LAMKALTU 26:10 - Lai (Hakha) Common Language Bible 2006

¹⁰ cucu Jerusalem i ka rak tuahmi kha a si. Tlangbawi upa hna sin khan nawl peknak ca ka lak i Pathian mi tampi kha thong ah ka thlak hna; cun annih kha thah awk tlak an si tiah bia khiah a si tikah kei zong nih ka hna a rak tlakpi ve hna.

Laibaibal Thiang (BSI)

¹⁰ Jerusalem zongah cubantuk in ka rak tuah cang, tlângbawi hna sin in nawlpêk ka lak i mi thiang tampi kha thongah ka thlak hna i an thah lioah ka hnatlakpi hna.

LAMKALTU 26:10 ပူးပေါင်းရင်းမြစ်များ

SALM 16:3

Bawipa mi, zumhawktlak a simi hna cu, zeitluk in dah an ṭhat! Anmah he um ṭi cu kaa lawmhnak ngan bik a si.

LAMKALTU 7:58

khua chung khan lengah an hnuh i lung in an va cheh. Cuti in lung in a cheptu hna nih cun an puan kha, tlangval pakhat a min Saul a simi kehram ah khan an i chiah.

LAMKALTU 8:1

Cu ni hrimhrim cun Jerusalem khua khrihfabu nih hremnak in hram aa thawk. Lamkaltu pawl kha dah ti lo cu, a zummi vialte kha Judea ram le Samaria ram ah an i ṭhek dih.

LAMKALTU 8:3

Sihmanhsehlaw Saul nih khan khrihfabu cu hrawh aa zuam; inn khat hnu inn khat in a kal i a zummi hna kha nu thlulo pa thlulo in a hnuh hna i thong ah a thlak hna.

LAMKALTU 9:21

A bia a theimi paoh cu an khuaruah a har i, “Hi pa hi Jerusalem khua i Bawi Jesuh min a komi paoh a that i hika zongah hin cu bantuk ṭhiamṭhiam in annih kha tlaih i tlangbawi upa hna sinah kalpi awkah a ramipa kha a si lo maw?” an ti.

LAMKALTU 9:26

Saul cu Jerusalem khua ah khan a hung kal i zultu pawl kha komh a hung timh hna. Sihmanhsehlaw annih nih zultu a si ve cang ti kha an rak zum lo i cucaah amah cu an ṭih ngaingai.

LAMKALTU 9:32

Peter cu khuazakip ah khan a kal i voi khat cu Lidda khua i a ummi Pathian mi hna kha a va tlawng hna.

LAMKALTU 9:41

Peter nih a kut a hei chanh i a thawh. Cun a zummi hna le nuhmei hna kha a auh hna i a nung in an sinah cun a pek hna.

1 KORIN 15:9

zeicahtiah Pathian khrihfabu kha ka rak hrem hna i cucaah cun lamkaltu vialte hna lakah nauta bik ka si — a ngaingai ti ahcun lamkaltu ti awk hmanh ka tlak hrimhrim lo.

GALATI 1:13

Judah biaknak ka rak ṭanh lioah khan, zeitindah ka umtuning a rak si kha nan theih cangmi a si ko, Pathian Khrihfabu kha ka rak hrem hna i hrawh awkah fak piin ka rak i zuam.

EFESA 1:1

Pathian duhnak in Khrih Jesuh lamkaltu a simi keimah Paul nih, Efesa khua i a ummi Pathian mi hna, Khrih Jesuh chung i nan nunnak ah zumh awk tlak in khua a sami hna, ca kan kuat hna.

BIAPHUAN 17:6

Cun cu nu cu, Pathian mi hna thisen le Jesuh cungah zumhawktlak in an um ruangah thahmi hna thisen a rit kha ka hmuh. Amah ka hmuh tikah ka khuaruah a har tuk hringhran.