LAMKALTU 26:20 - Lai (Hakha) Common Language Bible 2006

²⁰ A hmasa bik ah Damaskas khua le Jerusalem khua ah, cun Judah mi hna umnak ram dihlak ah, cun Jentail mi hna sinah, ‘Nannih nih nan sualnak kha i ngaichih u law Pathian leiah khan i mer u law nan i ngaihchihnak a langhtertu thil kha tuah hna u,’ tiah ka ti.

Laibaibal Thiang (BSI)

²⁰ cuticun Damaska khua mi hna sinah le Jerusalem khua mi hna sinah ka phuan hmasa bik, cun Judia ram dihlak i mi vialte sinah le, Gentel mi hna sin zongah, an i ngaihchih i Pathian leiah an i mer i ngaihchihnâk he â tlakmi thil hna an tuah nâkhnga ka phuan tawn.

LAMKALTU 26:20 ပူးပေါင်းရင်းမြစ်များ

SALM 22:27

Miphun vialte nih Bawipa cu an hngalh camcin lai, vawleicung khuazakip in amah leiah an i mer lai; miphun zakip nih an biak lai.

ISAIAH 55:7

Miṭhalo nih an zulhmi an lam kha hlaw hna seh law an ruahning kha thleng hna seh. Bawipa kan Pathian leiah cun i mer hna seh, amah cu mi zaangfah a thiam i khulrang in mi a ngaithiam khotu a si.

JEREMIAH 18:11

Cucaah va kal law, Judah ram mi hna le Jerusalem mi hna cu, mah hihi Bawipa bia a si tiah va chim hna: Keimah cu umsertu ka si. Nan cung i a tlung dingah thil ṭhalo kha ka tim lio i nanmah dantatnak ding lam kha ka tuak lio. Lam ṭhalo nan zulhmi kha nan dihlak in kirtak cio u; nan ziaza le nan tuahnak kha i remh cio u, a ti.

JEREMIAH 35:15

Ka sal profet hna cu nan sinah ka rak thlah lengmang ko hna i nan ziaza ṭhalo kha ngol awk le a dingmi thil kha tuah awkah an in chimh lengmang ko hna. Nan pupa hna sinah ka pekmi ram ah hin nan um thluangthluan khawh nakhnga annih nih pathian dang kha biak lo ding le an rian ṭuan lo awkah ralrinnak an in pek lengmang ko hna. Sihmanhsehlaw ka bia kha nan ngai duh lo i zeizong ah nan ka rel fawn lo.

ṬAHNAK HLA 3:40

Kannih nih kan lam kha zoh ṭhan hna u si law, hneksak hna u si law Bawipa sinah kir ṭhan u sih;

HOSEA 12:6

Cucaah atu cu Jakob tefa hna, nan Pathian cu i bochan u law amah sinah khan kir tuah u. Amah sinah khan zumhawktlak in um u law ding tein um ko u, Cun nan Pathian nih rian a ṭuan lai kha thinfual in hngak ko u.

HOSEA 14:2

Bawipa sinah cun kir law hihi na thlacamnak cu siter ko: “Kan sualnak vialte cu kan ngaithiam law kan thlacamnak cu kan cohlanpiak tuah, Cun kannih nih bia kan in kam cang bantukin kan in thangṭhat lai,” ti tuah.

MATTHAI 3:2

“Vancung Pennak cu a nai cang caah nan sualnak kha mertak cang hna u,” tiah a ti hna.

MATTHAI 3:8

Nan sualnak nan i ngaihchihnak cu nan theitlai in langhter ngat u.

MATTHAI 4:17

Cu caan thawk cun Jesuh nih, “Vancung Pennak a nai cang caah, nan sualnak kha mertak cang hna u,” tiah a chimh lengmang hna.

MATTHAI 9:13

Va kal u law, ‘Saram thawinak si loin ka duhmi cu zaangfahnak lungthin kha a si,’ tiah Cathiang chungah aa ṭialmi hi a sullam va ruat tuah u. Miding mi pawl kawh awkah ka rat ṭung lo, misual mi hna kawh awkah pei ka rat ko cu,” tiah a ti.

MARKA 6:12

Cucaah an chuak i, nan sualnak in i mer u, tiah mi kha an chimh hna.

LUKA 1:16

Israel mi mi tampi kha Bawipa an Pathian sinah a kirpi ṭhan hna lai.

LUKA 13:3

Asilo, nannih zong nan nunning nan ṭhinh lo ahcun anmah thih bantukin nan thi ve lai.

LUKA 13:5

A si hrimhrim lo, nannih zong nan nun nan ṭhinh lo ahcun anmah thih bantukin nan thi ve lai,” a ti.

LUKA 15:10

Cu bantuk ṭhiamṭhiam in, aa ngaihchihmi misual pakhat ruangah Pathian vancungmi hna cu an i lawm,” tiah a ti.

LUKA 15:7

Cu bantuk ṭhiamṭhiam in, ngaihchih a herh lomi miding sawm kua le pakua hna nakin aa ngaichihmi misual pakhat ruangah vancung khua ah lunglawmhnak tam deuh a um lai,” tiah a ti.

LAMKALTU 11:18

Cu bia cu an theih tikah an soinak cu an ngol i Pathian kha an thangṭhat i, “Pathian nih Jentail mi hna zong, i ngaihchih i nun awkah caan ṭha kha a pek ve hna,” tiah an ti.

LAMKALTU 15:19

“Cucaah kei ka ruahnak ah cun Pathian leiah a hun i mermi Jentail mi hna hi harnak kan pek hna awk a si lo.

LAMKALTU 17:30

Pathian nih hin, minung nih an rak hngalh lo lio caan kha cu hmu duh loin a rak umpiak ko hna, sihmanhsehlaw atu cu khuazeika i a ummi minung hmanh, nan nuncan ṭhalo kha mertak cang hna u, tiah a ti hna.

LAMKALTU 2:38

Peter nih annih cu a thawh hna i, “Nan dihlak in, pakhat hmanh bau loin, nan sualnak khan i mer tuah u, nan sualnak kha, ngaihthiam nan si nakhnga nan sualnak khan i mer u law Jesuh Khrih min in tipilnak ing tuah u; cun Pathian laksawng Thiang Thlarau kha nan hmuh lai.

LAMKALTU 20:21

Judah mi nan si ah, Jentail mi nan si ah, Pathian hmaiah nan sualnak kha i ngaihchih i kan Bawipa Jesuh zumh ding kha, nan dihlak in kan forh hna.

LAMKALTU 26:17

Nangmah cu kan thlah lainak miphun Israel mi hna le Jentail mi hna sinin kan khamh lai.

LAMKALTU 26:19

“Cucaah Agrippa Siangpahrang, vancung in ka hmuhmi langhnak cu al ka duh lo.

LAMKALTU 3:19

Cucaah nan sualnak cu an hnawhpiak hna nakhnga, i ngaihchih u law Pathian leiah khan i mer tuah u.

LAMKALTU 9:15

Sihmanhsehlaw Bawipa nih cun a leh i, “Va kal ko, zeicahtiah amah cu keimah rian ṭuantu dingah, Jentail mi hna le siangpahrang hna le Israel mi hna sinah ka min hngalhter awkah ka thim cang.

LAMKALTU 9:35

Amah cu Lidda le Sharon i a ummi vialte nih khan an hmuh i Bawipa leiah an i mer.

ROM 2:4

A zaangfahnak a nganmi le a lungsaunak le a thinfualnak zong zeirello in um hlah. Pathian nih na cung i zaangfahnak a ngeih cu, i ngaichih seh ti aan duh caah a si ti cu na hngalh ko ṭung.

2 KORIN 3:16

Sihmanhsehlaw Cathiang nih, “Moses cu Bawipa lei i a hun i mer ah khan puan cu aa hawk,” a ti bang khan cu puan cu aa hawk cang.

2 KORIN 7:10

Pathian nih a hmanmi ngaihchiatnak nih cun khamhnak lei kalpitu lungthlennak a chuahpi i cu bantuk ngaihchiatnak cu i ngaihchih awk zeihmanh a um lo. Asinain vawlei cung phung ningin ngaihchiatnak kha kan in ahcun cu nih cun thihnak kha a chuahpi.

EFESA 4:17

Bawipa min in hi bia hi ka chim i ralrinnak kan pek hna: lawkihmi bantukin um ti hlah u. Annih cu an ruahnak kha pakpalawng a si.

1THESALON 1:9

anmah tu nih khan nanmah kan in tlawn hna ah khan zeitindah nan kan conglawmh ti kha an chim ko.

BIAPHUAN 16:11

cun fahnak le hmachia an in ruangah khan vancung Pathian cu an thangchiat. Asinain an lam ṭhalo kha an kaltak hlei lo.

BIAPHUAN 2:21

Lungthlennak caan kha ka pek ko, sihmanhsehlaw a horduhcuainak lam khan i let ṭhan a duh lo.

BIAPHUAN 2:5

Zeitluk niam i na tlak cang kha philh hlah. Na sualnak kha mertak hna law hmasa i na rak tuah tawnmi kha tuah ṭhan hna. Na sualnak kha na mertak hna lo ahcun, ka ra lai i na mei vannak kha a umnak hmun in ka ṭhial lai.

BIAPHUAN 3:3

Cucaah cun zeidah an in cawnpiakmi kha a si ti le zeitindah na rak theih ti kha philh hlah, cucu zul law na sualnak kha mertak hna. Naa hlauh lo ahcun mifir bantukin kaan rathnawh lai i ka rat caan kha a hngalh hmanh na hngal lai lo.