LAMKALTU 23:10 - Lai (Hakha) Common Language Bible 2006

¹⁰ An i alnak cu a fak tuk hringhran i ralkapbu haotu nih khan Paul cu an thleh an baoh dih sual lai ti kha a phan caah a ralkap hna kha, mibu chungah cun vung kal u law Paul kha vung la u law ralhruang chungah khan hun luhpi u, tiah a fial hna.

Laibaibal Thiang (BSI)

¹⁰ Cubangin elhnialnâk a tam chin lengmang tikah nawlpetu bawi nih Paul kha an thlehbauh dih sual lai ti a phâng i ralkap kha a sinah vung kal in vung lâk i ralhruang chungah luhpi dingah nawl a pêk hna.

LAMKALTU 23:10 ပူးပေါင်းရင်းမြစ်များ

SALM 50:22

“Zei i a ka rel lomi hna, hihi ngai tuah u, nan ngaih lo ahcun kan hrawh hna lai i ahohmanh nih an in khamh kho hna lai lo.

SALM 7:2

Cu ti na ka khamh lo ahcun ahohmanh khamhtu ngei loin, chiandeih bantukin an ka hnuh lai i an ka thleh an ka baoh dih ko lai.

MIKAH 3:3

Ka mi kha an sa nan ei hna, an cuar nan hawh hna; An ruh nan den hna i um chung i chuan awk sa bangin nan can hna,” ka ti.

LAMKALTU 21:37

Ralhruang chungah khan Paul cu an hei luhpi dengmang tikah khin Paul nih ralkapbu haotu kha a chawnh i, “Bia tlawm tein kan chim kho hnga maw?” tiah a ti. “Grik holh na thiam tih?” tiah ralkapbu haotu nih cun a ti i,

LAMKALTU 22:24

Rom ralkapbu haotu nih cun a mi hna kha Paul cu ralhruang chungah kalpi u law zeicahdah Judah mi nih hi ti hin an auhnawh hnga ti hngalh khawhnak ding caah fungfek in va tu u, tiah nawl a pek hna.

LAMKALTU 23:16

Sihmanhsehlaw cu an khuakhanmi cu Paul far fapa nih a theih i cucaah ralhruang chungah khan a va lut i Paul kha a chimh.

LAMKALTU 23:27

Judah mi nih hi pa hi an tlaih i an thah dengmang. Amah cu Rom mi a si ti kha ka hngalh i cucaah ka ralkap hna he kan hung kal i kan hung khamh.

LAMKALTU 23:28

Sual an puhmi hi zeidah a si hnga ti hngalh ka duh caah khawngsil pawl sinah khan ka vun kalpi.

LAMKALTU 23:32

A thaizing ah ke ralkap pawl cu ralhruang ah khan an kir i rangcung ralkap pawl nih khan an lanhpi.

LAMKALTU 24:7

sihmanhsehlaw ralkapbu haotu Lisias kha a ra i hramhram in a kan chuh.

2 KORIN 11:26

Ka khualtlawnnak ah hin voi tampi tilian ṭihnung ka ton, mifir ṭihnung ka ton hna, ka phunhawi Judah mi hna sinin le Jentail mi hna sinin harnak ka hmuh, khuapi chungah khuapi chung ummi thil ṭihnung ka ton hna, ramlak ah ramlak i a ummi thil ṭihnung ka ton hna, rili cungah rili cung i a ummi thil ṭihnung ka ton hna i ka hawikom taktak a rak si lo, mi hlennak kha ka huah tawn.

JEIM 1:19

Ka dawtmi u le nau hna, mah hihi philh hlah u: ahohmanh bia theih duhnak leiah cun a khul a rangmi si u law biachimnak lei le thinhunnak lei ah cun a khul a nuarmi si u.

JEIM 3:14

Sihmanhsehlaw nan lung chungin mi nahchuahnak nan ngeih i mi cungah nan thin a hun peng i mah zawn lawng aa ruatmi nan si ahcun, mifim kan si tiin i porhlaw hlah u law, biatak dohnak ah lih kha chim lengmang hlah u.