LAMKALTU 21:5 - Lai (Hakha) Common Language Bible 2006

⁵ Sihmanhsehlaw anmah sin kan camnak caan cu a dongh tikah kan i thawh i kan kal ṭhan. An dihlak in, an nupile le an fale hna he khua leng tiang an kan thlah. Rilikam ah cun kan dihlak in kan khuk kan i bil i thla kan cam.

Laibaibal Thiang (BSI)

⁵ Cu ni hna cu a liam hnuah kan kalnâk ding lam ah kan chuak ṭhân. Unau hna nih an nupi le a fale hna he khualipi hauleng tiangin an kan thlah. Rili kamah kan khuk bil in thla kan cam.

LAMKALTU 21:5 ပူးပေါင်းရင်းမြစ်များ

1 SIANGPAHRANG 8:54

Solomon nih Bawipa sinah hi thlacamnak le nawlnak vialte a cam dih tikah, van leiah zaa chan in a khuk aa bilnak Bawipa biakṭheng hmai khan a tho i,

2 CHANRELNAK 20:13

Cu lioah cun Judah mi vialte hna cu an ngakchia hna le an nupi le an fale hna he, Bawipa hmaiah khan an dir.

NEHEMIAH 12:43

Cun cu ni ah cun raithawinak ngan pipi an pekchanh hna i Pathian nih lunglawmhnak nganpi in an lung a lawmhter hna caah an i lawm; nu le ngakchia zong kha an i lawm ve. Cun Jerusalem khua chung i lunglawmhnak cu lamhlapi tiang a thang.

SALM 95:6

Ra tuah u, kun u sih law bia u sih; a kan Sertu Bawipa hmaiah cun kan khuk i bil u sih!

MATTHAI 14:21

A eitu cu, nu le ngakchia rel loin, pa lawngte thong nga hrawng an si.

MARKA 1:40

Jesuh sinah cun thinghmuimi pakhat kha a ra i a khuk aa bil i, “Na duh ahcun na ka thianter khawh,” tiah bawmhnak kha a hal.

LUKA 22:41

Cun an sin khan lungchep tluk a va kal i a khuk aa bil i thla a cam.

LAMKALTU 15:3

Khrihfabu nih khan an hei thlah hna i Foinisia le Samaria an hei tanpah ah khan zeitluk in dah Jentail mi hna nih Pathian leiah an i mer tinak kong kha an chimh hna; cu thawng nih cun unau vialte kha a lawmhter ngaingai hna.

LAMKALTU 17:10

Zan a si cangka tein unau pawl nih khan Paul le Silas cu Berea khua ah an kalter hna. Khika an va phak tikah Judah mi pumhnak inn ah khan an kal.

LAMKALTU 20:36

Paul nih bia a chim dih in an dihlak in an khuk an i bil i thla a cam.

LAMKALTU 20:38

Nan ka hmu ṭhan ti lai lo, tiah a ti hna caah khan an ngaih a chiat khunnak cu a si. Cun lawng tiang khan an hei thlah.

LAMKALTU 9:40

Peter nih an dihlak in a chuahter hna i a khuk aa bil i thla a cam; cun miruak leiah khan a hei i mer i, “Tabitha, tho tuah,” tiah a ti. A mit kha a hun au i Peter kha a hmuh tikah a hung ṭhu.

JOSHUA 24:15

Cun Bawipa biak kha nan duh lo a si ahcun nihin ni ah hin nan biak ding cu i thim u; Tiva khattelei ral ram ah nan pupa hna nih an biakmi pathian hna maw, asiloah, an ram nan umnak a simi Amor mi pathian hna dah nan i thim lai; kei le kan innchungkhar tu nih cun Bawipa kha kan biak ko lai,” tiah a ti

JOSHUA 8:35

Moses nawl pekmi chungin, Israel mi aa pummi vialte le nu le ngakchia le an sin i a ummi mipem hna hmaiah, Joshua nih a rel lomi bia pakhat hmanh a um lo.