LAMKALTU 24:10 - Lai (Hakha) Common Language Bible 2006

¹⁰ Mangki bawipa nih khan Paul cu bia chim ve tuah tiah a kut a hei zaoh i Paul nih cun, “Nangmah cu hi miphun hna cungah kum tampi biaceihtu na si cang ti kha ka hngalh i cucaah nangmah hmai i humhaknak bia chim hi ka saduhthah ngaingaimi a si.

Laibaibal Thiang (BSI)

¹⁰ Mangki bawi nih bia chim dingin a ti hnu ah Paul nih, “Kum tampi hi miphun hna cungah biaceihtu na si cang ti ka hngalh tikah lunglawm tein keimah tein ka leh lai.

LAMKALTU 24:10 ပူးပေါင်းရင်းမြစ်များ

LUKA 12:11

“Pumhnak inn ah siseh, mangki bawi hmai le uktu bawi hmaiah tazacuai awkah an in chuahpi hna tikah, zeitindah kaa runven lai i zei bia dah ka chim lai, tiah nan khuaruah va har hlah u.

LUKA 12:14

Jesuh nih cun a vun leh i, “Mipa, aho nih dah nan pahnih karlak i biathlektu ding le ro ṭhentu dingah nawl a ka pek?” tiah a ti.

LUKA 18:2

Aa thawh i, “Khua pakhat ah hin Pathian zong a ṭih lo i mi zong a hmaizah lomi biaceihtu bawi pakhat a rak um.

LAMKALTU 12:17

“Dai tein um u,” tiah a kut in a hmuhsak hna i Bawipa nih zeitindah thonginn chungin a chuahnak kha a chimh hna. “Mah hihi Jeim le kan unau dang hna kha va chim hna u,” tiah a ti hna i kaa dang ah a kaltak hna.

LAMKALTU 13:16

Paul cu a dir i a kut in dai u tiah a hmuhsak hna i biachim hram aa thawk: “Ka phunhawi Israel mi hna le Pathian a biami Jentail mi hna, ka bia hi ngai tuah u.

LAMKALTU 18:15

Sihmanhsehlaw hi thil cu bia le min le nanmah phung nan i almi kong a si caah nanmahte nih vaa ceih ko u. Cu bantuk thil kong men biaceihtu si cu ka duh lo!” tiah a ti i

LAMKALTU 19:33

Judah mi nih Alekzandar kha hmailei ah an hei chuahter caah khan, hi thil a chuahtertu hi Alekzandar cu a si rua tiah an ruah. Alekzandar nih cun mizapi cu, dai u, tiah a kut a hun zaoh hna i an hmaiah cun aa runvennak bia kha chim hram a hun thawk.

LAMKALTU 21:40

Ralkapbu haotu nih cun a nawl a pek i hleihlak ah cun Paul cu a dir i mizapi kha a kut a zaoh hna. Dai tein an hung um tikah Paul nih cun Hebru holh in bia kha a chimh hna.

LAMKALTU 23:24

Paul caah khan cit awk rang tim ve hna u law him tein Mangki bawi Feliks sinah phakpi u,” tiah a ti.

LAMKALTU 26:1

Agrippa nih cun Paul cu a thawh i, “Na kong kha nangmah nih i chim tuah,” tiah a ti. Paul nih cun a kut kha a hun zao i a sual lonak kong kha hitihin a chim:

1 PETER 3:15

Sihmanhsehlaw nan lungthin chungin Khrih kha upat u law nan Bawi ah ser u. Ruahchannak nan ngeihmi kong kha, kan chim tuah u, an timi hna an um ahcun, zeitik caan paoh i chim kho dingin timhcia tein um zungzal u.

1 SAMUEL 2:25

Mi nih mi cungah a sual ahcun Pathian nih remnak a serpiak lai, sihmanhsehlaw mi nih Pathian cungah a sual ahcun, aho nih dah a nawlpiak ti lai?” tiah a ti. Sihmanhsehlaw a pa bia cu an ngai duh lo; zeitintiah annih thah awk kha Bawipa duhnak a si.