LAMKALTU 22:3 - Lai (Hakha) Common Language Bible 2006

³ “Kei cu Judah mi, Silisia ram Tarsas khua i a chuakmi ka si, sihmanhsehlaw ka ca cawnnak cu hika Jerusalem khua ah hin Gamaliel kut tangah khan a si. Kan pupa hna Phungbia kha fel tein cawnpiak ka rak si i nihin i nanmah vialte tlukte hin Pathian leiah aa pumpemi ka rak si.

Laibaibal Thiang (BSI)

³ “Judah mi tak tak, Silisia ram Tarsus khua i a chuakmi ka si. Asinain hi khuapi ah hin Gamaliel kehram ah cawng in a `hangchomi ka si, kan pupa hna nawlbia felfai tein cawnpiak ka si. Nihin i nanmah bantukin Pathian caah â zuam taktakmi ka si.

LAMKALTU 22:3 ပူးပေါင်းရင်းမြစ်များ

2 SAMUEL 21:2

Cucaah siangpahrang nih Gibeon mi kha a auh hna. Gibeon mi cu Israel mi an si lo, Amor mi a tangmi kha an si; Israel mi nih kan in zuah ko hna lai tiin an sinah chiat an rak ser nain, Israel mi le Judah mi hna ca i a ṭan tuknak ah Saul nih khan thah awkah a rak kawl hna.

2 SIANGPAHRANG 4:38

Cun Elisha cu Gilgal ah, cuka ram i mangṭam a tlun lioah khan a ra. Cun profet fapa hna kha a hmai i an ṭhut lioah khan a sinum cu, “Um nganpi kha khing law profet fapa hna caah hin tihang chuang tuah,” tiah a ti.

LUKA 10:39

Nau pakhat a ngei i a min cu Mary a si. Mary cu Bawipa ke hram ah cun a ṭhu i a cawnpiaknak kha a ngai.

LUKA 2:46

A ni thumnak ni ah Biakinn chungah khan an va hmuh i cawnpiaktu Judah mi hna sinah khan a rak ṭhu i an bia kha a rak ngai i bia a rak hal len ve ko hna.

LUKA 8:35

Cu ti i thil a hung ummi zoh awkah mi cu an va kal. Jesuh sinah khan an va phan i khuachia nih an chuahtak cangmi pa kha a kehram ah puan i aih le lungfim tein a ṭhut kha an va hmuh i an dihlak in an thin a phang.

LAMKALTU 11:25

Cun Barnabas cu Tarsas khua ah khan a va kal i Saul kha a va kawl.

LAMKALTU 15:23

A tanglei ca hi an kut cun an kuat hna: “Kannih, lamkaltu hna le upa hna, nan unau hna nih, Antiok, Siria le Silisia i a ummi unau vialte, chuahkehnak lei in Jentail mi a simi nan kut kan in tlaih hna.

LAMKALTU 15:41

Siria le Silisia ram kha an ṭol hna i khrihfabu kha an thazang an fehter hna.

LAMKALTU 21:20

A chimmi cu an theih tikah Pathian kha an thangṭhat. Cun Paul cu an thawh i, “Unaupa, zeitindah thil umtuning a si cu na hngalh ko. Judah mi lakah hin thong tampi a zumtu an um cang i cu hna cu Phung a ṭanh ngaingaimi an si.

LAMKALTU 21:39

Paul nih cun, “Kei cu Judah mi, Silisia ram Tarsas khua i a chuakmi ka si; khuapi minthang fapa pei ka si ve tiah. Zaangfahnak tein mizapi sinah hin bia ka chimter ko,” tiah a leh.

LAMKALTU 23:34

Mangki bawi nih cun ca kha a rel i Paul cu khuazei peng mi dah na si, tiah a hal. Silisia peng mi a si kha a hngalh tikah,

LAMKALTU 23:6

Paul nih cuka bu chungmi cu a cheu Sadusi mi an si i a cheu Farasi mi an si kha a hmuh hna tikah khawngsil chungah cun a au i, “Ka u le ka nau hna, kei cu Farasi mi, Farasi mi hna fa ka si. Hika i biaceih i ka um hi a thimi kha nunnak ah an tho ṭhan lai ti ruahchannak ka ngeih ruangah a si,” tiah a ti.

LAMKALTU 26:5

Cun annih nih hin an chim duh ahcun an hngalh zungzalmi a si ko, a hramthawk tein kan biaknak chung i a fel bikmi Farasi mi phu i aa tel zungzalmi ka rak si.

LAMKALTU 26:9

“Nazareth khuami Jesuh min dohnak caah hin ka tuah khawh chungin ka tuah lai tiah keimah hrimhrim nih hin ka rak ruah i

LAMKALTU 5:34

Sihmanhsehlaw an lak i mi pakhat, Farasi a simi a min Gamaliel, Phungbia cawnpiaktu saya, mi vialte nih an hmaizahmi kha khawngsil pawl aa pummi hna lakah cun a hung dir i, lamkaltu hna kha chuahpi hna u, tiah a ti hna.

LAMKALTU 6:9

Sihmanhsehlaw mi cheukhat nih amah cu an al; cu hna cu Sal Luat hna pumhnak inn tiah timi i aa pum tawnmi kha an si i cu hna lakah cun Sairin le Alekzandria in a rami Judah mi kha an i tel. Cu hna le Silisia le Asia in a rami Judah mi hna nih khan Steven cu bia an hun al.

LAMKALTU 9:1

Cu lio hrawngah cun Bawipa zultu pawl kha Saul nih thah awkin a tlerh cuahmah lengmang ko hna. Tlangbawi Ngan sinah a hung kal i

LAMKALTU 9:11

Bawipa nih cun a thawh i, “I tim law Lam Ding timi ah khan va kal law Judas inn ah khan Tarsas khuami pakhat Saul an timi cu a um maw um lo tiah va hal hna. Amah cu thla a cam lio a si i

LAMKALTU 9:30

Hi kong kha zultu unau rual hna nih khan an theih tikah Saul kha Sisaria khua ah an kalpi i Tarsas khua ah khan an kalter.

ROM 11:1

A si kun ahcun, Pathian nih a mi cu a hlawt hna a si maw? Si hrimhrim hlah. Keimah zong hi Israel mi, Abraham tefa, Benjamin phun chungmi ka si.

2 KORIN 11:22

Annih cu Hebru mi an si maw? Ka si ve. Israel mi an si maw? Ka si ve. Abraham tefa an si maw? Ka si ve.

GALATI 1:14

Judah phung ka zulhnak ah khan ka ṭhirual Judah mi kha tampi ka lonh hna. Anmah nakin kan pupa phung kha fak piin ka ṭanh deuh.

GALATI 1:21

Cu hnuah cun Siria ram le Silisia ram ah khan ka kal.

DEUTERONOMI 33:3

A si, a mi kha a dawt hna; Amah sinah thiantermi vialte cu a kut chungah an um; Cucaah na keneh kha an zulh, Nangmah sinin lam hmuhsaknak kha an hmuh,