LAMKALTU 23:6 - Lai (Hakha) Common Language Bible 2006

⁶ Paul nih cuka bu chungmi cu a cheu Sadusi mi an si i a cheu Farasi mi an si kha a hmuh hna tikah khawngsil chungah cun a au i, “Ka u le ka nau hna, kei cu Farasi mi, Farasi mi hna fa ka si. Hika i biaceih i ka um hi a thimi kha nunnak ah an tho ṭhan lai ti ruahchannak ka ngeih ruangah a si,” tiah a ti.

Laibaibal Thiang (BSI)

⁶ Paul nih a cheu Sadusih an si i a cheu Farasih an si ti kha a hngalh tikah biaceihnâk ah a au i, “U le nau hna Farasih ka si i Farasih fapa zong ka si. Mithi thawhṭhannâk kong ruahchan ruangah nihin ah chalh in ka um,” tiah a ti.

LAMKALTU 23:6 ပူးပေါင်းရင်းမြစ်များ

MATTHAI 10:16

“Ngai hmanh u! Cenghngia hrang rual lak i thlahmi tuu bantukin kan thlah hna. Cucaah rul bantukin vaa fim u law ṭhuro bantukin nan nun va nem u.

MATTHAI 22:23

Cu ni ṭhiamṭhiam ah cun Sadusi mi tlawmpal kha a sinah khan an ra. (Annih cu mi hi thihnak in kan tho ṭhan lai lo a timi pawl kha an si).

MATTHAI 3:7

Johan nih, Farasi mi hna le Sadusi mi hna kha, tipil in awkah a sin i an rat kha a hmuh tikah a thawh hna i, “Rul hna, Pathian thinhunnak a ra liomi chung cun nan luat kho lai, tiah aho nih dah aan chimh hna?

LAMKALTU 22:3

“Kei cu Judah mi, Silisia ram Tarsas khua i a chuakmi ka si, sihmanhsehlaw ka ca cawnnak cu hika Jerusalem khua ah hin Gamaliel kut tangah khan a si. Kan pupa hna Phungbia kha fel tein cawnpiak ka rak si i nihin i nanmah vialte tlukte hin Pathian leiah aa pumpemi ka rak si.

LAMKALTU 22:30

Ralkapbu haotu nih cun Judah mi nih Paul hi zei sette dah an puh ti kha hngalh a duh caah a thaizing ah cun Paul cu a thir cikcin kha a phoih i tlangbawi upa hna le khawngsil pawl kha i pum u tiah nawl a pek hna. Cun Paul cu a kalpi i an hmaiah khan a dirter.

LAMKALTU 22:5

Tlangbawi Ngan le khawngsil upa hna nih khan ka chimmi hi biatak a si kha tehte an khaan khawh. Anmah sin cun Damaskas khua i a ummi Judah mi hna pek awk ca kha kaa lak i cuticun hi mi hna hi tlaih i thir cikcin in khih i Jerusalem khua i hunpi i dantat awkah khan ka kal,” tiah a ti.

LAMKALTU 23:1

Khawngsil pawl cu Paul nih dengteo in a zoh hna i, “Ka u le ka nau hna, nihin ni hrimhrim tiangin Pathian hmaika i ka nunning ah ka chiaṭha thleidannak lungthin a thiang,” tiah a ti.

LAMKALTU 23:15

Cucaah nanmah le khawngsil pawl nih khan Rom ralkap haotu kha bia hei cah u law, Paul kongah bia fiang deuh in theih a duh bantukin i umter u law, Paul kha kan sinah run thlah tuah tiah ti u law, kannih nih hika a phak hlanah rak that dingin timhcia tein kan rak um lai,” an ti.

LAMKALTU 23:20

Tlangvalpa nih cun a thawh i, “Judah mi lak i nawl ngeitu hna nih khan, Paul kongah bia fiang deuh in hngalh a duh bantukin kan i umter lai i nangmah kha biaceihnak khawngsil ah Paul cu thaizing ah hun chuahpi tuah tiah kan nawl lai tiah hnatlaknak an tuah cang.

LAMKALTU 23:7

Cu bia a chim cangka in Farasi mi hna le Sadusi mi hna cu an i si i an kuai.

LAMKALTU 24:15

hi sual a ka phawtu hna zong nih an i ruahchan vemi, minung hi mi ṭha he mi ṭhalo he thihnak in kan tho ṭhan dih lai, ti hi kaa ruahchanmi a si ve.

LAMKALTU 24:21

an hmai i ka dir lio i ka chimmi cu hi bel hi a si: Mithi hna cu nunnak ah an tho ṭhan lai, ti ka zumh ruangah nannih nih nihin ah hin taza nan ka cuai hih, ka ti hna,” tiah a ti.

LAMKALTU 28:20

Cucaah cun nannih hmuh le biaruah kan duhnak hna cu a si; hi thir cikcin in an ka khihnak hi Israel mi nih an rak i ruahchan zungzalmi pa ruangah a si,” tiah a ti hna.

FILIPI 3:5

zarh khat ka si ah cuarpartan ka si, chuahkehnak lei in Israel mi, Benjamin phun, Hebru mithiang ka si; Judah mi Nawlbia zulhnak leiah Farasi ka si i

KOLOSE 1:5

Biahmaan taktak, Thawngṭha Bia kha, nan sin a phak terte ah khan, ruahchannak zeidah an pek hna ti cu nanmah nih nan hngalh. Cuticun nan zumhnak le dawtnak nan ngeihmi cu vancung i nan ca i chiahmi ruahchannak cungah an hram cu a dir.

HEBRU 6:19

Hi ruahchannak hi kan nunnak caah a fekmi le a ṭhawngmi thir cangai bantuk a si. Vancung biakinn puanzar kha lonh in chungchin hmunthiang ah khan kan ruahchannak cu a lut.