LAMKALTU 20:32 - Lai (Hakha) Common Language Bible 2006

³² “Atu cu Pathian velngeihnak chung le zohkhenhnak chungah nannih kha kan sanh hna. Amah nih cun an ṭhanter khawh hna i a mi vialte caah a chiahmi thluachuahnak kha an pek khawh hna.

Laibaibal Thiang (BSI)

³² Atu ah hin ule nau hna, Pathian le a zângfahnâk bia ah kan chanh hna, cu nih cun an dirter khawh hna i mithiangmi hna sinah comi ro an ngeihter hna lai.

LAMKALTU 20:32 ပူးပေါင်းရင်းမြစ်များ

GENESIS 50:24

A unau pawl kha a thawh hna i, “Atu cu ka thihnak a nai cang, sihmanhsehlaw Pathian nih an zohkhenh hrimhrim hna lai i hi ram hin an chuahpi hna lai i Abraham le Isak le Jakob a kamhmi hna ram ah khan an kalpi hna lai,” a ti.

JEREMIAH 3:19

Zeitluk in dah nannih cu lawmhnak he fa bantukin ka hei in tuah hna hnga i A nuammi ram, miphun vialte hna ram lak i aa dawh bik ro cu ka hei in pek ko hna hnga, ka ti. Cun nannih nih keimah cu, ka Pa, tiah nan ka ti lai i Keimah zulhnak lam khan nan pial ti lai lo, tiah ka ruah.

JEREMIAH 49:11

Ngakṭah na fale cu ka sinah kaltak hna law keimah nih nungdam tein ka zohkhenh hna lai; Na nuhmei hna nih keimah cu ka hngal ṭhan hna seh, a ti.

MARKA 10:17

Jesuh cu khual tlawn ah aa thawh ṭhan i cu lioah cun mipa pakhat a hung tli i a hmaiah a khuk aa bil i, “Saya, nangmah cu mi ṭha na si. Zungzal nunnak hmuh awkah zeidah ka tuah lai?” tiah a hal.

JOHAN 15:3

Nannih cu kan chimhmi hna bia thawngin nan thiang cang.

JOHAN 17:17

Annih cu biatak khan thianter hna: biatak cu nangmah bia kha a si.

LAMKALTU 11:23

A va phak i zeitluk in dah Pathian nih annih kha thluachuahnak a pek hna ti kha a hmuh tikah a lung aa lawm i annih cu an dihlak tein Bawipa cu an lungthin a dihumnak in i tlaih awk le a sinah zumhawktlak tein um awk kha a forh hna.

LAMKALTU 14:23

Khrihfabu kip ah khan khrihfa upa an chiah hna i thlacamnak le rawl ulhnak he, an i bochanmi Bawipa kut chungah khan, an chiah hna.

LAMKALTU 14:26

cuka cun Antiok khua ah khan lawng in an kir ṭhan; Antiok khua cu, atu ah an limmi an rianṭuan awk caah Pathian velngeihnak chung i an rak sanh hnanak hmun kha a si.

LAMKALTU 14:3

Khika ah lamkaltu hna kha saupi an cam. Bawipa kong kha ralṭha ngaingai in an chim i a velngeihnak kong an chimmi kha ahmaan ti hmuhsaknak caah khuaruahharnak tuah khawhnak kha a pek hna.

LAMKALTU 15:40

cun Paul nih Silas kha aa thim i unau pawl nih khan Bawipa velngeihnak chungah an sanh hna hnuah an kal.

LAMKALTU 20:24

Sihmanhsehlaw Bawi Jesuh nih a ka fialmi rian, Pathian velngeihnak Thawngṭha chim hi ka lim khawh paoh ahcun ka nunnak hi cu zeihmanh ah ka rel lo.

LAMKALTU 26:18

Nangmah nih an mit kha na deiter hna lai i muihnak in ceunak ah, Satan pennak in Pathian pennak chungah na nunter hna lai; cun keimah an ka zumhnak thawngin an sual ngaihthiamnak kha an hmuh lai i Pathian thimmi hna lakah an i tel ve lai, tiah Bawipa nih cun a ti,” tiah a ti.

LAMKALTU 9:31

Cuticun Judea ram le Galilee ram le Samaria ram i a ummi khrihfabu vialte nih khan daihnak caan an hmu. Bawipa kha ṭihzah ngaiin an um i Thiang Thlarau bawmhnak thawngin an ṭhang i an karh.

ROM 8:17

Kannih cu Pathian rocotu kan si, Khrih roco-hawi kan si; zeicahtiah Khrih temhinnak kha kan i hrawm ahcun a sunparnak zong kan i hrawm ve lai.

1 KORIN 1:2

Nannih cu Pathian mithiang si awkah kawh nan si i Khrih Jesuh he nan i pehtlaihnak thawngin Pathian ta nan si. Cun Jesuh Khrih cu kan Bawi zong a si i an Bawi zong a si ve bantukin kan Bawipa Jesuh Khrih min in thla a cammi paoh cu khuazeika i a ummi an si hmanh ah Pathian ta cu an si ve.

1 KORIN 6:10

mi thil a chutmi le hak a kaumi le zu a rimi le mi congoih a hmangmi le mifir a simi hna nih cun Pathian Pennak cu an co lai lo.

1 KORIN 6:11

A cheu cu cu bantuk cu nan rak si. Asinain sualnak in thianh nan si cang; Pathian sinah pekchanh nan si cang; Bawipa Jesuh Khrih min le kan Pathian Thlarau thawngin Pathian he remter nan si cang.

1 KORIN 6:9

Miṭha lomi nih cun Pathian Pennak cu an co lai lo ti kha fiang tein nan hngalh ko. Nanmah le nanmah kha i hleng len hlah u; misual mi le siasal a biami le vacung pa duhmi le nu nih nu he sualnak, pa nih pa he sualnak a tuahmi le,

EFESA 1:14

Pathian nih a mi hna bia a kan kamhmi kha kan hmuh hrimhrim lai tinak aamahkhan cu Thlarau hi a si i Pathian nih a ta a simi hna cu luatnak tling a pek hna lai ti a kan hngalhtertu zong a si. A sunparnak cu thangṭhat ko u sih!

EFESA 1:18

Zei ruahchannak hmuh awkah dah an kawh hna ti le, a mi a kamhmi hna a thluachuahnak khuaruahhar cu zeitluk in dah a tam i

EFESA 4:12

Khrih pum kha ṭhanter awkah Pathian mi vialte cu hi bantukin Khrihfa rianṭuan awkah a timh hna.

EFESA 4:16

Khrih cu lu a si i amah cungah cun pum cu a ningpi in aa khing. Pum chung i a ummi hliah le cang vialte nih pum cu kekkuai loin an ṭem an ṭawn i pum chung i a ummi nge hna nih anmah le an tuah awk cio an rak tuahnak thawng khan, pum cu a ningpi in dawtnak in a ṭhang.

EFESA 5:5

Hihi fiang tein i theih u: nu le pa sualnak a tuahmi le dawhcah loin khua a sami le a hak a kaumi cu Khrih Pennak chung le Pathian Pennak chungah covo zeihmanh an ngei lai lo (hakkauh hi siasal biak phun khat a si).

KOLOSE 1:12

Cun ceunak ram chungah Pathian nih a mi hna ca i a chiahmi thil i hrawm ve awkah aa tlak dingin an sertu hna kan Pa cu, lawmhnak he thangṭhat ko u.

KOLOSE 2:7

Amah chungah hram thukpi in thla u law amah cungah nan nuncan cu inn bantukin sa u law an rak in cawnpiak hna bang khan nan zumhnak ah ṭhawng chin lengmang ko u. Cun lunglawmhnak in khat u.

KOLOSE 3:24

Bawipa nih nan ṭuan man an pek hna lai kha philh hlah u; a mi ca i a chiahmi laksawng kha an pek hna lai. A rian nan ṭuanmi Bawi taktak cu Khrih kha a si.

HEBRU 10:14

Voi khat raithawinak in an sualnak thianhpiak a simi hna cu zungzal ca in a tlingmi ah a ser hna.

HEBRU 13:9

Cawnpiaknak hmaan lo a phunphun kha a pingah i hruaiter hna hlah u. Pathian vel nih nan lung kha a ṭhawnter ahcun a ṭha, rawl kong phunglam zulh nih cun zeihmanh ṭhathnemnak a chuahpi lo; hi bantuk phunglam a zulmi hna cu an zulhmi phunglam nih khan zeihmanh a bawm hna lo.

HEBRU 2:11

Minung cu an sualnak kha a thianhpiak hna; minung sualnak a thianhtu le an sualnak a thianhpiakmi hna minung cu, an bu hnih in, an Pa cu aa khat ko. Cu ruangah cun Jesuh nih ka unau hna ti i kawh kha a ning a zak lo.

HEBRU 9:15

Pathian kawhmi hna nih Pathian kamhmi zungzal thluachuahnak kha an hmuh khawh nakhnga, biakamnak thar cu Khrih nih khan a ser. Sihmanhsehlaw cu biakamnak cu thihnak a um hnu lawngah a si kho i cu thihnak nih aa tinhmi cu biakamnak hmasa tang i a rak ummi hna nih cu biakamnak tang i an um lio i an rak tuahmi palhnak chung khan luatter kha a si.

JUDAS 1:1

Jesuh Khrih sal le Jeim nau a simi Judas nih, Pathian kawhmi, Pathian kan Pa dawtnak chung le Jesuh Khrih huhphenhnak chungah a ummi kha, ca kan kuat hna.

JUDAS 1:20

Sihmanhsehlaw ka hawile hna, nannih cu a thiang bikmi nan zumhnak cungah khan fek chin lengmang in i sa chin lengmang ko u. Thiang Thlarau ṭhawnnak thawng khan thlacam u law