LAMKALTU 26:2 - Lai (Hakha) Common Language Bible 2006

² “Agrippa Siangpahrang, nihin i nangmah hmaiah Judah mi nih an ka puhmi vialte lehnak ka hmuh hi vanṭhat ngai ah kaa rel.

Laibaibal Thiang (BSI)

² “Siangpahrang Agrippa, nihin ah Judah mi nih sual anka puhnâk vialte ah ka kong na hmai ah ka chim khawh caah kâ lawm.

LAMKALTU 26:2 ပူးပေါင်းရင်းမြစ်များ

SALM 119:46

Na nawlbia cu siangpahrang kha ka chimh hna lai i cu tuah cu ka ning a zak lai lo.

MATTHAI 10:19

Nan bia an in ceih hna tikah zeidah ka chim lai, ti le zeitindah ka chim lai, ti kha nan khuaruah va har hlah u; a caan a phak tikah chim ding cu pek nan si te ko lai.

LUKA 12:11

“Pumhnak inn ah siseh, mangki bawi hmai le uktu bawi hmaiah tazacuai awkah an in chuahpi hna tikah, zeitindah kaa runven lai i zei bia dah ka chim lai, tiah nan khuaruah va har hlah u.

LUKA 21:12

“Hi thil vialte an tlun hlanah hin nannih cu tlaihkhih nan tong lai i hremnak nan ing lai; pumhnak inn ah khan biaceih awkah an in chuahpi hna lai i thong ah an in thlak hna lai; keimah ruangah siangpahrang hna hmaiah le uktu bawi hna hmaiah an in chuahpi hna lai.

LAMKALTU 25:26

Sihmanhsehlaw a kong ah hin Siangpahrang sin i ṭial awk set ka ngei lo. Cucaah anih cu nan hmaiah kan hun chuahpi — Agrippa Siangpahrang, nangmah hmai thengtheng ah ka hun chuahpi — zeicahtiah a bia cu kan dothlat hnuah ṭial awk ka ngei deuh lai tiah ka ruah.

LAMKALTU 26:1

Agrippa nih cun Paul cu a thawh i, “Na kong kha nangmah nih i chim tuah,” tiah a ti. Paul nih cun a kut kha a hun zao i a sual lonak kong kha hitihin a chim:

LAMKALTU 26:19

“Cucaah Agrippa Siangpahrang, vancung in ka hmuhmi langhnak cu al ka duh lo.

LAMKALTU 26:26

Siangpahrang Agrippa, na sinah hi bantukin ralṭha ngaiin bia ka chim khawhnak cu, hi thil cu na hngalh dihmi an si caah a si. Hi thil hi a thlithup in a kenne ah tuahmi an si lo caah hngal loin na um lai tiah ka zum lo.

LAMKALTU 26:3

Cun hi bantukin kaa rel khunnak cu nangmah cu Judah phung le lam vialte le kan i almi kong ṭha tein a hngalmi na si caah a si. Cucaah lungsau thinfual in na ka ngaihpiak nakhnga kan nawl.

LAMKALTU 26:7

cu ka ruahchanmi cu kan miphun phu hleihnih hna nih Pathian kha chun he zan he an rak biak tikah kan hmuh te lai tiin an rak i ruahchanmi ṭhiamṭhiam kha a si ko. Cu ruahchannak ruangah cun, Bawipa, Judah mi nih sual an ka puh hi a si.