LAMKALTU 27:35 - Lai (Hakha) Common Language Bible 2006

³⁵ Hi bia a chim dih in Paul nih cun rawl kha aa lak i an hmaika ah cun Pathian sinah thla a cam hnuah a ei.

Laibaibal Thiang (BSI)

³⁵ Cu bia a chim dih in changreu a lak i mi vialte hmai ah Pathian sinah lomhnâk bia a chim, cun a cheu i ei a thawk.

LAMKALTU 27:35 ပူးပေါင်းရင်းမြစ်များ

SALM 119:46

Na nawlbia cu siangpahrang kha ka chimh hna lai i cu tuah cu ka ning a zak lai lo.

MATTHAI 14:19

Mi cu ram cungah khan a ṭhutter hna i changreu hlum nga le nga pahnih cu aa lak i van a cau i Pathian kha a thangṭhat. Changreu kha a cheu hna i a zultu kha a pek hna i a zultu hna nih khan mizapi cu an phawt hna.

MATTHAI 15:36

Cun changreu hlum sarih le nga kha aa lak hna i Pathian sinah thla a cam i a cheu hna i a zultu kha a pek hna i a zultu nih mizapi kha an pek hna.

MARKA 8:6

Mizapi cu vawlei ah khan ṭhu u, tiah a ti hna. Cun changreu tlang sarih kha aa lak i Pathian sinah lawmhnak bia a chim hnuah a beoh hna i mizapi kha phawt awkah a zultu kha a pek hna; cun a zultu hna nih cun mizapi cu an phawt hna.

LUKA 24:30

Anmah sinah cabuai ah khan a ṭhu i changreu kha aa lak i thla a cam i changreu cu a beuh i a phawt hna.

JOHAN 6:11

Jesuh nih cun changreu cu aa lak i Pathian sinah lawmhnak bia a chim i cuka i a ṭhumi cu a phawt hna. Cu bantuk ṭhiamṭhiam in nga zong cu a tuah hna i an dihlak in khim tein an ei.

JOHAN 6:23

Cun Tiberias khua in a rami lawng a dang kha, Bawipa nih Pathian sinah lawmhnak bia a chim hnuah mizapi nih changreu an einak hmun ah khan an hung i din.

ROM 1:16

Thawngṭha hi ka zahpi lo, zeicahtiah a zummi vialte hna caah Pathian khamhnak hmual a si, Judah mi hna caah a si hmasa i cun Jentail mi hna ca zongah a hung si.

ROM 14:6

Ni pakhat cu sung khun in a ruatmi nih khan cu ti i a ruah cu Bawipa upatnak in a ruah caah a si; zeipaoh a eimi nih khan cu ti i a ei cu Bawipa upatnak in a si ve ko, zeicahtiah a eimi rawl caah khan Pathian pei a lawmh cu.

2TIMOTE 1:12

hi bantukin sifahnak ka inmi vialte hna hi, hi ruangah hin a si. Asinain ka lung a dong naisai lo, zeicahtiah kaa bochanmi cu ahodah a si kha ka hngalh i ka kut chungah a ka pekmi thil kha khi Ni tiang him tein a ken khawh ti kha fiang tein ka zumh.

2TIMOTE 1:8

Cucaah kan Bawipa kong chim cu na ningzak hlah, a ca i thongtlapa keimah zong hi ka zahpi hlah. Pathian nih thazang an pekning in Thawngṭha ca i temhnak in kha ngamh lehlam ko.

1 PETER 4:16

Khrihfa nan si ruang i temhnak nan in tu ahcun, nan ning zak hlah u; Khrih min kha nan i put caah Pathian tu kha lawm u.

1 SAMUEL 9:13

Nannih nih khua chungah nan va luh ka tein, khuahrum bo i rawl ei awk i a kal hlanah khan, nan va hmuh ko lai; amah nih raithawinak cu thluachuahnak a pek awk a si caah amah a rat hlanah cun mi nih khan an rak ei lai lo; cu hnuah cun sawmmi hna nih khan an ei lai. Cucaah cun hung kal u law, nan hung ton colh ko lai,” tiah an ti.