LAMKALTU 24:26 - Lai (Hakha) Common Language Bible 2006

²⁶ Cu hleiah Paul sinin tangka ka hmu lai ti zong kha aa ruahchih pah i cucaah atu le atu a auh lengmang i bia a ruah lengmangnak cu a si.

Laibaibal Thiang (BSI)

²⁶ Paul nih â tlanhnâk dingah phaisa a pêk kha â ruahchanmi a si. Cucaah a auh lengmang i a kawmh tawnnâk cu a si.

LAMKALTU 24:26 ပူးပေါင်းရင်းမြစ်များ

2 CHANRELNAK 19:7

Cucaah Bawipa ṭihnak cu nan cungah um seh; nan tuahmi kha i ralring u, zeitintiah Bawipa kan Pathian sinah cun biading merh siseh, duhdanh ngeih siseh, ziknawh siseh, a um lo,” tiah a ti.

JOB 15:34

Zeicahtiah Pathian zei ah a rel lomi hna cu an dihlak in an car i Ziknawhmi thil in an sakmi an inn cu mei nih a kangh hna lai;

EXODUS 23:8

Nawhthuh la hrimhrim hlah u, zeicahtiah nawhthuh nih cun bawi kha an mit a cawtter hna i a sual lomi hna bia kha pakpalawng ah a canter.

PHUNGTHLÛKBIA 17:23

Biaceihtu ṭhalo nih ziknawh an lak tawn i dinnak in bia an ceih lo.

PHUNGTHLÛKBIA 17:8

Mi a cheu nih, nawhthuh nih cun camh bantukin rian a ṭuan khawh, tiah an ruah, zeipaoh a tuah khawh tiah an zumh.

PHUNGTHLÛKBIA 19:6

Mi tampi nih mi lian he hawikom sinak kha an kawl, Laksawng a pe lengmang tu caah cun aho paoh hawikom an si ko.

PHUNGTHLÛKBIA 29:4

Dinnak thawngin siangpahrang nih ram cu a fehter, Sihmanhsehlaw hneknak in tangka hmuhnak kha a ruah tikah a ram cu a rawk tawn.

ISAIAH 1:23

Na bawi hna cu ralthawh hmangmi le mifir hna hawikom an si; laksawng le ziknawh kha an ei thluangthluan ko. Zung ah khan ngakṭah kha zeitikhmanh ah an ṭanh duh bal hna lo i nuhmei cu an bia kha a ngaih hmanh an ngaihpiak duh bal hna lo.

ISAIAH 33:15

A dingmi thil kha na chim i na tuah ahcun na celh ko lai. Na lianhngannak cu misifak hlennak ah khan hmang hlah law ziknawh kha la hlah. Lainawnnak tuah awk le thil dang a ṭha lomi tuah awkah khua a khangmi kha kom hna hlah.

ISAIAH 56:11

A paw a kau tukmi, a za cang ti a hngal lomi uico bantuk an si. Hngalhnak ngei lo hruaitu an si. Anmahle an duhning cio paoh khan an um i anmah miaknak lam cio lawng kha an kawl.

EZEKIEL 22:27

A chung i a bawi pawl hna cu an sa sehmi a ei cuahmahmi cenghngia hrang bantuk an si, a ding loin miaknak hmuhnak caah khan mi thisen kha an chuah i an thah hna.

EZEKIEL 33:31

Cucaah ka mi hna cu, mi nih an tuah tawn cio bantukin, an ra hungmang lai i na hmaiah an ṭhu lai. Chimh awk na ngeihmi hna bia cu an theih lai, sihmanhsehlaw an tuah lai lo. ‘Bia ṭha an si,’ an ti lai, sihmanhsehlaw an lung cu mah pumpak miaknak cio lawngah khan fek tein an bunh cang.

HOSEA 4:18

An zudin kha a dih in nu le pa sualnak kha heh tiah an tuah; upatnak nakkhan duh paoh tlon kha an duh deuh.

MIKAH 3:11

Khua a uktu hna nih khan ziknawh ei in an uk hna. Tlangbawi hna nih khan a man hmuh awk lawngah phungbia kha an chimh hna. Profet hna nih khan tangka hmuhnak ding ca lawngah phuannak kha an chim; Cun an dihlak in Bawipa cu kan sinah a um, an ti dih. An i thawh i, “Bawipa cu kan sinah a um lo mei? Harnak zeihmanh nih a kan tlunhnawh kho lai lo,” an ti.

MIKAH 7:3

Ṭhat lonak tuah kha a thiam ngaingaimi an si dih. Bawi nih si hna seh, biaceihtu nih si hna seh, ziknawh kha an duh dih. Nawl ngeimipa nih khan a duhnak kha a chimh hna i hmunkhat ah khua an khang ṭi.

MATTHAI 17:3

Cun a zultu pathum hna nih cun Jesuh cu Moses le Elijah he bia an i ruah kha an hmuh.

LAMKALTU 24:17

“Jerusalem khua in kum tam nawn ka chuah hnuah, ka mi hna cu tangka tlawmpal va pek awk le raithawinak va tuah awkah cuka ah cun ka hung kal.

1 KORIN 6:9

Miṭha lomi nih cun Pathian Pennak cu an co lai lo ti kha fiang tein nan hngalh ko. Nanmah le nanmah kha i hleng len hlah u; misual mi le siasal a biami le vacung pa duhmi le nu nih nu he sualnak, pa nih pa he sualnak a tuahmi le,

DEUTERONOMI 16:19

Dinglo piin bia kha nan ceih lai lo, duhdanh nan ngei lai lo, nawhthuh nan la lai lo, zeitintiah nawhthuh nih mifim mi mit kha a cawtter i miding mi bia kha a lehtalam tawn.

2 PETER 2:3

Cawnpiaktu hmaanlo hna cu, hakkaumi an si caah, an phuahchommi tuanbia kha an in chimhmi hna cu, nanmah kha zeitindah kan miak khawh hna lai tinak caah a si lai. Sihmanhsehlaw anmah bia a ceihtu hna ding Bawi aa timhnak cu caan saupi a si cang i anmah a Hrawktu hna ding cu aa hlau cang.

1 SAMUEL 12:3

Hika ah hin ka um hih; Bawipa le a chiti thuhmi hmaiah hin ka soi tuah u. Aho cawtum ka la bal maw? Aho laa ka la bal maw? Aho tal ka hleng bal hna maw? Aho tal ka hrem bal maw? Ka mit phenhtertu ah aho sinin nawhthuh ka la bal maw? Ka chim u law, kan rulh hna lai,” tiah a ti.

1 SAMUEL 8:3

Asinain, a fapa hna cu amah lam kha an zul lo, miaknak tu kha an merhnawh. Nawhthuh kha an lak i biading kha an merh.