LAMKALTU 25:11 - Lai (Hakha) Common Language Bible 2006

¹¹ Nawlbia kha buar i thihnak tlak thil ka tuah a si ahcun, cu chungin luatternak cu kan hal lo. Sihmanhsehlaw an ka puhmi ah hin biatak zeihmanh a um ṭung lo ahcun ahohmanh nih an kut chungah nan ka chan kho lai lo. Siangpahrang sinah azu ka khan,” tiah a ti.

Laibaibal Thiang (BSI)

¹¹ Misual ka si i thihnâk tlak sualnâk ka tuah a si ahcun thih zong ka el lo, asinain hi hna nih sual anka puhnâk hi zeihmanhlo a si ahcun, ahohmanh nih an sinah anka pe kho lai lo, Sizar sin phân dingin kan nawl ko,” tiah a ti.

LAMKALTU 25:11 ပူးပေါင်းရင်းမြစ်များ

JOB 31:21

Zung ah mi nih an ka bawmh sawk lai tiin ngakṭah cungah ka kut ka hler ahcun,

JEREMIAH 37:18

Cun Jeremiah nih Siangpahrang Zedekiah cu a thawh i, “Nangmah cungah siseh, na sinum hna cungah siseh, hi mi hna cungah hin siseh, zei palhnak dah ka tuah i thong ah nan ka thlak?

LAMKALTU 16:37

Sihmanhsehlaw Paul nih palik bawi pawl kha a thawh hna i, “Kannih cu kan sualnak zeihmanh an kan hmu lo, asinain zapi hmaiah fung in an kan tuk — Rom mi kan si ve ṭung! Cun thong chungah an kan thlak. Cun atu cu a thli tein kalter an kan duh. A si kho lai lo. Rom bawi pawl cu anmah hrimhrim ra hna seh law ra kan chuah hna seh,” tiah a ti.

LAMKALTU 18:14

Paul nih bia chim a hun i zalh hnek lioah khin Gallio nih cun Judah mi cu a thawh hna i, “Judah mi hna, hi thil hi ṭhat lonak le sualnak tuahnak kongah a si ahcun, nan cungah hin lungsaunak ka ngeih awk cu aa dawhmi zong a si ko hnga.

LAMKALTU 22:25

Sihmanhsehlaw tuk ding i an hun hren ah khin Paul nih cuka i a dirmi bawi cu a thawh i, “Rom mi a simi, zeidah a sual ti hmanh ceih rih lomi tuk hi, na caah upadi ning a si lai maw?” tiah a ti.

LAMKALTU 25:10

Paul nih aa thawh i, “Siangpahrang biaceihnak zung hrimhrim ah ka chuak lai, khika ah bia cu ka ceih hna seh. Nangmah nih fiang tein na hngalh bantukin Judah mi cungah zeihmanh ṭhat lonak ka tuah lo.

LAMKALTU 25:12

Cun Festas nih cun, fimchimtu aa chiahmi pawl kha ruahnak a hal hna hnuah, “Siangpahrang sinah azu na khan caah siangpahrang sinah na kal lai,” tiah a leh.

LAMKALTU 25:21

Sihmanhsehlaw Paul nih khan azu a khaan; thong chungah ka chia ko law Siangpahrang nih ka bia cu chat te ko seh, a ti. Cucaah Siangpahrang sin i ka kuat khawh hlantiang, amah cu thong chung i um dingin nawlbia ka chuah,” tiah a ti.

LAMKALTU 25:25

Sihmanhsehlaw thah awk tlak sinak caah zeihmanh thil ṭhalo a tuahmi ka hmu kho fawn ṭung lo. Cucaah cun amah zong nih Siangpahrang sin i azu a khan caah kei zong nih Siangpahrang sin i kuat dingah cun ka ruah cang.

LAMKALTU 26:32

Cun Agrippa nih khan Festas cu, “Siangpahrang sinah azu rak khang hlah seh law cu, thlah awk a si ko hnga,” tiah a ti.

LAMKALTU 28:19

Sihmanhsehlaw cucu Judah mi nih an duh lo tikah khan, ka mi hna cungah zeihmanh sual phawtnak ka ngei lo nain, Siangpahrang sinah khan azu ka khaan a hau.

1THESALON 2:15

Judah mi cu Bawipa Jesuh le profet hna a rak thattu le kanmah hremnak a kan petu kha an si. Zeitluk in dik Pathian a ngaih an hei chiatter! Annih cu an minung hawi ral an si.

JOSHUA 22:22

Bawipa cu pathian hna Pathian a si, Amah nih a hngalh dih, Israel zong nih hngal seh. Bawipa kan doh ruang a si ah maw Amah cung i zumhawktlak lo kan si ruangah maw

1 SAMUEL 27:1

Cun David nih a lung chungin, “Ni khatkhat cu Saul kut hin ka thi te lai; Filistin mi hna ram i ka va zam nakin a ṭha deuhmi thil ka caah a um ti lo; khi tikah Saul cu Israel ram chung i keimah kawl kha a lung a dong lai i a kut chungin ka luat lai,” tiah a ti.