LAMKALTU 22:16 - Lai (Hakha) Common Language Bible 2006

¹⁶ Cucaah zeicahdah sau deuh ngan a herh? Tho law tipilnak ing ko, amah min na auhnak thawngin na sualnak vialte kha i thianh ko,’ tiah a ka ti.

Laibaibal Thiang (BSI)

¹⁶ Zeiruangahdah na hngah ko rih? Tho law, Amah min chimpah in Baptisma ing law, na sualnâk thenh tuah,’ a ka ti.

LAMKALTU 22:16 ပူးပေါင်းရင်းမြစ်များ

SALM 119:60

Rau loin, khulrang in na nawlbia kha ka zulh hna.

SALM 51:2

Ka ṭhat lonak cu ka ṭawlpiak hna law ka sualnak cu ka thianhpiak ko hna.

JEREMIAH 8:14

Zeicahdah nan ṭhut sawhsawh ko? Hmunkhatte ah nan dihlak in tho tuah u, Kulhnak hau a ngei mi kan khua hna ah khan va kal u si law Khika ah khan va thi dih hna u sih; Zeicahtiah Bawipa cungah kan sual caah, Bawipa kan Pathian nih hrawh awkah a kan ruah cang i Sivai paihmi ti kha din awkah a kan pek cang.

JOHAN 13:8

Peter nih cun, “Ka ke cu na ka ṭawl bal hnga lo,” tiah a ti. Jesuh nih cun, “Na ke kan ṭawl lo ahcun, a ka zultu na si ti hnga lo pei,” tiah a leh.

LAMKALTU 2:21

Cu tikah Bawipa min a aumi paoh cu khamhnak an hmu lai,’ a ti.

LAMKALTU 2:38

Peter nih annih cu a thawh hna i, “Nan dihlak in, pakhat hmanh bau loin, nan sualnak khan i mer tuah u, nan sualnak kha, ngaihthiam nan si nakhnga nan sualnak khan i mer u law Jesuh Khrih min in tipilnak ing tuah u; cun Pathian laksawng Thiang Thlarau kha nan hmuh lai.

LAMKALTU 7:59

Lung in an cheh chih lengmang lioah cun Steven nih, “Bawipa Jesuh, ka thlarau cu nangmah nih cohlang ko,” tiin a au.

LAMKALTU 9:14

Cun Damaskas khua i a rat zongah hin na min an komi hna paoh kha tlaih awkah tlangbawi upa hna sin in nawlngeihnak ca a run i phorh fawn,” tiah a ti.

LAMKALTU 9:18

Chikkhatte ah khin Saul mit cun nga phokphawher bantuk khi a tla i khua a hmu kho ṭhan. A dir i tipilnak kha a in;

1 KORIN 1:2

Nannih cu Pathian mithiang si awkah kawh nan si i Khrih Jesuh he nan i pehtlaihnak thawngin Pathian ta nan si. Cun Jesuh Khrih cu kan Bawi zong a si i an Bawi zong a si ve bantukin kan Bawipa Jesuh Khrih min in thla a cammi paoh cu khuazeika i a ummi an si hmanh ah Pathian ta cu an si ve.

1 KORIN 12:13

Cu bantukin kannih vialte zong hi, Judah mi kan si ah, Jentail mi kan si ah, sal kan si ah, miluat kan si ah, kan dihlak in pum pakhat chungah khan Thlarau pakhat nih tipil a kan pek i kan dihlak in Thlarau pakhat kha din awkah pek kan si.

1 KORIN 6:11

A cheu cu cu bantuk cu nan rak si. Asinain sualnak in thianh nan si cang; Pathian sinah pekchanh nan si cang; Bawipa Jesuh Khrih min le kan Pathian Thlarau thawngin Pathian he remter nan si cang.

GALATI 3:27

Khrih chungah tipil nan ing i Khrih nunnak in nan i thuam.

EFESA 5:26

Khrihfabu cu ti in thiang tein a ṭawl hnuah Pathian sinah a bia in a pek.

TITAS 3:5

cu a kan khamhnak cu hrinṭhannak ti thawng le Thiang Thlarau nih mi tharter khawhnak a ngeihmi ṭhawnnak thawngin a si.

HEBRU 10:22

Cucaah cun lungthin tak le zumhnak fek he Pathian cu naih u sih. Sual aa phuhrungmi kan lungthin le kan pum kha ti thiang in i thianh u sih law amah cu naih u sih.

1 PETER 3:21

cucu atu i nanmah an khamhtu hna tipil innak a rak sawhtu hi a si. Tipil innak cu pum hnawm kholh hi a si lo, chiaṭha thleidannak thiang nih Pathian sin i biakamnak a tuahmi tu hi a si. Tipil innak nih cun Jesuh Khrih thihnak in a thawh ṭhannak thawngin an khamh hna i