LAMKALTU 21:34 - Lai (Hakha) Common Language Bible 2006

³⁴ Zapi lak cun a cheu nih thil pakhat in an rak au, a cheu nih a dang in an rak au. An i tuai tuk caah cun ralkap haotu nih cun thil a rak ummi kha zei set dah a si ti kha a hngal kho lo i cucaah a mi hna kha Paul cu ralhruang chungah hun luhpi u tiah a fial hna.

Laibaibal Thiang (BSI)

³⁴ Mibu a cheu kha bia pakhat in an au, a dang nih phundang in an au. Cubantuk hnacheh lurit lakah biadik zong an hngal kho ti lo, ralhruang chung i luhpi dingin nawl a hun pêk.

LAMKALTU 21:34 ပူးပေါင်းရင်းမြစ်များ

LAMKALTU 19:32

Cun an i pumhnak cu a ningpi in hnahnawk luri ngaiin a um: mi a cheu an aumi cu thil pakhat a si i a dang an rak aumi cu thil dang a si ve; a tam deuh nih cun zeicahdah kan i pumh ti hmanh kha an hngal lo.

LAMKALTU 21:37

Ralhruang chungah khan Paul cu an hei luhpi dengmang tikah khin Paul nih ralkapbu haotu kha a chawnh i, “Bia tlawm tein kan chim kho hnga maw?” tiah a ti. “Grik holh na thiam tih?” tiah ralkapbu haotu nih cun a ti i,

LAMKALTU 22:24

Rom ralkapbu haotu nih cun a mi hna kha Paul cu ralhruang chungah kalpi u law zeicahdah Judah mi nih hi ti hin an auhnawh hnga ti hngalh khawhnak ding caah fungfek in va tu u, tiah nawl a pek hna.

LAMKALTU 22:30

Ralkapbu haotu nih cun Judah mi nih Paul hi zei sette dah an puh ti kha hngalh a duh caah a thaizing ah cun Paul cu a thir cikcin kha a phoih i tlangbawi upa hna le khawngsil pawl kha i pum u tiah nawl a pek hna. Cun Paul cu a kalpi i an hmaiah khan a dirter.

LAMKALTU 23:10

An i alnak cu a fak tuk hringhran i ralkapbu haotu nih khan Paul cu an thleh an baoh dih sual lai ti kha a phan caah a ralkap hna kha, mibu chungah cun vung kal u law Paul kha vung la u law ralhruang chungah khan hun luhpi u, tiah a fial hna.

LAMKALTU 23:16

Sihmanhsehlaw cu an khuakhanmi cu Paul far fapa nih a theih i cucaah ralhruang chungah khan a va lut i Paul kha a chimh.

LAMKALTU 23:32

A thaizing ah ke ralkap pawl cu ralhruang ah khan an kir i rangcung ralkap pawl nih khan an lanhpi.

LAMKALTU 25:26

Sihmanhsehlaw a kong ah hin Siangpahrang sin i ṭial awk set ka ngei lo. Cucaah anih cu nan hmaiah kan hun chuahpi — Agrippa Siangpahrang, nangmah hmai thengtheng ah ka hun chuahpi — zeicahtiah a bia cu kan dothlat hnuah ṭial awk ka ngei deuh lai tiah ka ruah.