LAMKALTU 27:30 - Lai (Hakha) Common Language Bible 2006

³⁰ Lawngcawng pawl nih khan vokkuanglawng kha ti ah khan an vun thlak i hmailei kamah thir cangai kan thla lai ti bantuk khin an i umter i zam an i tim.

Laibaibal Thiang (BSI)

³⁰ Cun lawng zaptu hna nih tilawng kha zâmtâk an timh i tilawng hmailei ah thir cangai hna thlak lai bangin vawkkuang lawng hna cu ti cungah an ṭhumh hna.

LAMKALTU 27:30 ပူးပေါင်းရင်းမြစ်များ

LAMKALTU 27:16

Kauda tikulh fate a thlanglei i kan kal lioah khan thlitu cu tlawmpal a kan phenh. Khika ah khan har lengmang in lawng i a ummi vokkuang lawng kha hnangam deuh in kan sersiam khawh.

LAMKALTU 27:27

A zan hleinganak a si cang i Mediterranean rili ah cun thlichia nih cun a kan choih cuahmah ko. Zanṭim hrawngah khin lawngcawng pawl nih cun tlang kan naih rua tiin an lung a hring nawn.

LAMKALTU 27:29

Kan lawng cu lung ah aa su sual lai ti an phan caah a hnulei in thir cangai pali kha ti chungah an thlak hna i khuadei lainak caah thla lawng kan cam ko.

LAMKALTU 27:31

Sihmanhsehlaw ralbawipa le ralkap hna cu Paul nih khan, “Hi lawngcawng pawl hi lawng cung i an um peng lo ahcun nan nung lai lo,” tiah a ti hna.

LAMKALTU 27:32

Cucaah ralkap pawl nih khan lawng a tlaitu hri kha an pheh hna i lawng cu an thlah.