Lai (Hakha) Common Language Bible 2006

⁶ Cuka ah cun ralbawipa nih khan Alekzandria khua in Itali ram ah a kal dingmi lawng pakhat a hmuh i cu lawng ah cun a kan citter.

Laibaibal Thiang (BSI)

⁶ Cuka ah ralbawi pa nih Alexandria tilawng Itali ram i a kal hngami a hmuh i cuka ah a kan citter.

LAMKALTU 27:6 ပူးပေါင်းရင်းမြစ်များ

LAMKALTU 18:2

Khika ah khan Pontas ram i a chuakmi Akuila kha a va ton, amah cu a nupi Prisilla he khan cu laite ah cun Rom khua in an rak zaam, zeicahtiah Siangpahrang Klaudias nih khan Judah mi vialte kha Rom khua in chuak dih u tiah a ṭhawl hna. Paul nih cun a va leng hna i

LAMKALTU 18:24

Alekzandria khuami Judah mi pakhat a min Apollo a simi kha Efesa khua ah a ra. Amah cu biachim a thiam ngaingaimi a si i Cathiang kha ṭha tein a hngalmi a si.

LAMKALTU 27:1

Itali ram ah tilawng in nan kal lai tiah bia an kan khiahpiak tikah, Paul le a dang thongtla tlawmpal hna kha Rom ralkap chung i “Siangpahrang Ralkapbu” timi haotu Julias sinah khan an pek hna.

LAMKALTU 28:11

Thla thum hnuah Alekzandria khua in a rami tilawng a min “Pathian Faphir” timi, cuka tikulh i khuasik chung a rak ummi khan kan kal.

LAMKALTU 6:9

Sihmanhsehlaw mi cheukhat nih amah cu an al; cu hna cu Sal Luat hna pumhnak inn tiah timi i aa pum tawnmi kha an si i cu hna lakah cun Sairin le Alekzandria in a rami Judah mi kha an i tel. Cu hna le Silisia le Asia in a rami Judah mi hna nih khan Steven cu bia an hun al.