LAMKALTU 26:22 - Lai (Hakha) Common Language Bible 2006

²² Sihmanhsehlaw nihin ni tiangah hin Pathian nih a ka bawmh i cucaah cun hika zongah hin a hme sin he a ngan sin he ka hngalhnak bia ka chim khawhnak hi a si. Ka chimmi hi profet hna le Moses nih a si te lai tiah an rak chimmi hrimhrim kha a si:

Laibaibal Thiang (BSI)

²² Asinain Pathian sinin bomhnâk ka hmuh ruangah mi ngan le mi hme hna sinah bia hngalhter in nihin ni tiang ka dir kho i Moses le profet hna nih a ra laimi thil an chimmi hlei in zeihmanh ka chim lo.

LAMKALTU 26:22 ပူးပေါင်းရင်းမြစ်များ

EZRA 8:31

Cun kannih cu Jerusalem i kal awkah cun thla khatnak thla a ni hleihnih ni ah cun Ahava tiva cun kan i thawh; kan Pathian kut cu kan cungah a um i kan ral hna kut chung le lam i lamhruang a rak kan ahtu hna kut chungin a kan khamh.

SALM 124:8

Bawmhnak kan hmuhnak cu Bawipa sinin a si, amah cu van le vawlei a sertu a si.

SALM 18:47

ka ral hna teinak kha a ka pek i miphun tampi kha ka kut tangah a chiah hna:

SALM 66:12

Kan ral nih khan an kan lamh beh; tilian le meisul lakah na kan kalter, asinain atu cu himnak hmun na kan phakter.

MATTHAI 26:24

Mi Fapa cu Cathiang nih a thi lai a tining khan a thi lai, sihmanhsehlaw Mi Fapa a rawitu caah cun ngaihchia a si ko. Cu pa cu chuak loin rak um seh law a caah a ṭha deuh hnga,” tiah a ti.

LUKA 16:28

cuka ah cun chuahpi unau panga ka ngei hna i hung kal seh law annih tal cu hi nganfah innak hmun ah hin an rat nakhnga lo ralrinnak hung pe hna seh,” a ti.

LUKA 24:27

Cun Jesuh nih Cathiang chungah, Moses cauk hna thawk in profet hna ṭialmi cauk hna tiang, amah kong aa ṭialmi vialte kha fiang tein a chimh hna.

LUKA 24:44

Cun annih cu a thawh hna i, “Nan sin i ka rak um lio i kan chimhmi hna kha mah hi hrimhrim hi pei an si cu: Moses Phungbia chung le profet hna nih an ṭialmi chung le Salm chungah keimah kong an rak ṭialmi vialte cu a tlin dih awk a si,” tiah a ti.

LUKA 24:46

Annih cu a thawh hna i, “ ‘Messiah nih cun sifahnak kha a in lai i ni thumnak ni ah thihnak in a tho ṭhan lai,

JOHAN 1:17

Pathian nih Phungbia cu Moses thawng khan a kan pek, sihmanhsehlaw vel le biatak cu Jesuh Khrih thawng khan a ra.

JOHAN 1:45

Filip nih cun Nathanael kha a va hmuh i, “Phungbia cauk chungah a kong Moses nih a ṭialmi pa, profet hna zong nih a kong an ṭialmi pa kha kan hmuh cang. Amah cu Josef fapa Jesuh, Nazareth khuami kha a si,” tiah a ti.

JOHAN 5:39

Cathiang chung kha ṭha tein nan kawl, cu nan kawl cu, Cathiang chungah cun zungzal nunnak kan hmuh hmanh hnga maw tiah ruahnak nan ngeih caah a si; asinain Cathiang nih an dihlak in an chimmi cu, keimah kong a si ko.

JOHAN 5:46

Moses kha rak zum taktak u law cu, keimah hi nan ka zumh ko hnga, zeicahtiah amah nih keimah kong hi pei a rak ṭial cu.

LAMKALTU 10:43

Profet vialte nih amah kong cu an rak chim i amah a zummi paoh cu a min ṭhawnnak thawngin an sualnak kha ngaihthiam an si lai, tiah an ti,” tiah a ti.

LAMKALTU 13:29

Amah kongah Cathiang nih a chimmi vialte an tuah dih hnuah vailam cung khan an ṭhumh i thlan ah an vui.

LAMKALTU 24:14

Hi bel hi ka tuah tiah nangmah hmaiah ka ti khawh: Kei cu Lam thar a zulmi ka si (annih nih cun bu thar tiah an ti) i cu ti ning cun kan pupa hna Pathian cu ka biak; zeicahtiah Moses Phungbia chung i aa ṭialmi vialte le profet hna cauk chung i aa ṭialmi vialte kha ka zumh i Pathian i bochan in

LAMKALTU 26:17

Nangmah cu kan thlah lainak miphun Israel mi hna le Jentail mi hna sinin kan khamh lai.

LAMKALTU 26:6

Cun hika i biaceih awk i ka dir zong hi Pathian nih kan pupa hna sinah biakamnak a rak tuahmi chung i ruahchannak ka ngeih ve ruangah hin a si —

LAMKALTU 28:23

Cucaah ni an i tuk i cu ni ah cun Paul umnak ah khan tampi an ra. Zinglei in zan tiang Pathian Pennak kong kha a chimh hna i a fianter hna. Jesuh kong ah an lung a pem khawh nakhnga Moses Phungbia chungin le profet hna ṭialmi chungin bia kha a lak hna.

ROM 3:21

Sihmanhsehlaw atu cu nawlbia he i pehtlaihnak thawngin si hleng lo tein Pathian he i pehtlaihnak lam kha kan caah a hung awng i cu lam cu nawlbia le profet hna nih ahmaan tiin tehte an khaanmi lam kha a si.

1 KORIN 15:3

Ka rak hmuhmi kha nannih kan pek chin hna i cucu a biapi ngaingaimi a si. Cucu zeidah a si tiah, Cathiang chungah a rak i ṭial bang khan Khrih cu kan sualnak caah a thi;

1 KORIN 15:4

cun Cathiang chung ṭhiamṭhiam ah a ṭial rih bantukin, an vui i ni thumnak ni ah thawhter a si;

2TIMOTE 3:11

hremnak ka huahmi le fahnak ka inmi kha na hmuh hna. Antiok, Ikonium le Listra i hremnak fakpi ka inmi vialte kha na hngalh dih hna. Sihmanhsehlaw Bawipa nih cu vialte chung cun a ka chanh.

BIAPHUAN 11:18

Atu caan hi na thinhunnak a rat caan le Mithi hna biaceih caan a si caah, Pathian bia lomi cu an thin a hung ngaingai. Cun atu caan hi na sal na profet hna le na mi vialte hna le nangmah an ṭihtu vialte hna kha, A hme a ngan thlu loin laksawng pek caan a si fawn. Cun vawlei a hrawktu hna hrawh caan kha a si,” an ti.

BIAPHUAN 15:3

Annih cu Pathian sal Moses hla kha le Tuufa hla kha an sa i, “Bawipa, a lianngan bik Pathian, Zeitluk in dah na thil tuahmi hi an lianhngan i khuaruahhar an si. Miphun vialte Siangpahrang, Na lam cu zeitluk in dah a dikmi le a hmaanmi a si!

BIAPHUAN 20:12

Cun mithi mi kha, a ngan he a hme he, bawiṭhutdan hmai i an ṭhut kha ka hmuh. Cauk kha an kau hna, cun cauk a dang pakhat, nunnak cauk zong kha an kau ve. Mithi cu an rak tuahmi cauk chung i aa ṭialning khan an bia an ceih hna.

1 SAMUEL 7:12

Cun Samuel nih lung pakhat a lak i Mizpah le Jeshanah karlak ah a phun i, “Atu tiangin Bawipa nih a kan bawmh,” tiin a min ah Ebenezer a sak.