LAMKALTU 26:11 - Lai (Hakha) Common Language Bible 2006

¹¹ Pumhnak inn kip ah khan voi tampi hremnak ka inter hna i an zumhnak kha hlawtter kaa zuam hna. An cungah khan ka thin a hun tuk caah anmah hrem awkah cun ramdang khua hmanh ah ka fuh hna.

Laibaibal Thiang (BSI)

¹¹ Sinagog kip ah ka serhsat hna i hranhrâm loin (Pathian)cawhdehnâk bia ka chimter tawn hna. An cungah ka hrâng tuk hringhran i ramlêng khuapi zongah ka hrem hna.

LAMKALTU 26:11 ပူးပေါင်းရင်းမြစ်များ

SALM 102:8

Chun nitlak in ka ral nih an ka nihsawh, nihchuak capo i a ka saitu pawl nih ka min cu chiatsernak ah an hman.

PHUNGCHIMTU 9:3

Kan dihlak cungah thil pakhat a tlung ko i vawlei cung i a ummi thil vialte hna an hmaan lo tlukin ahmaan lomi thil a si ve. Mi cu an nun chung paoh ahcun an ruahnak cu ṭhat lonak le pakpalawng in a khat i hmakhatte ah an thi ko.

MATTHAI 10:17

An in tlaih hna lai i zung ah an in chuahpi hna lai, pumhnak inn ah an in chuahpi hna lai i an in tuk hna lai cu caah vaa ralring u.

MARKA 13:9

“Nannih cu i ralring u. Zeicahtiah mi nih an in tlaih hna lai i zung ah an in chuahpi hna lai, pumhnak inn ah khan an in tuk hna lai i an in den hna lai, uktu bawi le siangpahrang hna hmaiah, annih cu Thawngṭha chimh awk le keimah ruangah an in chuahpi hna lai.

MARKA 3:28

“Hihi va philh hlah u. Minung hi an sualnak vialte le thil ṭhalo an chimmi vialte ngaihthiam khawh an si ko lai,

LUKA 15:17

A donghnak ah cun a lung a hung fim i, ‘Ka Pa kuli vialte hmanh nih ei cawk loin ei awk an ngei, kei vial hika ah hin rawlṭam in ka thi cuahmah.

LUKA 21:12

“Hi thil vialte an tlun hlanah hin nannih cu tlaihkhih nan tong lai i hremnak nan ing lai; pumhnak inn ah khan biaceih awkah an in chuahpi hna lai i thong ah an in thlak hna lai; keimah ruangah siangpahrang hna hmaiah le uktu bawi hna hmaiah an in chuahpi hna lai.

LUKA 6:11

Sihmanhsehlaw annih cu an thin a khenh hna i Jesuh hi zeitindah kan hrawh khawh lai ti kha an i ceih.

LAMKALTU 13:45

Judah mi nih mizapi kha an hmuh hna tikah nahchuahnak in an khat; Paul nih a chimmi kha an al i amah kha an nihsawh.

LAMKALTU 18:6

Annih nih amah cu an doh i a thang an chiat tikah a puan i leidip kha a thinhnawh hna i, “Nan loh ahcun nanmah mawhchiat awk nan si ko cang lai. Kei cu mawhchiat awk ka si ti lai lo. Atu thawk hin cun Jentail mi sinah ka kal cang lai,” tiah a ti hna.

LAMKALTU 22:19

Cun kei nih, ‘Bawipa, pumhnak inn kip ah ka kal i nangmah an zummi kha ka tlaih hna i ka tuk hna cu ṭha tein an hngalh ko.

LAMKALTU 22:5

Tlangbawi Ngan le khawngsil upa hna nih khan ka chimmi hi biatak a si kha tehte an khaan khawh. Anmah sin cun Damaskas khua i a ummi Judah mi hna pek awk ca kha kaa lak i cuticun hi mi hna hi tlaih i thir cikcin in khih i Jerusalem khua i hunpi i dantat awkah khan ka kal,” tiah a ti.

LAMKALTU 9:1

Cu lio hrawngah cun Bawipa zultu pawl kha Saul nih thah awkin a tlerh cuahmah lengmang ko hna. Tlangbawi Ngan sinah a hung kal i

JEIM 2:7

Pathian nih an pekmi hna min ṭha a thangchiattu kha anmah cu an si.

2 PETER 2:16

sualnak a tuahmi ruangah cun mawhchiatnak a hmu. Holh a thiam lomi laa nih khan minung aw in bia a chim i profetpa cu a hruhnak kha a ngolter.