LAMKALTU 26:28 - Lai (Hakha) Common Language Bible 2006

²⁸ Agrippa nih Paul cu a thawh i, “Fawi tuk in hen pei Khrihfa ah canter na ka zalh cu,” tiah a ti.

Laibaibal Thiang (BSI)

²⁸ Agrippa nih, “Cân toite chungah Kristian ah canter khawh naka zum maw?” tiah a ti.

LAMKALTU 26:28 ပူးပေါင်းရင်းမြစ်များ

EZEKIEL 33:31

Cucaah ka mi hna cu, mi nih an tuah tawn cio bantukin, an ra hungmang lai i na hmaiah an ṭhu lai. Chimh awk na ngeihmi hna bia cu an theih lai, sihmanhsehlaw an tuah lai lo. ‘Bia ṭha an si,’ an ti lai, sihmanhsehlaw an lung cu mah pumpak miaknak cio lawngah khan fek tein an bunh cang.

MATTHAI 10:18

Uktu bawi hna hmai le siangpahrang hna hmaiah keimah ruangah an in chuahpi hna lai i annih cu le Jentail mi hna kha Thawngṭha kha nan chimh hna lai.

MARKA 6:20

Herod nih cun Johan kha a ṭih ngaingai, zeicahtiah mi ṭha le mi thiang a si kha a hngalh i him tein a umter ko. A bia a theih fate lung sivang in a um tawn ko nain a chimmi ngaih kha cu a duh ko.

LAMKALTU 11:26

A hmuh tikah Antiok khua ah khan a ratpi i kum khat chung kha Khrihfabu chungmi hna he khan an i pum i mi tampi kha an cawnpiak hna. Antiok khua ah hin pei Jesuh zultu hna kha, “Khrihfa,” tiah an rak ti hmasa bik hna cu.

LAMKALTU 24:25

Sihmanhsehlaw Paul nih ṭhatnak kong tehna, mah le mah i sumnak kong tehna, a ra lai dingmi Biaceihnak Ni kong tehna a vun chim tikah Feliks cu a thin a phang i, “Atu cu va kal ko rih; caan ka ngeih tikah kan auh ṭhan te lai,” tiah a ti.

LAMKALTU 26:27

Agrippa Siangpahrang, profet cu na zum hna maw? Na zumh hna tiah ka hngalh,” a ti.

LAMKALTU 26:29

Paul nih cun, “A fawi ah siseh, a har ah siseh, Pathian sinah ka thlacamnak cu nangmah le nihin i ka bia a theimi vialte hi keimah bantuk si ve u law ti hi a si — hi thir cincik bel chim lo hin,” tiah a ti.

2 KORIN 4:2

Ningzak a simi thil, a thli tein tuahmi thil vialte kha kan hlawt hna i ahohmanh hleng lo tein kan um, Pathian bia zong kha hlennak ah kan hmang bal lo. Biatak kha hlangfang tein kan chim i cuticun Pathian hmaika ah kan minung hawi cu nanmah nih nan chiaṭha thleidannak ningin kan chiat le kan ṭhat cu ruat ko u, kan ti hna.

1 PETER 4:16

Khrihfa nan si ruang i temhnak nan in tu ahcun, nan ning zak hlah u; Khrih min kha nan i put caah Pathian tu kha lawm u.