LAMKALTU 23:30 - Lai (Hakha) Common Language Bible 2006

³⁰ Cun Judah mi a cheukhat nih amah thah khawhnak ding khua an khang ti kha ka theih tikah nangmah sinah ka rak kuat ahcun a ṭha lai tiah ka ruah. Cun sual a phawtu hna cu ka thawh hna i amah cu nangmah hmaika ah taza va cuai u, tiah ka ti hna,” tiah a ti.

Laibaibal Thiang (BSI)

³⁰ Cun Judah mi hna nih a thli in amah an bawh tiah mi nih anka hngalhter le cângkâ anih cu na sinah ka rak kuat cawlh. Sual puhtu hna zong a cungah bia an ngeimi pauh cu na hmai ah chim dingin nawl ka pêk hna,’ Mangṭha,” tiin.

LAMKALTU 23:30 ပူးပေါင်းရင်းမြစ်များ

LAMKALTU 15:29

siasal pekchanhmi rawl kha ei i sum u, thi ei kha i sum u, hngawngdih sa ei i sum u, cun nu le pa sualnak kha i sum u. Hi thil hna tuah hi nan i sum ahcun nan caah a ṭha lai. Dam tein,” tiah an ti.

LAMKALTU 23:12

A thaizing ah Judah mi a cheukhat kha hmunkhat ah an i tong i khua an khang. Paul kan thah hlanah cun rawl zong kan ei lai lo, ti zong kan ding lai lo, tiah biakamnak an tuah.

LAMKALTU 23:20

Tlangvalpa nih cun a thawh i, “Judah mi lak i nawl ngeitu hna nih khan, Paul kongah bia fiang deuh in hngalh a duh bantukin kan i umter lai i nangmah kha biaceihnak khawngsil ah Paul cu thaizing ah hun chuahpi tuah tiah kan nawl lai tiah hnatlaknak an tuah cang.

LAMKALTU 23:31

Ralkap pawl nih cun a fial hna ning khan an tuah. Paul cu an va lak i cu zan ah cun Antipatris tiang an kalpi.

LAMKALTU 23:35

“Taza an cuaitu hna an rat tikah na bia cu kan ceihpiak te lai,” tiah a ti. Cun Paul cu Herod Siangpahrang inn ah khan va cawng u, tiah ralkap kha a fial hna.

LAMKALTU 24:19

Sihmanhsehlaw cuka ah cun Asia ram in a rami Judah mi tlawmpal bel an um; annih nih sualphawt awk an ka ngeih a si ahcun bia chimtu dingah anmah cu pei zung ah hin ra chuah awk an si cu.

LAMKALTU 25:16

Sihmanhsehlaw Rom mi nih cun ahohmanh an si ah taza a cuaitu hna kha hmaitonh tein an ton hna i sual an puhmi kha i chim khawh venak dingah a caan pek lo cun sual an puhmi kha an sinah pek phung a si lo, tiah ka ti hna.

LAMKALTU 9:24

sihmanhsehlaw tuah an i timhmi kha a chimtu an rak um. Amah kha thah an duh caah cun chunzan in khua kutka kha an cawngh hna.

2 KORIN 13:11

Atu cu ka u le ka nau hna, dam tein rak um u. Nan umtuning kha rak i remh u. Kan nawlnak hna hi rak ngai u; pakhat le pakhat i rem u law dai tein rak um u. Cun dawtnak le remnak Pathian cu nan sinah a um lai.