LAMKALTU 20:34 - Lai (Hakha) Common Language Bible 2006

³⁴ Hi ka kutte hin rian ka ṭuan i keimah le ka hawile nih kan herhmi vialte kha keimahte nih ka chuahpi ti cu nanmah hrimhrim nih nan hngalh ko.

Laibaibal Thiang (BSI)

³⁴ Asi, hi ka kut te nih hin keimah le ka hawi le herhmi cu a chuahpi tawn tiah nan hngalh dih.

LAMKALTU 20:34 ပူးပေါင်းရင်းမြစ်များ

2 SIANGPAHRANG 6:2

Jordan tiva ah khin vung kal u sih law khika ah khin thing thluan khat cio vung la u sih law khika ah khin umnak hmun vung ser u sih,” tiah an ti. Cun anih nih, “Va kal u,” tiah a leh hna.

LAMKALTU 18:3

an sinah cun a um i an sinah cun rian a ṭuan; amah zong cu anmah bantuk khan saphaw thlam ser in a paw aa cawmmi a si ve.

LAMKALTU 19:22

Cucaah amah a bawmtu pahnih Timote le Erastas kha Masidonia leiah a thlah hna i amah tu cu Asia ram chungah khan caan tam deuh a run hmang.

LAMKALTU 19:29

Cuti i an i tuainak cu khuachung kha a khat dih. Mibu nih cun Paul sin i khual a tlawng vemi Masidonia mi pahnih, Gaius le Aristarkas kha an tlaih hna i bual ah khan an tlikpi hna.

LAMKALTU 20:35

Zeizong vialte ah hi bantukin fak piin rianṭuannak thawngin a dermi kha kan bawmh hna awk a si ti cu kan hmuhsak cang hna i Bawipa Jesuh zong nih khan zeitindah a rak ti ti ahcun, ‘Pek leiah hin hmuh lei nakin lunglawmhnak a um deuh,’ a rak ti; cucu kan philh lo awk a si,” tiah a ti.

1 KORIN 4:12

kan paw i cawmnak dingah kan kut in fak piin rian kan ṭuan.

1THESALON 2:9

U le nau hna, har lengmang in rian kan ṭuan kha nan hngalh ko. Pathian sinin a rami Thawngṭha kan in chimh hna tikah khan, kannih cu nan caah thilrit kan sinak hnga lo, chun he zan he rian kan ṭuan.

TITAS 3:15

Ka sin i a ummi vialte nih na kut an in tlaih. Zumhnak i kan hawi hna kha, kan biakchawnhnak kut kan tlaihpiak hna. Nannih dihlak sinah Pathian vel cu um ko seh.