LAMKALTU 26:3 - Lai (Hakha) Common Language Bible 2006

³ Cun hi bantukin kaa rel khunnak cu nangmah cu Judah phung le lam vialte le kan i almi kong ṭha tein a hngalmi na si caah a si. Cucaah lungsau thinfual in na ka ngaihpiak nakhnga kan nawl.

Laibaibal Thiang (BSI)

³ Judah phung le kan bia kongah fiangfai tein thil umtuning hngaltu na sinâk zongah a hleiin kâ lawm. Cucaah lung saunâk he rak ka ngaihpiak dingin kan nawl.

LAMKALTU 26:3 ပူးပေါင်းရင်းမြစ်များ

JEREMIAH 32:11

Cun kan i cawknak ca hna kha, min khenhnak i cabawm i khenh chihmi he, cun a kawipa cabawm i khumh lomi he khan ka lak hna i

LAMKALTU 21:21

Jentail mi ram chung i a ummi Judah mi vialte kha Moses Nawlbia kha hlaw u law nan fale kha an cuarpar tan hna hlah u law Judah phung kha zul hlah u, a ti hna, tiah nangmah kongah khan bia an theih.

LAMKALTU 24:10

Mangki bawipa nih khan Paul cu bia chim ve tuah tiah a kut a hei zaoh i Paul nih cun, “Nangmah cu hi miphun hna cungah kum tampi biaceihtu na si cang ti kha ka hngalh i cucaah nangmah hmai i humhaknak bia chim hi ka saduhthah ngaingaimi a si.

LAMKALTU 24:4

Na caan kha sau tuk lakpiak kan duh lo, cucaah kan chimmi a tawite cu zaangfahnak tein na kan ngaihpiak nakhnga kan in nawl.

LAMKALTU 25:26

Sihmanhsehlaw a kong ah hin Siangpahrang sin i ṭial awk set ka ngei lo. Cucaah anih cu nan hmaiah kan hun chuahpi — Agrippa Siangpahrang, nangmah hmai thengtheng ah ka hun chuahpi — zeicahtiah a bia cu kan dothlat hnuah ṭial awk ka ngei deuh lai tiah ka ruah.

LAMKALTU 26:2

“Agrippa Siangpahrang, nihin i nangmah hmaiah Judah mi nih an ka puhmi vialte lehnak ka hmuh hi vanṭhat ngai ah kaa rel.

LAMKALTU 26:26

Siangpahrang Agrippa, na sinah hi bantukin ralṭha ngaiin bia ka chim khawhnak cu, hi thil cu na hngalh dihmi an si caah a si. Hi thil hi a thlithup in a kenne ah tuahmi an si lo caah hngal loin na um lai tiah ka zum lo.

LAMKALTU 26:7

cu ka ruahchanmi cu kan miphun phu hleihnih hna nih Pathian kha chun he zan he an rak biak tikah kan hmuh te lai tiin an rak i ruahchanmi ṭhiamṭhiam kha a si ko. Cu ruahchannak ruangah cun, Bawipa, Judah mi nih sual an ka puh hi a si.

LAMKALTU 28:17

Ni thum hnuah cuka i a ummi Judah mi hruaitu hna kha Paul nih cun pumh a sawm hna. An i pumh tikah a thawh hna i, “Ka u le ka nau hna, kan miphun cungah siseh, kan pupa hna sinin kan hmuhmi kan phunglam cungah siseh ṭhat lonak zeihmanh ka tuah lo nain Jerusalem ah thong ah an ka thlak i Rom mi hna kut chungah an ka chanh.

LAMKALTU 6:14

Cun hi Nazareth khuami Jesuh nih hin biakinn hi a ṭheh dih lai i Moses nih a kan pekmi kan phunglam vialte hi a thlen dih lai, a ti kha kan theih,” tiah an ti.

1 KORIN 13:2

Phungchim thiamnak laksawng ka hei ngei ko hnga i hngalhnak phun tling ka hei ngei ko hnga i biathuk vialte ka hei hngalh dih ko hna hnga; cun tlang ṭhial khawhnak zumhnak zong ka hei ngei ko hnga, sihmanhsehlaw dawtnak ka ngeih lo ahcun zeihmanh ka si lo.

DEUTERONOMI 17:18

“Cun a pennak siangpahrang ṭhutdan ah a ṭhut tikah, Levi mi tlangbawi hna nih an zohkhenhmi hi phungbia hi, cauk pakhat ah aa tlen lai,