LAMKALTU 20:28 - Lai (Hakha) Common Language Bible 2006

²⁸ Nanmah lila kha i veng u law nan zohkhenh awkah Thiang Thlarau nih an pekmi hna tuurun kha ṭha tein va zohkhenh hna u. Pathian nih amah Fapa thihnak thawngin amah ta ah aa sermi khrihfabu tuukhal kha si ko u.

Laibaibal Thiang (BSI)

²⁸ Cucaah Pathian kawhhran, a thisen i a cawkmi hna tuukhal si nanmah chungin Thiang Thlarau nih hotu an sitermi ah hin nanmah le nan tuurun vialte hna kongah i ralring u.

LAMKALTU 20:28 ပူးပေါင်းရင်းမြစ်များ

SALM 74:2

Hlanlio piin na mi si awkah na kan thimmi hi kan philh hlah. Na rak umnak Zion Tlang zong kha philh hlah.

PHUNGTHLÛKBIA 10:21

Miṭha bia nih cun mi tampi a cawm hna, sihmanhsehlaw mihrut cu a hruh ruangah a thi tawn.

ISAIAH 40:11

A tuurun kha tuukhal nih an tuu an zohkhenh hna bangin a zohkhenh hna lai; tuufa tete kha a pumh hna lai i a kut in a cawi hna lai; an nule kha nem tein a hruai hna lai.

ISAIAH 63:11

Sihmanhsehlaw hlanlio chan, Bawipa sal Moses chan kha an vun thei ṭhan i, “Rili chungin a mi hna cu an hruaitu hna he a rak khamhtu hna Bawipa kha atu hi khuazei ah dah a si hnga? Moses thlarau a rak petu Bawipa kha khuazei ah a si hnga?

JEREMIAH 13:17

Cu bantukin a thukmi muihnak chung i nan um hmanh i nan ngaih duh lo ahcun, Lungthin fah tuk ah a ṭah lawng ka ṭap lai i ka mitthli lawng a tla ko lai; Zeicahtiah Bawipa tuurun cu sal ah kalpi an si cang.

JEREMIAH 13:20

Jerusalem khuami hna, hei cuan u law chaklei in a rami khi hei zoh tuah hna u, Nanmah an in pekmi hna tuurun kha khuazei ah dah a si? Naa porhlawt ngaimi tuurun kha?

JEREMIAH 3:15

Cun ka lung a ka tongmi tuukhal kan pek hna lai i Fimnak le hngalhthiamnak in an in cawm hna lai.

JEREMIAH 31:10

“Bawipa bia cu ngai tuah u, Maw miphun hna, Thanh u law rilikam ram le a hlatmi tikulh hna cu hngalhter hna u: ‘Israel cu a ṭhektu nih khan a pumh ṭhan lai i Tuukhal nih a tuurun a zohkhenh bangin a zohkhenh lai,’ tiah chim u.

EZEKIEL 34:3

A hnuk kha nan din, a hmul kha nan i aih i a thaumi kha nan thah hna, sihmanhsehlaw tuu kha nan cawm hna lo.

EZEKIEL 34:31

Nannih cu ka tuurun, ka mi, ka cawmmi ka saṭil nan si i keimah cu nan Pathian ka si, tiah Bawipa Pathian nih a ti.

MIKAH 5:4

Amah cu a hung chuah tikah Bawipa ṭhawnnak thawngin le Bawipa a Pathian min lianngan thawngin Annih cu tuukhal bantukin a khalh hna lai. A lianhngannak nih khan vawlei deng tiang a phak lai caah annih cu him tein khua an sa lai,

MIKAH 7:14

Bawipa, na mi na thimmi hna hi nangmah nih khal hna. Annih cu anmah lawngin ramlak ah khan an um i ram hninghno nih khan a kulh hna. Hlan liopi ah an rak tuah bantuk khan Bashan le Gilead i a ummi ramhno lakah cun kalter hna law tlonter hna.

ZEKHARIAH 11:4

Bawipa kan Pathian bia cu mah hihi a si: Tuurun kha thah awkah thauter hna u.

MATTHAI 16:18

Cucaah cun nang cu lung tum, Peter, na si, kan ti. Cun hi lungpi cungah hin ka Khrihfabu hram ka bunh lai i cucu thihnak hmanh nih a tei kho lai lo.

MATTHAI 2:6

Judea ram ummi Bethlehem khua, Nangmah cu Judah ram khuapi hna lakah a hme bik na si naisai lo; Zeicahtiah nangmah chung hin hruaitu pakhat, ka mi Israel mi hna tuukhal a si dingmi cu a chuak lai,” a ti.

MARKA 13:9

“Nannih cu i ralring u. Zeicahtiah mi nih an in tlaih hna lai i zung ah an in chuahpi hna lai, pumhnak inn ah khan an in tuk hna lai i an in den hna lai, uktu bawi le siangpahrang hna hmaiah, annih cu Thawngṭha chimh awk le keimah ruangah an in chuahpi hna lai.

LUKA 12:32

“Tuurun hmete hna, nan thinphang hlah u! Zeicahtiah nan Pa nih Pennak cu nanmah kha pek an duh hna.

LUKA 21:34

“I ralring tuah u. Zudin sa-einak le khuasak tintuk harnak lawng kha ruat hlah u, cu ti nan si ahcun cu Ni nih cun ruah lopi ah rap bantukin an foih sual hna lai.

LAMKALTU 13:2

Annih nih Bawipa kha an biak i rawl an ulh lioah khan, Thiang Thlarau nih a thawh hna i, “Barnabas le Saul hi, ka thiahmi hna rian kha an ṭuan nakhnga, a dang tein ka chiahpiak hna u,” tiah a ti.

LAMKALTU 14:23

Khrihfabu kip ah khan khrihfa upa an chiah hna i thlacamnak le rawl ulhnak he, an i bochanmi Bawipa kut chungah khan, an chiah hna.

LAMKALTU 20:17

Paul nih Miletas khua khan mi a thlah hna i Efesa khua khrihfa upa kha rak ka tong hna seh tiah bia a cah hna.

LAMKALTU 20:29

Ka kal hnuah ṭih a nungmi cenghngia kha an ra lai i tuurun kha an ngan hna lai lo ti kha ka hngalh.

ROM 16:16

Nannih cu unau dawtnak in pakhat le pakhat i biachawn u. Khrih ta a simi Khrihfabu vialte nih nan kut an in tlaih hna.

1 KORIN 1:2

Nannih cu Pathian mithiang si awkah kawh nan si i Khrih Jesuh he nan i pehtlaihnak thawngin Pathian ta nan si. Cun Jesuh Khrih cu kan Bawi zong a si i an Bawi zong a si ve bantukin kan Bawipa Jesuh Khrih min in thla a cammi paoh cu khuazeika i a ummi an si hmanh ah Pathian ta cu an si ve.

1 KORIN 10:32

Judah mi si hna seh, Jentail mi si hna seh, Pathian Khrihfabu si hna seh, ahohmanh harnak nan pek hna nakhnga lo, cuticun nan nuncanning cu siter ko u.

1 KORIN 11:22

Einak ding le dinnak ding caah mahle inn nan ngei cio lo maw? Asiloah, cuti nan um cu Pathian khrihfabu kha nautat nan duh ca le a herh a baumi nan unau pawl kha ningzahter nan duh hna caah a si maw? Hi kong ah hin zeitindah bia a chim lai tiah nan ka ruah? Hi kongah hin kan thangṭhat kho hna hnga maw? Thangṭhat kho hlah.

1 KORIN 15:9

zeicahtiah Pathian khrihfabu kha ka rak hrem hna i cucaah cun lamkaltu vialte hna lakah nauta bik ka si — a ngaingai ti ahcun lamkaltu ti awk hmanh ka tlak hrimhrim lo.

1 KORIN 6:20

a man in cawkmi nan si. Cucaah nan pum cu Pathian sunparnak caah hmang u.

GALATI 1:13

Judah biaknak ka rak ṭanh lioah khan, zeitindah ka umtuning a rak si kha nan theih cangmi a si ko, Pathian Khrihfabu kha ka rak hrem hna i hrawh awkah fak piin ka rak i zuam.

EFESA 1:14

Pathian nih a mi hna bia a kan kamhmi kha kan hmuh hrimhrim lai tinak aamahkhan cu Thlarau hi a si i Pathian nih a ta a simi hna cu luatnak tling a pek hna lai ti a kan hngalhtertu zong a si. A sunparnak cu thangṭhat ko u sih!

EFESA 1:7

Khrih thihnak nih kannih cu a kan luatter, cucu kan sualnak kha ngaihthiam kan si tinak a si. Pathian vel cu a va lianngan hringhran dah.

EFESA 4:11

“Mi kha laksawng a petu hna” cu amah kha a si; a cheu cu lamkaltu ah a ser hna i a cheu cu profet ah a ser hna, a cheu cu Thawngṭha chimtu ah a ser hna i a cheu cu pastor le cawnpiaktu ah a ser hna.

FILIPI 1:1

Khrih Jesuh sal Paul le Timote nih, Filipi khua i a ummi Pathian mi nan dihlak, Khrih Jesuh a zummi hna cu, nan pastor hna le Khrihfa upa hna he, ca kan in kuat hna.

KOLOSE 1:14

a Fapa thawng cun luatnak kan hmu i kan sualnak cu ngaihthiam kan si.

KOLOSE 4:17

Cun Arkhipas kha, “Bawipa rian chungah ṭuan ding an in fialmi kha rak lim hrimhrim seh an in ti,” tiah rak chim u.

1TIMOTE 3:1

Mi pakhatkhat cu Khrihfabu hruaitu si a duh ahcun rian ṭha ngai a duh a si, timi bia hi ahmaanmi a si.

1TIMOTE 3:2

Khrihfabu hruaitu cu soisel awk um lomi, nupi pakhat lawng a ngeimi, zu rit hmang lomi, mah le mah aa uk khomi, ningcang tein khua a sami, khualtlung a dawmi, cawnpiak a thiammi a si lai;

1TIMOTE 3:5

Mah innchungkhar hmanh ṭha tein a zohkhenh kho lomi nih cun zeitindah Pathian khrihfabu cu a zohkhenh khawh lai?

1TIMOTE 4:14

Profet hna nih bia an chim i upa hna nih na cung i an kut an chuan tikah na hmuhmi thlarau laksawng kha hlothlau hlah.

1TIMOTE 4:16

Nangmah kha ṭha tein i ralring law na cawnpiaknak zong kha i ralring fawn. Cun nangmah naa khamh hleiah na bia a theimi kha na khamh khawh hna nakhnga hi thil hi ngol loin tuah lengmang ko hna.

1TIMOTE 5:17

Khrihfabu ṭha tein a hruaitu Khrihfa upa hna cu, an hmuh awk a simi kha a let hnih in hmuh awkah an i tlak; cu hna lak zongah cun phungchim le cawnpiak i a ṭangmi kha hmuh awkah an i tlak khun.

TITAS 1:7

Khrihfabu hruaitu cu Pathian rian ṭuantu a si caah mawhchiat awk a um lomi a si lai. Miruamkai a si lai lo, mithintawi a si lai lo, zurit hmang a si lai lo, mi-aukhuan hmang a si lai lo, mihakkau a si lai lo.

TITAS 2:14

Kannih cu ṭhat lonak chungin chanh awkah le amah ta a simi mithiang si awkah le ṭhatnak tuah a duhmi siter awkah, kan caah a nunnak kha a pek.

HEBRU 12:15

Pathian vel kha ahohmanh nih nan mertak sual nakhnga lo i ralring u. A khami thingkung, a hung ṭhang i mi tampi harnak a petu bantuk kha ahohmanh si sual hlah u.

HEBRU 13:17

Nan hruaitu pawl kha an bia ngai hna u law an nawl zul hna u. An rianṭuan ningcang kha Pathian hmaiah chim an duh te lai caah, i din loin nannih kha an in zohkhenh hna. An nawl nan ngaih hna ahcun an rian kha lunglawm tein an ṭuan lai, nan ngaih hna lo ahcun ngaihchia in an um lai i cucu nan caah a ṭhahnem lai lo.

1 PETER 2:25

Tuu a tlaumi bantukin nan tlau cang, sihmanhsehlaw atu cu nan nunnak Khaltu a simi le nan nunnak Cawngtu a simi leiah khan nan kir cang.

1 PETER 2:9

Sihmanhsehlaw nannih cu thimmi miphun, Siangpahrang tlangbawi, miphun thiang, Pathian miphun hrimhrim nan si. Muihnak chungin amah ceunak chungah an kotu hna Pathian nih khuaruahharmi thil a tuahmi thanh awkah nannih cu an thimmi hna nan si.

1JOHAN 1:7

Sihmanhsehlaw ceunak chung i a um bantukin kannih zong ceunak chung i kan um ahcun pakhat le pakhat hawikomhnak kan ngei i a Fapa Jesuh thi nih khan kan sualnak vialte in a kan thianh.

BIAPHUAN 5:9

Hla thar kha an sa i: “Nangmah cu cazual kha lak awk le a khuhnak kha phoih awkah naa tlak. Zeicahtiah an in thah i na thihnak thawngin, Hrin kip le chung kip le holh kip le phun kip chungin, Minung cu Pathian sinah na phakpi hna.