LAMKALTU 20:31 - Lai (Hakha) Common Language Bible 2006

³¹ Cucaah ralring tein um ko u, mitthli he chun zan in kum thum chung nan dihlak in kan cawnpiak hna kha philh hlah u.

Laibaibal Thiang (BSI)

³¹ Cucaah i ralring u, kumthum chung, mitthli he chun le zan mikip ralrin pêk ka ngol lo.

LAMKALTU 20:31 ပူးပေါင်းရင်းမြစ်များ

EZEKIEL 3:21

Sihmanhsehlaw miding mi kha sual lo awkah ralrinnak na pek hna i sual lo in an um ahcun annih nih ralrinnak kha an hmuh caah an nunnak kha an i khamh lai i nangmah zong nih na nunnak kha naa khamh ve lai,” tiah a ti.

MATTHAI 13:25

Zan khat cu ral pakhat kha a ra i mi an i hngilh karah rawl ci lakah cun belh ci a vorh i lo diam in a kal.

MATTHAI 3:7

Johan nih, Farasi mi hna le Sadusi mi hna kha, tipil in awkah a sin i an rat kha a hmuh tikah a thawh hna i, “Rul hna, Pathian thinhunnak a ra liomi chung cun nan luat kho lai, tiah aho nih dah aan chimh hna?

LUKA 21:36

Hi a tlung hnga dingmi thil vialte hi him tein chuak lakin nan tan khawh nakhnga, thazang nan ngeih nakhnga le Mi Fapa hmaiah nan dir khawh nakhnga, ralring tein um u law thla va cam zungzal ko u,” tiah a ti.

LAMKALTU 19:10

Cuticun kum hnih chung a tuah i Asia ram chung i a ummi vialte nih, Judah mi si hna seh, Grik mi si hna seh, Bawipa bia kha an theih.

LAMKALTU 19:8

Paul cu pumhnak inn chungah khan a lut i thla thum chung mizapi kha ralṭha ngaiin a chimh hna, annih kha heh tiah a al hna i Pathian Pennak kong i an lung a pem nakhnga aa zuam.

LAMKALTU 20:11

Cun inncung ah khan a hung kai ṭhan i changreu kha a cheu i an ei. Annih cu saupi, khuadei tiang, a chimh hna hnuah aa thawh.

LAMKALTU 20:19

Toidorte le mitthli he Bawipa sal ka si bangin, Judah mi nih an ka rawiphiar ruangah harnak ing lengmang in ka rian kha ka ṭuan.

LAMKALTU 20:7

Zarh chung hmasa bik ni ah hawikomhnak rawl dum ṭi awkah kan i pum. Paul cu a thaizing a kal ding a si cang caah, mi kha bia a chimh lengmang hna i zanṭim tiang a chimh hna.

LAMKALTU 24:17

“Jerusalem khua in kum tam nawn ka chuah hnuah, ka mi hna cu tangka tlawmpal va pek awk le raithawinak va tuah awkah cuka ah cun ka hung kal.

1 KORIN 4:14

Hi tiin ca kan kuat hna hi nan ningzak seh ti ka duh caah a si lo, ka dawtmi ka fale taktak bantukin cawnpiak kan duh hna caah a si.

FILIPI 3:18

Hihi hlanah voi tampi kan chimh cang hna i atu ah mitthli he ka nolh rih, mi tampi cu an nuncan nih Khrih vailamtahnak ral ah a canter hna.

KOLOSE 1:28

Cucaah Khrih kong cu mi vialte kha ka chimh hna. Cucaah a mi kip kha kan fimnak nih a phanh khawh chungin ralrinnak kha kan pek hna i kan cawnpiak hna, cucu zeicahdah kan tuah ti ahcun Khrih he i pehtlai in ahopaoh kha nutling patling in Pathian hmaika ah chuahpi hna u sih ti kan duh caah a si.

1THESALON 5:14

U le nau hna, a tha a thumi kha chimhring hna u, a ral a chiami kha ralṭhatnak pe hna u, thazang a dermi kha bawm hna u, pakhat le pakhat lungsau thinfual in um u.

2 THESALON 2:5

Hi vialte hi nan hngal ti lo maw? Nan sin ka um lioah kan chimh dih cang ko ṭung hna.

2 THESALON 3:8

Ahohmanh nih alak in nan kan cawm lo. Kanmah te nih rian kan ṭuan, aho nan ca hmanh ah thilrit kan si nakhnga lo chunzan in kan ṭuan.

2TIMOTE 4:5

Sihmanhsehlaw nang cu zeitik caan paoh ah daite le khualu khuataw khak tein um ko; harnak kha in i zuam, Thawngṭha karhter kha fak piin i zuam, Pathian nih an kawh chan rian vialte kha ṭuan.

HEBRU 13:17

Nan hruaitu pawl kha an bia ngai hna u law an nawl zul hna u. An rianṭuan ningcang kha Pathian hmaiah chim an duh te lai caah, i din loin nannih kha an in zohkhenh hna. An nawl nan ngaih hna ahcun an rian kha lunglawm tein an ṭuan lai, nan ngaih hna lo ahcun ngaihchia in an um lai i cucu nan caah a ṭhahnem lai lo.

BIAPHUAN 16:15

“Ngai hmanh, mifir bantukin ka ra lai. Zapi lakah taklawng in an vah nakhnga lo le ningzak in an um nakhnga lo, hngilh lo tein a rak um i a hnipuan ṭha tein a rak i fimhlawmmi cu, lunglawmmi an si,” a ti.