LAMKALTU 24:5 - Lai (Hakha) Common Language Bible 2006

⁵ Hi pa hi hnahnawhnak a tuah lengmangtu, mi ṭihnung a si tiah kan hmuh; vawleicung khuazakip ah Judah mi hna lakah khan hnahnawhnak a thawhter lengmang i amah hi mibu bu khat Nazareth khuami mibu timi a hruitu hna a si.

Laibaibal Thiang (BSI)

⁵ Zeitintiah hipa hi mi hnahnawk, vulei i Judah mi vialte sinah ṭhennâk chuahtertu Nazaret mi hna lakah an hotu bik a si.

LAMKALTU 24:5 ပူးပေါင်းရင်းမြစ်များ

ESTHER 3:8

Cun Haman nih Siangpahrang Ahasuerus cu a thawh i, “Na ram chung i peng dihlak ah hin, a kenkip le mi kip sinah aa ṭhekmi miphun pakhat an um; an phunglam cu midang hna phunglam he khan an i dang i annih nih siangpahrang nawlbia kha ngaih an duh lo caah annih cu hi bantukin in ko ahcun siangpahrang caah miaknak zeihmanh a um lai lo.

JEREMIAH 37:13

Cun Benjamin kutka a phak tikah khan, ralvengtu pakhat a min Irijah a simi nih profet Jeremiah cu, “Khaldi mi hna sinah zam naa tim,” tiin a ti i a tlaih. Irijah cu Shelemiah fapa a si i Shelemiah cu Hananiah fapa a si.

JEREMIAH 38:4

Cun bawi hna nih cun siangpahrang sinah cun, “Hi mipa hi thah awk a si, zeicahtiah hi bantukin a chimnak thawng hin ralkap hna le hi khua chung i a tangmi hna hi an lung a derter hna. Hi pa hi mi ṭhatnak a kawlmi si loin an chiatnak a kawlmi tu a si deuh,” an ti.

AMOS 7:10

Khi tikah Bethel khua i tlangbawi Amaziah nih khan Israel siangpahrang Jeroboam cu thawng a thanh i, “Israel miphun lakah nangmah doh awkah Amos nih khua a khan lengmang ko i a chimmi bia hi kan ram nih a ing kho ti lo.

MATTHAI 10:25

Cucaah siangngakchia caah a saya tluk si cu a za ko i sal caah a bawi tluk si kha a za ko. Innchungkhar i an lu cu Beelzebul ti a si ahcun, innchungkhar mi chinchin cu cu nak min chia deuh in pei auh an si lai cu,” tiah a si.

MATTHAI 2:23

Nazareth khua ah khan umhmun a khuar. “Amah cu Nazareth khuami ti a si lai,” tiah profet hna nih an rak chimmi tlinter awk caah, hiti in thil a hung um cu a si.

MARKA 1:24

“Nazareth khuami Jesuh, zeidah na kan duhnak a um? Kanmah hrawh duh ah maw na rat? Nangmah cu Pathian lamkaltu a thiangmi na si kha kan hngalh ko ṭung!” tiah a ti.

LUKA 23:19

(Bar-Abbas cu khua chung i zapi buainak a ummi ruangah le lainawn ruangah thong ah cun an rak thlak.)

LUKA 23:2

Anih cu sual kha an phawt i, “Hi pa nih hin kan mi hna a pingah a hruai hna kha kan tlaih, a thawh hna i Sizar Siangpahrang sinah ngunkhuai nan pe lai lo, a ti hna i, keimah hi siangpahrang Khrih cu ka si, a ti hna,” an ti.

LUKA 23:25

Chuak seh ti an duhmi pa, hnahnawhnak a chuahter ruang le lai a nawn ruang i thong i an thlakmipa kha, a chuahter i Jesuh cu anmah duh paoh in tuah awkah an kut chungah a pek hna.

LUKA 23:5

Sihmanhsehlaw fak chinchin in an au i, “Hi pa nih hin a cawnpiaknak in mizapi lakah hnahnawhnak a chuahter. Galilee ram in aa thawk i Judea ram vialte kha a cul dih i atu cu hika hi a phan cang,” an ti.

LAMKALTU 15:5

Sihmanhsehlaw zumtu hna lakah khan, Farasi bu chung i a simi an rak um i cu hna nih cun an i thawh i, “Annih cu, cuarpar nan i tan lai i Moses Nawlbia kha nan zulh lai, tiah ti awk an si,” tiah an ti.

LAMKALTU 21:28

“Israel mi hna, kan bawm tuah u. Hi pa hi pei a kenkiplo ah a kal i Israel mi ralchanh le Moses Phungbia ralchanh le hi biakinn ralchanh in mi a cawnpiak lengmangtu hna cu a si cu. Cun atu hi hi biakinn chungah hin Jentail mi hna hmanh kha a luhpi hna i a thurhhnawmhter cang,” tiah an au.

LAMKALTU 22:22

Hi tiang a chim ah hin cun mizapi nih khan Paul kha an ngaih ko; sihmanhsehlaw an aw reng chuak khan an au ṭhan i, “Kha pa kha hlo ko u. That ko u. A nung ding tlak a si lo,” an ti.

LAMKALTU 24:14

Hi bel hi ka tuah tiah nangmah hmaiah ka ti khawh: Kei cu Lam thar a zulmi ka si (annih nih cun bu thar tiah an ti) i cu ti ning cun kan pupa hna Pathian cu ka biak; zeicahtiah Moses Phungbia chung i aa ṭialmi vialte le profet hna cauk chung i aa ṭialmi vialte kha ka zumh i Pathian i bochan in

LAMKALTU 24:4

Na caan kha sau tuk lakpiak kan duh lo, cucaah kan chimmi a tawite cu zaangfahnak tein na kan ngaihpiak nakhnga kan in nawl.

LAMKALTU 25:7

Paul cu a hung phanh tikah Jerusalem in a rami Judah mi hna kha a velchum cun an dir i hi pa nih hin sual fak tampi a tuah tiin sualphawt hram kha an thawk, sihmanhsehlaw an puhmi kha ahmaan tiah an ti khawhmi a um lo.

LAMKALTU 26:5

Cun annih nih hin an chim duh ahcun an hngalh zungzalmi a si ko, a hramthawk tein kan biaknak chung i a fel bikmi Farasi mi phu i aa tel zungzalmi ka rak si.

LAMKALTU 28:22

Sihmanhsehlaw na ruahnak cu theih kan duh ko, zeicahtiah hi nan phu hi khuazakip ah mi nih an thangchiat lengmangmi a si,” an ti.

LAMKALTU 5:17

Cun Tlangbawi Ngan le a hawile hna, cuka hmun i a ummi Sadusi pawl chungmi a simi hna nih khan lamkaltu pawl cu an nahchuah ngaingai hna i cucaah an cungah rian kan ṭuan cang lai, tiah an ti.

LAMKALTU 6:13

Cun amah kong i lih a ṭawntu dingah mi kha an luhpi hna. Cu hna nih cun an i thawh i, “Hi pa nih hin a thiangmi kan biakinn le Moses phung kha a thangchiat zungzal hna.

1 KORIN 11:19

(Aho hi dah ahmaan ti hngalhnak caah a si ahcun, i ṭhen zong cu a ṭha ve sawk.)

1 KORIN 4:13

Chiat an kan serh tikah thluachuah le vanluh kan pek hna; an kan hrem tikah kan in, biaziar in an kan ti tikah bia nem in kan leh hna. Kannih cu kuthnawm hnawhnak puanchia kan si ko; nihin ni tiang hrimhrim hin vawlei cung hnawmtinphor kan si ko.

1 PETER 2:19

Pathian nan thlasak ruangah nan hmuh awk a si lomi temhinnak kha nan hmuh i a in in nan i in ahcun Pathian nih cu nan inmi ruangah cun thluachuahnak an pek hna lai.