LAMKALTU 21:3 - Lai (Hakha) Common Language Bible 2006

³ Saipras tikulh a langhnak tiang kan va phan i cuka cun thlanglei ah kan vung kal i Siria ah kan lan. Tair khua ah tikam ah kan ṭum i cuka ah cun lawng nih a thil phorhmi kha a ṭhumh.

Laibaibal Thiang (BSI)

³ Saipras tikulh kan hmuh i kehlei kam in kan hrial, Siria ram lei ah kan kal i Tair khua ah kan ṭum, zeicatiah tilawng nih a phurhmi thilri kha ṭhumh ding a si.

LAMKALTU 21:3 ပူးပေါင်းရင်းမြစ်များ

2 SAMUEL 8:6

Cun David nih Damaskas khua chung i Aram ah khan ralvengtu ralkapbu a chiah hna i Siria mi cu David sal ah an cang i ngunkhuai kha an pek. Cun Bawipa nih David cu a kalnak kip ah khan teinak a pek lengmang.

SALM 45:12

Tair mi nih laksawng an in put lai, mirum nih na lung tluanter an i zuam lai.

SALM 87:4

“Ka nawl a ngaimi miphun hna cazin kha ka ṭial tikah, Izipt le Babilon kha ka telh chih hna lai; cun Filistia le Tair le Ethiopia zong kha, Jerusalem ta nan si tiah ka ti hna lai,” a ti.

ISAIAH 7:2

Judah siangpahrang nih Siria ralkap hna cu Israel ram chung kha an phan cang, ti kha a theih tikah, amah le a mi hna cu an thin a phang tuk hringhran i thlitu nih thingkung a hninh bantuk khin an i hnin.

MATTHAI 11:21

“Khorazin khua, na caah ngaihchia a va si dah. Bethsaida khua zong na caah ngaihchia a va si dah. Nan chung i khuaruahharnak ka tuahmi vialte hi Tair le Sidon khua ah rak tuah hna ning law, cu khua mi hna cu puanchia i aih le vutcam i phulh in an i ngaihchih diam cang hnga!

MATTHAI 4:24

Amah thawng cu Siria ram zongah khan a thang dih i zawtnak a phunphun in a zawmi vialte hna le harnak a phunphun a ingmi hna kha amah sinah cun an ratpi hna: khuavang nih a tuahmi hna le mitlu a simi hna le a zengmi hna kha a damter dih hna.

LUKA 10:13

“Maw Khorazin khua, na caah zeitluk ṭihnung dah a si? Bethsaida zong, na caah zeitluk ṭihnung dah a si ve? Na chung i ka tuahmi khuaruahharnak hna hi Tair le Sidon khua ah khan rak tuah hna ning law khika i a ummi minung hna cu, an nunning an i thlen langhternak caah puanchia aih in le vutcam i phulh in an ṭhu diam cang hnga!

LUKA 2:2

Hi milu relnak hmasa bik a hung um ah hin Kuirinias cu Siria ram uktu a rak si.

LAMKALTU 11:19

Steven an thah hnu i hremnak a hung chuakmi nih khan zumtu hna cu a kenkiplo ah a ṭhek dih hna. A cheu cu Foinisia le Saipras le Antiok tiang khan an kal i bia cu Judah mi lawng kha an chimh hna.

LAMKALTU 12:20

Herod cu Tair le Sidon mi hna cungah khan a thin a hun ngaingai caah, cu hna nih cun a bu in amah cu ton awkah a sinah khan an va kal. A hmasa bik ah siangpahrang inn uktu Blastas kha anmah lei ṭang dingin an i sawm. Cun Herod sinah cun an va kal i i rem ko u sih, tiah an va nawl. Zeicahdah tiah an rawl laknak cu Herod siangpahrang ram hin a si.

LAMKALTU 13:4

Barnabas le Saul cu Thiang Thlarau nih a fial hna bang khan Seleusia khua ah khan an vung kal i cuka cun Saipras tikulh ah tilawng in an kal.

LAMKALTU 15:23

A tanglei ca hi an kut cun an kuat hna: “Kannih, lamkaltu hna le upa hna, nan unau hna nih, Antiok, Siria le Silisia i a ummi unau vialte, chuahkehnak lei in Jentail mi a simi nan kut kan in tlaih hna.

LAMKALTU 15:39

Fak piin an i al i pakhat le pakhat an i ṭhen. Barnabas nih Marka kha aa lak i Saipras tikulh leiah lawng in an kal;

LAMKALTU 15:41

Siria le Silisia ram kha an ṭol hna i khrihfabu kha an thazang an fehter hna.

LAMKALTU 18:18

Paul cu Korinth khua ah khan ni tam nawn a um hnuah a kaltak hna i Prisilla le Akuila he khan Siria leiah lawng in an kal. Lawng i an kal hlanah cun Kenkhria khua ah biakamnak a tuah i a lu kha aa met.

LAMKALTU 21:16

Sisaria khua i a ummi zultu cheukhat zong kan sinah an kal ve i kan tlunnak dingmi pa inn ah khan an kan hruai — cu pa cu Saipras mi Mnason a si i amah cu hlan lio tein a zummi a rak si.

LAMKALTU 21:2

Khika ah khan Foinisia i a kal dingmi lawng kha kan hmuh i kan i cit i cu lawng cun kan kal.

LAMKALTU 21:7

Tair cun kan kal lengmang i Ptolemai kan phan, khika ah unau pawl kha kan hun biakchawnh pah hna i an sinah ni khat kan cam.

LAMKALTU 27:4

Cuka cun kan chuak i thli kha kanmah lei hoih in a hran caah Saipras tikulh thlidaihnak lei phen khan kan kal.

LAMKALTU 4:36

Cu bantuk cun Saipras tikulh i a chuakmi Levi mi Josef nih

BIACEIHTU 10:6

Cun Israel mi nih Bawipa mithmuh ah ṭhat lonak an tuah ṭhan hoi i Baal le Ashtaroth le Siria pathian hna le Sidon pathian hna le Moab pathian hna le Ammon mi pathian hna le Filistin mi pathian hna kha an rian an ṭuan hna; Bawipa kha an hlawt i amah kha a rian an ṭuan lo.