LAMKALTU 26:18 - Lai (Hakha) Common Language Bible 2006

¹⁸ Nangmah nih an mit kha na deiter hna lai i muihnak in ceunak ah, Satan pennak in Pathian pennak chungah na nunter hna lai; cun keimah an ka zumhnak thawngin an sual ngaihthiamnak kha an hmuh lai i Pathian thimmi hna lakah an i tel ve lai, tiah Bawipa nih cun a ti,” tiah a ti.

Laibaibal Thiang (BSI)

¹⁸ muinâk chungin ceunâk lei ah an i mer i Satan nawlngeihnâk mertâk in Pathian lei an hoihkhawh nâkhnga, keimah anka zumhnâk thawngin zumhnâk i thianter cangmi hna lakah ro an co khawh ve nâkhnga,” tiah a ti.

LAMKALTU 26:18 ပူးပေါင်းရင်းမြစ်များ

SALM 119:18

Na nawlbia chung i a ummi khuaruahhar biatak kha ka hmuh khawh nakhnga, ka mit ka auter ko.

SALM 146:8

mitcaw kha khua hmuhnak a pek hna. Ṭhumhnak a ingmi kha a cawi hna i a dingmi a mi kha a dawt hna.

ISAIAH 29:18

Cu ni a phak tikah cun, thang piin an relmi cauk chung bia cu hnachet nih a theih khawh lai i muihnak chungah a ummi mitcaw kha an mit a dei lai i khua an hmu kho lai.

ISAIAH 32:3

An mi nih an herh an baumi kha hmu lo le thei loin an um lai lo.

ISAIAH 35:5

Mitcaw nih khua an hmuh lai i hnachet nih khua an theih lai.

ISAIAH 42:16

A mit a cawmi ka mi cu, an kal bal lonak lam khan ka kalpi hna lai. Muihnak cu ceunak ah ka canterpiak hna lai i an hmai i lam bingbo cu lam mil ah ka ser hna lai. Hi thil hi tlolh lo tein ka tuah hrimhrim hna lai.

ISAIAH 42:7

Mitcaw cu an mit na auter hna lai i a muimi thonginn chungah a ṭhumi cu na luatter hna lai.

ISAIAH 43:8

Pathian nih aa thawh i, “Ka mi cu biaceihnak hmun ah au hna u. Mit cu an ngei, sihmanhsehlaw khua an hmu lo, hna cu an ngei, sihmanhsehlaw khua an thei lo.

ISAIAH 49:6

Bawipa nih cun a ka thawh i, “Ka sal, nangmah caah rian ngan deuh chin ka ngei; Israel mi chungin a tangmi hna kha lianhngannak ah phakter ṭhan lawng si loin, Nangmah cu miphun hna ca ceunak ah kan ser lai — cuticun vawlei dihlak nih khamhnak a hmuh lai,” a ti.

ISAIAH 9:2

Mui lak i a rak i chawkmi hna nih khan ceunak nganpi an hmuh cang! Thihnak thladem tangah an rak um, sihmanhsehlaw atu cu ceunak nih a ceuh cang hna.

MALAKHI 4:2

Sihmanhsehlaw ka min a ṭihzahmi nannih caah cun, dinnak ni, a thla ah damnak a hun i zuanpimi ni cu a hung chuak lai i kawm chungin chuahmi cawfano hna bantukin nan luat lai i nan i lawm lai.

MATTHAI 4:10

Cun Jesuh nih a leh i, “Satan, va kal cang, Cathiang nih pei, ‘Bawipa na Pathian cu va bia law, amah rian lawnglawng va ṭuan,’ a ti kha,” tiah a ti.

MATTHAI 4:16

Muihnak chung i a ummi hna nih khan ceunak nganpi an hmuh lai. Thihnak ram mui chung i a ummi hna cungah ceunak a tlung lai,” a rak timi kha tlinter awk caah a si.

LUKA 1:77

A mi hna kha, nan sual ngaihthiam nan si thawngin khamhnak nan hmu lai, tiah na chimh hna lai.

LUKA 1:79

Thihnak thladem mui lak i a ummi hna kha vancung in a vun ceuh hna lai; Kannih cu daihnak lam ah a kan hruai lai,” tiah a ti.

LUKA 2:32

Cucu Jentail mi hna caah na lam a langhtertu a simi ceunak le na mi Israel mi hna ca i sunparnak cu a si,” tiah a ti.

LUKA 24:45

Cun an lungthin kha a hun pemh hna i Cathiang sullam kha an hun hngalh.

LUKA 24:47

cun amah min in sual ngaihchihnak le sual ngaihthiamnak kong kha Jerusalem khua in i thawk in miphun vialte hna sinah chim a si lai,’ tiah aa ṭial.

LUKA 4:18

“Bawipa Thlarau cu ka cungah a um. Sifakmi hna sin i Thawngṭha chim awkah chiti a ka thuh i Saltangmi hna sin i luatnak thanh awkah a ka thlah. Mitcaw mi hna sin i khuahmuh ṭhannak pek awk le Hremmi hna luatter dingah a ka thlah,

JOHAN 17:17

Annih cu biatak khan thianter hna: biatak cu nangmah bia kha a si.

JOHAN 3:19

Biaceihning cu hitihin a si: ceunak cu vawlei cung hi a rung phan ko cang, sihmanhsehlaw mi nih thil ṭhalo kha an tuah caah ceunak nakcun muihnak tu kha an duh deuh.

JOHAN 4:10

Jesuh nih cun, “Pathian nih pek an duhmi laksawng kha zeidah a si ti le, cun ti din awk an haltu hi ahodah a si ti kha hei hngal law cu, amah tu hi na hal hnga i nunnak ti kha an pek ko hnga,” tiah a ti.

JOHAN 4:14

sihmanhsehlaw keimah nih ka pekmi ti a dingmi paoh cu zeitikhmanh ah an ti a hal ṭhan ti lai lo. Ka pekmi ti cu a chungah zungzal nunnak petu cerhtiput ah a cang lai,” tiah a ti.

JOHAN 8:12

Jesuh nih annih cu a thawh ṭhan hna i, “Kei cu vawlei ceunak ka si. Keimah a ka zummi paoh cu nunnak ceunak kha an ngei lai i mui lakah an vai lai lo,” tiah a ti.

JOHAN 9:39

Jesuh nih cun, “Hi vawlei cung i ka run hi, mitcawmi nih khua an hmuh i khuahmumi cu mitcaw ah an i can nakhnga, biathlehnak tuah awkah a si,” tiah a ti.

JOHAN 9:5

Vawlei cung i ka um lioah hin cun, keimah hi vawlei ceunak cu ka si,” tiah a leh hna.

LAMKALTU 10:43

Profet vialte nih amah kong cu an rak chim i amah a zummi paoh cu a min ṭhawnnak thawngin an sualnak kha ngaihthiam an si lai, tiah an ti,” tiah a ti.

LAMKALTU 13:47

Zeicahtiah Bawipa nih a kan pekmi nawlbia cu: ‘Nannih cu Jentail mi ca i ceunak si awk le Vawlei cung dihlak ca i khamhnak lam si awkah kan chiah hna,’ ti hi a si,” tiah a ti.

LAMKALTU 15:9

Kannih le annih karlak ah zeihmanh thleidannak a tuah lo; annih nih an zumh caah an lungthin kha a thianter ve ko hna.

LAMKALTU 2:38

Peter nih annih cu a thawh hna i, “Nan dihlak in, pakhat hmanh bau loin, nan sualnak khan i mer tuah u, nan sualnak kha, ngaihthiam nan si nakhnga nan sualnak khan i mer u law Jesuh Khrih min in tipilnak ing tuah u; cun Pathian laksawng Thiang Thlarau kha nan hmuh lai.

LAMKALTU 20:21

Judah mi nan si ah, Jentail mi nan si ah, Pathian hmaiah nan sualnak kha i ngaihchih i kan Bawipa Jesuh zumh ding kha, nan dihlak in kan forh hna.

LAMKALTU 20:32

“Atu cu Pathian velngeihnak chung le zohkhenhnak chungah nannih kha kan sanh hna. Amah nih cun an ṭhanter khawh hna i a mi vialte caah a chiahmi thluachuahnak kha an pek khawh hna.

LAMKALTU 26:19

“Cucaah Agrippa Siangpahrang, vancung in ka hmuhmi langhnak cu al ka duh lo.

LAMKALTU 26:23

cucu zeidah a si tiah, Judah mi hna le Jentail mi hna sinah khamhnak ceunak thanh awk caah, Messiah nih cun fahnak kha a in a hau lai i thihnak in a tho ṭhan hmasa bikmi a si lai, ti hi a si ko,” tiah a ti.

LAMKALTU 3:19

Cucaah nan sualnak cu an hnawhpiak hna nakhnga, i ngaihchih u law Pathian leiah khan i mer tuah u.

LAMKALTU 5:31

Israel mi kha i ngaihchihnak caan ṭha le sual ngaihthiamnak pek awkah amah cu Pathian nih a orhlei kamah khan Hruaitu le Khamhtu in a ṭhutter cang.

ROM 8:17

Kannih cu Pathian rocotu kan si, Khrih roco-hawi kan si; zeicahtiah Khrih temhinnak kha kan i hrawm ahcun a sunparnak zong kan i hrawm ve lai.

1 KORIN 1:2

Nannih cu Pathian mithiang si awkah kawh nan si i Khrih Jesuh he nan i pehtlaihnak thawngin Pathian ta nan si. Cun Jesuh Khrih cu kan Bawi zong a si i an Bawi zong a si ve bantukin kan Bawipa Jesuh Khrih min in thla a cammi paoh cu khuazeika i a ummi an si hmanh ah Pathian ta cu an si ve.

1 KORIN 1:30

Sihmanhsehlaw Pathian nih cun kannih cu Khrih Jesuh he a kan pehtlaihter cang i Pathian nih Khrih cu kannih fimnak caah a ser cang; amah thawng cun kannih cu Pathian he kan i rem i Pathian mithiang ah kan cang i a luatmi kan si.

2 KORIN 4:4

Annih nih zeicahdah an zumh lo ti ahcun, hi vawlei khuazing ṭhalo nih hin an lungthin cu mui lakah a chiah peng hna caah a si. An cung i a ceumi ceunak cu hmu loin a umter hna, cu ceunak cu Khrih sunparnak kong Thawngṭha in a rami a si i Khrih cu Pathian bantuk taktak a si.

2 KORIN 4:6

“Muihnak chungin ceunak hung ceu seh,” tiah a titu Pathian ṭhiamṭhiam kha kan lung chungah amah ceunak a ceutertu cu a si; Khrih hmai cungah a ceumi Pathian sunparnak hngalhnak ceunak kha a kan pek.

2 KORIN 6:14

A zum lomi hna he i fon cetcut tuk in rian ṭuan ṭi hlah u; cucu a si kho lomi thil a si. Zeitindah a dingmi thil le a ding lomi thil cu hawikom an si khawh lai? Zeitindah ceunak le muihnak cu hmunkhat ah an um ṭi khawh lai?

GALATI 2:20

cucaah a nungmi cu keimah kha ka si ti lo, ka chung i a ummi Khrih tu hi a si deuh. Atu i ka nunmi nunning hi, a ka daw i ka ca i a nunnak a pemi Pathian Fapa zumhnak thawngin ka nung.

GALATI 3:14

Hi thil vialte nih aa tinhmi cu, Pathian nih Abraham sinah a kammi thluachuahnak kha Khrih Jesuh thawngin Jentail mi sinah pek si seh ti kha a si i cucaah kannih zong nih zumhnak thawngin Pathian kamhmi Thlarau cu kan hmuh ve nakhnga caah a si.

GALATI 3:2

Hi thil pakhat te hi ka chim hnek u, “Pathian Thlarau kha, Nawlbia nih tuah u timi nan tuahnak thawngin maw nan rak hmuh, asiloah thawngṭha nan theih le nan zumhnak thawngin dah nan hmuh?”

EFESA 1:11

Zeizong vialte hi Pathian khuakhanning le tinhning in an kal ko; Khrih he kan i pehtlaihnak thawngin Pathian nih amah mi si ding i a kan thim cu amah nih a rak i tinhmi a si ko i a hramthawk tein tuah awkah a rak i khiah ciami a si.

EFESA 1:14

Pathian nih a mi hna bia a kan kamhmi kha kan hmuh hrimhrim lai tinak aamahkhan cu Thlarau hi a si i Pathian nih a ta a simi hna cu luatnak tling a pek hna lai ti a kan hngalhtertu zong a si. A sunparnak cu thangṭhat ko u sih!

EFESA 1:18

Zei ruahchannak hmuh awkah dah an kawh hna ti le, a mi a kamhmi hna a thluachuahnak khuaruahhar cu zeitluk in dah a tam i

EFESA 1:7

Khrih thihnak nih kannih cu a kan luatter, cucu kan sualnak kha ngaihthiam kan si tinak a si. Pathian vel cu a va lianngan hringhran dah.

EFESA 2:8

Nannih cu vel an ngeih hna caah an khamh hna i khamhnak nan hmuh cu amah nan zumhnak thawngin a si. Khamhnak nan hmuhmi cu nanmah tuahmi a si lo, Pathian laksawng a si.

EFESA 4:18

An lungthin kha a mui. Annih cu zeihmanh an hngalh lo ca le an lung a ṭhawn caah Pathian pekmi nunnak chungah khan an i tel kho lo.

EFESA 5:11

Santlai lomi thil, khuamui thil, mi nih an tuah tawnmi kha tuah ve hna hlah u.

EFESA 5:14

Fiang tein langhtermi cu ceunak ah cun an i cang. Cucaah, “Aa hngilhmi i hlau tuah, thihnak in tho tuah, Cun Khrih cu na cungah a ceu lai,” an ti kha a si taktak.

EFESA 5:8

Nanmah hrimhrim zong kha muihnak chungah khua nan rak sa, sihmanhsehlaw Bawipa mi nan si cang caah ceunak chungah nan um. Cucaah ceunak mi a simi bantukin nan um awk a si.

EFESA 6:12

Zeicahtiah kan dohmi hna cu minung kha si loin, vancung khua i a ummi thlarau sual ṭhawnnak hna le uktu hna le nawl ngeitu hna le hi a muimi chan lianhngannak hna hi an si.

2TIMOTE 2:26

Cun an lung a hung fim lai i amah duhnak tuah awkah a foih i sal ah a hrengtu hna Khuachia rap khan an luat lai.

HEBRU 10:10

Jesuh Khrih nih Pathian duhmi kha a tuah caah, voi khat ah za lak in amah a pum aa pekchanhnak thawng khan kannih cu kan sualnak in a kan thianh cang.

HEBRU 10:14

Voi khat raithawinak in an sualnak thianhpiak a simi hna cu zungzal ca in a tlingmi ah a ser hna.

HEBRU 11:6

Ahohmanh nih zumhnak loin Pathian lung ton khawh a si lo; zeicahtiah Pathian a fuhmi paohpaoh nih cun, Pathian cu a um i amah a kawlmi cu laksawng a pek hna, ti kha an zumh awk a herh.

HEBRU 9:15

Pathian kawhmi hna nih Pathian kamhmi zungzal thluachuahnak kha an hmuh khawh nakhnga, biakamnak thar cu Khrih nih khan a ser. Sihmanhsehlaw cu biakamnak cu thihnak a um hnu lawngah a si kho i cu thihnak nih aa tinhmi cu biakamnak hmasa tang i a rak ummi hna nih cu biakamnak tang i an um lio i an rak tuahmi palhnak chung khan luatter kha a si.

JEIM 2:5

Ka dawtmi ka u le ka nau hna, ngai hmanh u. Pathian nih hi vawlei cung i misifak hna hi, zumhnak i a rummi si awk le amah a dawtu a kamhmi hna Pennak kha a comi si awkah a thim hna.

1 PETER 1:4

Pathian nih a mi hna caah a chiahmi thluachuah vanluhnak tampi cu co awkah kan i ruahchan. Cu thluachuahnak cu a thu a man kho lomi le a ziam kho lomi an si i Pathian nih vancung ah khin an chiahpiak hna.

1 PETER 2:25

Tuu a tlaumi bantukin nan tlau cang, sihmanhsehlaw atu cu nan nunnak Khaltu a simi le nan nunnak Cawngtu a simi leiah khan nan kir cang.

1 PETER 2:9

Sihmanhsehlaw nannih cu thimmi miphun, Siangpahrang tlangbawi, miphun thiang, Pathian miphun hrimhrim nan si. Muihnak chungin amah ceunak chungah an kotu hna Pathian nih khuaruahharmi thil a tuahmi thanh awkah nannih cu an thimmi hna nan si.

1JOHAN 1:9

Sihmanhsehlaw Pathian sinah kan sualnak cu kan phuan hna ahcun, a dingmi le zumh awk tlakmi a si caah, a biakam kha let loin kan sualnak kha a kan ngaihthiam lai i kan palhnak vialte kha a kan thianhpiak dih lai.

1JOHAN 2:12

Ka dawtle hna, nan sualnak cu Khrih min ruangah ngaihthiam nan si caah hi ca hi kan kuat hna.

1JOHAN 3:8

cun sualnak a tuahmi paoh cu Khuachia fa a si ko, zeicahtiah Khuachia cu a hramthawk tein a rak sualmi a si. Pathian Fapa a hung langhnak cu Khuachia rianṭuannak hrawh awkah hin a si.

1JOHAN 5:19

Vawlei hi a pumpi in Miṭhalopa kut tangah a um nain kannih cu Pathian mi kan si ti kha kan hngalh.

JUDAS 1:1

Jesuh Khrih sal le Jeim nau a simi Judas nih, Pathian kawhmi, Pathian kan Pa dawtnak chung le Jesuh Khrih huhphenhnak chungah a ummi kha, ca kan kuat hna.

BIAPHUAN 21:27

Sihmanhsehlaw a thurhnawmmi cu khi khua chungah ahohmanh an lut kho lai lo; ningzah awk thil a tuahmi hna le lih a chimmi hna zong ahohmanh an lut kho lai lo. Tuufa nunnak cauk chung i an min aa ṭialmi lawnglawng cu khuapi chungah cun an lut kho lai.